SMSHealthWise

16/09/2025

Shin ka taɓa jin ciwon ciki da ba ya ƙarewa? Ka taɓa tashi da safe kana jin wuta na ci a cikinka?
Wannan na iya zama ulcer; wata cuta mai saurin yaduwa wadda take ɓata rayuwa, tana hana bacci, kuma tana iya haifar da barazanar mutuwa idan ba a dauki mataki ba. Abin takaici shi ne, dabi’unmu na yau da kullum ne ke buɗe ƙofa ga wannan ciwo mai zafi da haɗari.

MENENE ULCER/GYAMBON CIKI?
Ulcer ciwo ne da ke ɓarke a bangon ciki ko hanji, wanda yawanci ke faruwa saboda yawan acid ko lahani ga garkuwar ciki. Yana iya zama gastric ulcer (a ciki) ko duodenal ulcer (a hanji).

DABI'U 7 DAKE HAIFAR DA ULCER:

1. Cin abinci mara lokaci:
Mutane da dama suna wuce lokaci ba tare da sun ci ba. Wannan yana ƙara acid a ciki, wanda ke cin jikin ciki.

2. Yawan shan shayi mai ƙarfi ko kofi:
Caffeine na ƙara yawan acid, wanda zai iya buɗe hanya ga ulcer.

3. Shan sigari da barasa:
Waɗannan na rage kariyar da ciki ke da ita, suna buɗe hanya ga ciwo da zubar jini a ciki.

4. Rashin bacci da damuwa (stress):
Damuwa yana sa jiki ya ƙara acid da kuma rage narkewar abinci, wanda ke ƙara haɗarin ulcer.

5. Yawan shan magungunan NSAIDs:
Magunguna irin su ibuprofen, diclofenac da sauransu suna hana ciki kare kansa daga acid.

6. Rashin tsaftar abinci:
Bakteria irin su Helicobacter pylori na haddasa ulcer ta hanyar gurɓataccen abinci ko ruwa.

7. Ci gaba da watsi da alamun farko:
Yawan jin zafi bayan cin abinci, kaikayi a ciki, amai ko zafin ƙirji na iya zama alamar farko.

WATSI DA WADANNAN DABI'U NA IYA HAIFAR DA:
- Zubar jini a ciki
- Rami a bangon ciki (perforation)
- Ciwon da ba ya warkewa
- Rashin iya aiki da walwala

Idan ka canza wadannan dabi’u, zaka iya kaucewa wannan cuta mai ban tsoro. Ka rika cin abinci akan lokaci, rage damuwa, guje wa shan magani ba tare da shawara ba, da kuma kiyaye tsafta.

KATUNA
Ciki mai lafiya shi ke kawo natsuwa. Amma ulcer na iya ruguza komai.

Ka zabi lafiya, ka guji dabi’un da ke buɗe ƙofar ulcer.

SMSHealthWise,

15/09/2025

SHIN MENENE DALILI DA YASA MAAIKATAN LAFIYA KE SUKAR MASU MAGUNGUNAN GARGAJIYA?
________________________________________________

A yau, magungunan gargajiya suna da gagarumar matsayi a rayuwar jama’a da dama, musamman a yankunan da ke fama da karancin cibiyoyin kiwon lafiya. Sai dai, a bangaren ma’aikatan lafiya na zamani kamar likitoci, Nurses, da sauran su; ana yawan jin s**a da gargadi akan amfani da wadannan magunguna. Tambayar ita ce: Me yasa suke s**arsu?

1. Rashin Tababtar da Inganci da Hujja (Scientific Evidence):
Babban dalilin da ke sa ma’aikatan lafiya suke s**ar masu maganin gargajiya shi ne rashin tabbataccen bincike da shaida akan tasiri da amincin magungunan da suke bayarwa. A fannin likitanci, duk wani magani dole ne ya wuce matakin gwaji, bincike, da tabbatarwa kafin a yarda da shi.

