14/10/2025
How I dump him because he will drop 5k for weekend cooking 😩
As good girl I be, I go market, add my own money, buy turkey, cook soup, stew, jollof — even fill the fridge like wife material wey pass test 😭
This thing no happen once o… I do am for 4 good weekends! Every Friday, I dey plan menu, Saturday I dey cook, Sunday I dey wash plate and still smile.
Meanwhile the man no even fine 😭 not my spec at all! But since my spec no dey work, I say make I give this one small try.
Omo, na try I try o!
Because each time he go chop, drink, burp and just say, “Nice weekend,” no single “thank you,” no “babe you try,” no even hug of appreciation 😭
Na there I reason say maybe I don turn caterer for free 😭
So I dump am with joy and peace. Because if I wan dey feed ungrateful soul, I for open Mama Joy Kitchen, no be relationship 😭😂
Moral of the story:
Stop feeding who no feed your soul.
4 weekends don teach me say turkey no fit build love 🦃💔