2. Illoli ga Lafiya (Health Risks):
Wasu daga cikin magungunan gargajiya – musamman wadanda ba a auna su ba – na iya zama da hadari. Wasu na iya lalata hanta, kodan ko haifar da zubar jini. Ma’aikatan lafiya na nuna damuwa domin sun sha ganin mutane da s**a lalace sakamakon amfani da magungunan da ba a san menene cikinsu ba.

3. Jinkirta Neman Magani a Asibiti:
Wani babban matsala shi ne yadda mutane ke jinkirta zuwa asibiti saboda suna tunanin maganin gargajiya zai warware matsalarsu. Wannan jinkiri na iya sa cuta ta kara tsananta, har ta gagari a warkar da ita.

4. Kin Bayyana Abubuwan Da ke Cikin Magunguna:
Da dama daga cikin masu magungunan gargajiya ba sa bayyana sinadaran da ke cikin maganinsu. Wannan na haifar da rashin amincewa, musamman daga bangaren likitoci da ke bukatar sanin ainihin sinadaran da marasa lafiya ke amfani da su.

5. Cusa Tsoro da Camfi:
Wasu daga cikin masu magani suna amfani da camfi da ruɗi wajen janyo hankalin mutane – suna danganta cututtuka da aljanu, sihiri ko ‘hawan jinni’ – maimakon a dauke su a matsayin cututtuka da ke bukatar magani na kimiyya.

6. Rashin Kula da Tsabta da Ka'idoji:
A asibitoci, akwai tsauraran matakan tsafta da kariya daga yaduwar cuta. Amma a wajen masu magungunan gargajiya, ana samun rashin kula da tsafta, wanda kan kara jefa rayukan marasa lafiya cikin hadari.

Daga karshe dai, s**an da ma’aikatan lafiya ke yi ga masu magungunan gargajiya ba wai nufin su ne gaba ɗaya ba su da amfani. A’a, yana nuna cewa ana bukatar a gyara, a tsarkake, kuma a kimtsa fannin. Idan aka hada karfi da karfe tsakanin ilimin gargajiya da na zamani, za a iya samar da tsarin kiwon lafiya mai cike da fa’ida, aminci da sahihanci. Amma har sai an bi matakan da s**a dace, s**a da gargadi daga bangaren masana lafiya za su ci gaba da kasancewa wajibi don kare lafiyar jama’a.

SMSHealthWise,

15/09/2025

SHIN MUNA GINA KO MUNA RUSA DANGANTAKAR MU NE DA 'YA'YAN MU?

Wannan tambayar tana da matuƙar muhimmanci, musamman a wannan zamanin da ake fama da canje-canje na tarbiyya da dabi'u. Dangantakar iyaye da ƴaƴa ita ce ginshiƙin tarbiyya, zaman lafiya da ci gaban kowace al'umma. Amma me ke faruwa idan wannan ginshiƙi ya fara dusashewa?

A zamanin baya, iyaye na cika gida da kulawa, kauna, hukunci mai adalci da tarbiyya. Amma a yau, mun fara ganin iyaye masu buƙatuwa fiye da bayarwa, iyaye masu rayuwa cikin duniyar kansu, suna mantawa da damuwar da ke damun zukatan ƴaƴansu. Har ila yau, mun fara ganin yaro mai tashi ba tare da fahimtar matsayin iyaye ba – yana ganin su a matsayin masu cika masa buƙatu kawai, ba su da daraja ko tsoro a idonsa.

MENEN ILLAR HAKAN?

- Ƴaƴa suna lalacewa cikin sauri, suna komawa wajen abokai, yanar gizo, ko wasu mutane da ba su da masaniyar tarbiyya.
- Rashin yarda da fahimta tsakanin iyaye da ƴaƴa yana haifar da ɓoye sirri da keta haddi.
- Rashin jin daɗi a gida yana sa yaro yafi jin kwanciyar hankali a wajen gida – abin da ke haifar da faɗawa cikin miyagun ɗabi’u.
- Iyaye da ƴaƴa na zama baƙi a gida ɗaya. Gidaje suna rasa ɗumamar zumunci da soyayya.

SHIN MENENE MAFITA?
1. Lokaci da sauraro: Iyaye su daina ganin 'ya'ya a matsayin abin mallaka. Saurari damuwarsu, fahimci duniyarsu, ku zama abokansu ba abokan faɗa ba.

2. Gina aminci: Ka rinka tabbatar da cewa gida wuri ne na kwanciyar hankali, ba na tsoro da duka kawai ba.

3. Kauna da kulawa: Ka nuna soyayya ta zahiri – ta hanyar kalamai, runguma da faɗa mai taushi.

4. Addu’a da tarbiyya mai nutsuwa: Kada a bar addini ko tarbiyyar kwarai, su ne garkuwar ɗa da iyaye.

MU LURA 👀
Idan muka gaza gina dangantaka da 'ya'yanmu a yau, su ma za su gaza gina makomarsu gobe. Muna buƙatar dawo da zumunci, kulawa da dangantaka ta girmamawa da fahimta tsakanin iyaye da ƴaƴa – kafin zamantakewarmu ta faɗa cikin rudu da rayuwa ta rasa alkibla.

SMSHealthWise,

13/09/2025

TAFIYA ZUWA HALAKA: HADARIN JIMA'I KAFIN AURE (PREMARITAL S*X)
________________________________________________

Shin ka taba tunanin irin mummunan tasirin da juma'i kafin aure ke da shi a rayuwar mutum? Me yasa addini da al’adu s**a hana shi? Me yasa masana lafiya da zamantakewa ke gargadi game da shi?

Jima'i kafin aure ba kawai laifi bane a wajen Allah, amma wata hanya ce mai cike da haɗurran da ke jefa mutum cikin bala’o’i na lafiya, ruhi da rayuwa baki ɗaya.

GA WASU DAGA CIKIN ILLOLINSA:

1. Cutar Zazzabin HIV/AIDS – Yin jima’i ba tare da aure ba yana sanya mutum cikin hadarin kamuwa da cututtukan da ake yada ta hanyar jima’i, da s**a hada da HIV/AIDS, gonorrhea, syphilis da sauransu.

2. Ciwon Zuciya da Na Ruhi – Bincike ya nuna cewa mutane da ke cikin alaƙar jima’i kafin aure s**an fi fama da damuwa, fargaba da rashin kwanciyar hankali, musamman idan dangantakar ta rushe.

3. Shan kunya da Asarar Daraja – Yana iya haifar da tozarta mutum a idanun jama'a, musamman a cikin al’umma masu daraja da tsaftar tarbiyya da addini.

4. Ciwon ciki ba tare da aure ba – Wannan na jefa mace cikin mawuyacin hali: wulakanci, ɗaurin kai, yanke makaranta, da kuma yuwuwar yin kisan ciki (abortion) wanda shi ma babban zunubi ne.
5. Rushewar Aure nan gaba – Masana sun tabbatar da cewa mutanen da s**a shiga alaƙar jima’i kafin aure s**an fi fuskantar matsaloli da yawan saki a auren su.

6. Fushin Allah da faduwar albarka – Zina babban zunubi ne wanda ke jawo fushin Ubangiji da hana albarka a rayuwa.

SAKO GA MATASA:

Rayuwa da mutunci da tsoron Allah shi ne ginshikin nasara. Kada ki/mu bari sakacin daɗi na lokaci kaɗan ya mayar da rayuwar mu cikin bakin ciki na har abada.

Ka tuna cewa jima’i kyauta kafin aure bai kyauta ba — yana da tsadar da ta wuce tunani.

ZABI NA HIKIMA: KA TSAIRA, KA JIRA, KA BINA SHARI’A.

SMSHealthWise,

11/09/2025

CAMFI KO ILIMI: WANNE ZAI TAIMAKAWA JARIRI?
________________________________________________

Tattaunawa Tsakanin Midwife da Mai Juna Biyu Akan Cin Abinci da Camfi (Food Taboo) - A lokacin ziyarar Asubiti

MIDWIFE (cikin fara'a):
Assalamu alaikum, Hajiya Amina. Yau ma mun same ki lafiya. Ya jikin?

AMINA:
Alhamdulillah. Ina kara gode muku sosai.

MIDWIFE:
Muna farin cikin ganin kina zuwa lafiya. Yau zamu dan tattauna ne akan abinci da kiwon lafiya a lokacin juna biyu. Kin san cewa abinci yana da matukar muhimmanci wajen lafiyar uwa da jariri.

AMINA:
Eh haka ne, amma akwai wasu abincin da aka ce mace mai ciki ba zata ci ba. Kamar naman kaza da kifi, wai suna haifar da ciwon ciki ko jaririn ya sami tabo.

MIDWIFE (cikin tausayi da fahimta):
Na fahimta Hajiya. Wadannan ra’ayoyin camfi ne da basu da tushe a fannin likitanci. Abinci kamar nama, kifi da kwai suna dauke da sinadaran da ke gina jiki da kuma taimakawa ci gaban jariri a ciki. Rashin cin su zai iya jawo karancin jini ko rauni ga jaririn.

AMINA:
To amma su iyaye na suna gargadi sosai akan hakan. Ina jin tsoro kada wani abu ya faru.

MIDWIFE:
Kina da gaskiya ki damu da lafiyar jaririnki, amma ki sani cewa ilimi da bincike sun nuna babu wata illa da abinci mai kyau ke haifarwa. Maimakon mu dogara da camfi, mu dogara da sahihin bayani daga masana kiwon lafiya. Allah ya halicci wadannan abincin ne da amfaninsu.

AMINA:
To nagode sosai. Zan bi shawarar ku in dai hakan ne mafi alheri.

MIDWIFE:
Allah ya kara miki lafiya da sauki. Kada ki ji tsoro. Mu a nan muna tare da ke har zuwa haihuwa cikin sauki, in sha Allah.

SAKO📩📩
Camfi da hani akan wasu nau'in abinci na iya cutar da uwa da jariri. Ki nemi shawara daga kwararru, kada ki dogara da jita-jita. Lafiyar ki da ta jariri na da muhimmanci – ki ci abinci mai gina jiki, ki guji camfi.

SMSHealthWise,

11/09/2025

SHIN BUTUTUN HANCI (NG TUBE) YANA KISA KAMAR YADDA AKE FADA?
________________________________________________
Ga yadda tattaunawa tsakanin Nurse da mara lafiya ta kasance👇👇

NURSE (cikin nutsuwa da tausayi):
Assalamu alaikum, Malam Usman. Na fahimci kana da damuwa game da wannan bututun hanci. Wannan abu ne na yau da kullum. Mutane da dama suna jin haka a farko.

MARA LAFIYA (cikin tsoro):
Eh, na ji cewa duk wanda aka saka wa wannan bututun yana mutuwa nan da nan...

NURSE (cikin murmushi):
Na san hakan, amma gaskiyar magana ita ce wannan ra’ayi kuskure ne. Bututun hanci kayan taimako ne kawai, kamar sanda ga wanda ke da rauni — ba shine ke janyo matsala ba, sai dai yana taimaka wa jiki ya samu lafiya.

MARA LAFIYA:
To me yasa nake bukatarsa?

NURSE:
Saboda baka iya cin abinci ko hadiyewa yadda ya kamata. Wannan bututun zai taimaka mana wajen ba ka abinci da magunguna cikin aminci da sauki. Mutane da yawa suna murmurewa cikin sauri idan an saka musu, kuma su ci gaba da rayuwa cikin koshin lafiya.

MARA LAFIYA:
Shin zai yi min ciwo?

NURSE:
Zai iya yin dan karamin rashin jin dadi a lokacin saka shi, amma zan kasance tare da kai duk tsawon lokacin. Zamu saka shi cikin sauki da kulawa. Kuma da zarar ka kara karfi, za mu cire shi.

SAKO GA MASU CAMFI AKAN BUTUTUN HANCI (NG TUBE):

Bututun hanci ba hukuncin mutuwa ba ne. Ba cuta ba ne. Kuma ba alamar karshen rayuwa ba ne.

Yana daya daga cikin hanyoyin taimakon lafiya da Allah ya h**e wa likitoci da nas-nas don ceto rai. Ana amfani da shi don taimaka wa marasa lafiya su samu abinci, ruwa ko magani lokacin da bakin su ko ciki ba ya aiki yadda ya kamata.

Camfi da tsoron da wasu ke yi yana hana mutane samun magani cikin lokaci, wanda hakan na iya jefa rai cikin hadari. Idan mutum ya sami cikakken bayani daga kwararru, zai gane cewa NG Tube taimako ne, ba hatsari ba.

MU TUNA CEWA👂

- Camfi ba hujja ba ce a addini ko a kimiyya.
- Kowane lokaci mutum na bukatar taimako, ya kamata a karba da tawakkali da sanin cewa Allah shi ke bada lafiya, ta kowace hanya da Ya so.
- Yin watsi da bututun hanci saboda jin cewa "duk wanda aka sa wa sai ya mutu" ba gaskiya ba ne kuma na iya hana ceto rai.

SAKO DAGA SMSHealthWise:

Muna kira da a nemi ilimi, a tambayi likita ko Maaikacin Jinya kafin a yanke hukunci. Lafiya amana ce – kada a bari camfi ya hana ka daukar matakin da zai iya ceton rayuwa.

11/09/2025

Translate the following note in to Hausa language

ARE YOU SURE YOUR NEXT MEAL WOULDN'T MAKE YOU SICK?
OW CLEAN IS THE FOOD YOU EAT —OR THE HANDS THAT PREPARE IT?

Food gives us life, but if handled carelessly, it can also lead to illness or even death. Every day, people suffer from foodborne diseases caused by bacteria, viruses, or harmful chemicals—many of which are preventable through simple food hygiene practices.

Food hygiene means handling, preparing, and storing food in ways that prevent contamination. This includes washing hands before touching food, keeping raw and cooked foods separate, cooking to the right temperatures, and storing leftovers properly.

Poor hygiene—like unwashed vegetables, dirty kitchen surfaces, or undercooked meat—can lead to infections such as cholera, typhoid, or food poisoning. These illnesses are especially dangerous for children, the elderly, and those with weak immune systems.

Everyone has a role to play. Whether you're a food vendor, a parent, or simply someone preparing a meal, your actions matter. Clean hands, clean utensils, and proper storage can save lives.

So before your next bite, ask yourself: Is this food safe? Have I done my part to keep it clean?

SMSHealthWise

11/09/2025

SHIN KA TABBATA CIN ABINCINKA NA GABA BA ZAI JAWO ILLA GA LAFIYARKA BA?
YAUSHE NE KARSHE KA TABBATAR DA TSABTAR ABINCINKA — KO HANNUN DA YA DAFA SHI?

Abinci na kawo mana rai, amma idan ba a kula da shi yadda ya kamata ba, zai iya haifar da cuta ko ma mutuwa. Kullum, mutane na fama da cututtuka masu nasaba da cin abinci wanda ke dauke da kwayoyin cuta, kwayoyin bacteria, ko sinadarai masu illa—yawanci waɗanda za a iya kaucewa idan an kiyaye ka'idojin tsaftar abinci.

✔️✔️✔️TSAFTAR ABINCI na nufin yadda ake sarrafa, dafa, da adana abinci domin kaucewa gurɓacewa. Wannan ya haɗa da:
- Wanke hannu kafin taɓa abinci,
- Raba nama da kayan lambu masu tsami da wanda aka dafa,
- Dafa abinci da kyau har sai ya dahu sosai,
- Da adana ragowar abinci cikin tsabta da sanyi.

❌❌❌ RASHIN TSAFTAR ABINCI
kamar kayan lambu da ba a wanke ba, saman girki da ke da datti, ko nama da bai dahu sosai ba; na iya haddasa cututtuka kamar kolera, typhoid, ko guba daga abinci. Wadannan cututtuka sun fi zama barazana ga yara, tsofaffi, da masu raunin garkuwar jiki.
Kowa na da rawar da zai taka. Ko kai mai sayar da abinci ne, uwa ko uba, ko kuma mai dafa girki a gida — abin da kake yi yana da muhimmanci. Hannu masu tsabta, kayan girki masu tsafta, da adana abinci yadda ya kamata na iya ceton rayuka.

Don haka kafin ka kai abinci baki, tambayi kanka:
Shin wannan abincin lafiya ne? Na kiyaye tsaftarsa kuwa?

SMSHealthWise,

10/09/2025

FARASHIN SAKACI: RASHIN MAKANTA BA YA JIRA👉🔕❗❗❗

Ka san cewa mutane fiye da biliyan 2.2 a duniya na fama da matsalar gani? Kuma fiye da rabinsu, ana iya magance su ko kuma hana faruwarsu gaba ɗaya? Sau nawa kake zuwa duban ido? Kana ganin rashin gani matsala ce ta tsofaffi kaɗai?

Wadannan tambayoyi ba don wasa aka yi su ba — suna tunatar da mu gaskiyar rayuwa. Yawancin mutane suna raina idonsu har sai matsala ta bayyana. A yau da muke fuskantar na’urori masu haske, gurɓacewar iska, da rashin lafiyayyen salon rayuwa, idonmu na fuskantar barazana, amma har yanzu lafiyar ido bata samun kulawa da ya dace.

MENENE YASA LAFIYAR IDO KEDA MUHIMMANCI?

Idanu ba kawai taga ne zuwa rai ba — su ne maɓalli na ‘yanci, koyo da samun abin yi. Rashin gani yana shafar tafiya, karatu, aiki, har ma da lafiyar kwakwalwa. Amma labari mai daɗi shi ne cewa yawancin matsalolin ido ana iya kauce musu.

ABUBUWAN DA KE KAWO RASHIN GANI

- Kurakuran gani (kamar gajeren gani, dogon gani, ko jujjuyawar gani)
- Cataract (yanar ido)
- Glaucoma (hawan jinin ido)
- Diabetic Retinopathy – yana faruwa ne sakamakon ciwon suga mara kulawa
- Macular Degeneration – yakan faru da tsofaffi
- Raunin ido ko kamuwa da cuta

HANYOYIN KARE LAFIYAR IDO

- Ziyarar Likitan Ido Akai-akai: A kalla sau ɗaya cikin shekara 1–2.
- Amfani da Kayan Kariyar Ido: Musamman lokacin amfani da na’urori ko aiki da abubuwa masu haɗari.
- Kulawa da Ciwon Suga da Hawan Jini
- Abinci Mai Amfani da Ido: Kamar ganyaye masu kore, karas, kifi, lemu, da gyada.
- Bada Hutun Ido: Bi ƙa’idar 20-20-20 — duk bayan minti 20, duba abu mai nisan kafa 20 tsawon sakan 20.
- Guje wa Shan Sigari
- Takaita Amfani da Na’urorin Hannu da Kwamfuta

FADAKARWA:

Al’umma za ta iya taimakawa ta hanyar:
- Shirya binciken lafiyar ido kyauta
- Wayar da kai kan kariya da kula da ido
- Samar da lafiyayyen kulawar ido ga kowa da kowa

MU TASHI TSAYE:

Gani wata ni’ima ce — wadda za a iya rasa ta a hankali ba tare da an sani ba. Amma da ilimi, saukin gyara rayuwa, da zuwa likita akai-akai, zamu iya hana mafi yawan matsalolin ido. Mu daina jira cuta ta bayyana kafin mu damu. Mu kare ganinmu tun da wuri.

Tambayata gare ka ita ce: Ya ya batun duban idonka na ƙarshe?

SMSHealthWise,

10/09/2025

THE PRICE OF NEGLECT: VISION LOSS DOESN'T WAIT❗❗❗

Did you know that at least 2.2 billion people around the world have some form of vision impairment? And that over half of these cases are preventable or treatable*? How often do you have your eyes checked? Do you believe that vision loss is only a problem of old age?

These are not just random questions — they’re reality checks. Many people take their eyesight for granted until it’s too late. In today's fast-paced world of screens, pollution, and unhealthy lifestyles, our eyes are constantly under threat, yet eye health remains one of the most neglected aspects of personal care.

WHY EYE HEALTH MATTERS?

Your eyes are not just the windows to your soul — they are key to your independence, learning, and livelihood. Vision loss can affect mobility, education, work, and mental well-being. But the good news is that many causes of vision loss are preventable.

COMMON CAUSES OF VISION LOSS

- Refractive errors (like myopia, hyperopia, astigmatism)
- Cataracts– the world’s leading cause of blindness
- Glaucoma– the “silent thief of sight”
- Diabetic Retinopathy – linked to poorly controlled diabetes
- Macular Degeneration – often age-related
- Eye injuries and infections

PREVENTATIVE MEASURES EVERYONE SHOULD TAKE

- Regular Eye Exams: At least once every 1–2 years, even if you have no symptoms.
- Protective Eyewear: When using screens for long hours, or working with chemicals or tools.
- Manage Chronic Illnesses: Especially diabetes and hypertension.
- Eat for Your Eyes: Include leafy greens, carrots, citrus fruits, fish, and nuts rich in omega-3s.
- Rest Your Eyes: Follow the 20-20-20 rule — every 20 minutes, look 20 feet away for 20 seconds.
- Avoid Smoking: It increases the risk of cataracts and macular degeneration.
- Limit Screen Time: Especially for children and office workers.

COMMUNITY ACTION AND EDUCATION

Communities can play a role by:
- Organizing vision screening programs
- Educating on safe eye practices
- Ensuring access to affordable eye care

A CALL TO ACTION

Vision is a gift — one that can be lost slowly and silently. But with awareness, simple lifestyle choices, and regular check-ups, we can prevent most forms of vision loss. Let’s not wait for a warning sign. Let's protect our sight while we still have it.

So, here’s the question for you: When was your last eye check-up?
Your vision might just depend on the answer.

SMSHealthWise

08/09/2025

06/09/2025

ALAKAR LAFIYA DA TALAUCI A NIGERIA: YADDA ZA'A TSINKA WANNAN ALAKA

Lafiya da talauci na da alaƙa mai ƙarfi. Mutane da ke fama da talauci sun fi shan wahala wajen samun kulawar lafiya, yayin da rashin lafiya ke kara jefa mutane cikin talauci. Wannan zagaye ne mara ƙarewa wanda ke hana ci gaba a al'umma.

ABUBUWAN DA ZAMU FAHIMTA:

- Talauci yana rage damar samun abinci mai kyau, tsaftar ruwa, da magani.
- Rashin lafiya yana hana mutane yin aiki, wanda ke kara jefa su cikin talauci.
- Ingantacciyar kiwon lafiya tana taimakawa wajen fitar da jama'a daga kangin talauci.
- Shirye-shiryen kiwon lafiya kyauta ko rangwame, da ilimantarwa na taimakawa wajen karya wannan zagaye.
- Gwamnati da ƙungiyoyi masu zaman kansu na da rawar takawa wajen sauya wannan hali.

SHIN MENENE MAFITA?

- Inganta ilimin lafiya a matakin ƙasa da ƙauyuka.
- Samar da ingantaccen tsarin kiwon lafiya ga kowa da kowa.
- Tallafa wa iyalai masu ƙaramin ƙarfi ta hanyar shirye-shiryen walwala.

📧 [email protected]
📱09061446099

SMSHealthWise,
Dianâ, Pearls of Rumi, Anas Shehu, Community health services initiative, Umar Shehu, Chsi Jisconsbbr, Young ProfIbrahim Maqari, Anas A Ado, Gentle Sk, Sadiq Ahmad Sulaiman, Muhammad Almusty