Sir Wisdom

Sir Wisdom Tarihi yana adana abin da lokaci yake ƙoƙarin gogewa
(2)

NAMIJIN ZUMA BA YA TARA ABINCI KO YIN ZUMA? 🤔Wasu mutane idan s**a ga drone bee sai su ce:“Wannan ai malalaci ne! 😅 Baya...
23/09/2026

NAMIJIN ZUMA BA YA TARA ABINCI KO YIN ZUMA? 🤔

Wasu mutane idan s**a ga drone bee sai su ce:

“Wannan ai malalaci ne! 😅 Baya tara zuma, ba ya ciyar da colony, sai dai ya zauna yana jiran abinci!”

Amma abin mamaki shine: ba malalaci bane!

Allah ya halicce shi da wani aiki na musamman.

Babban aikin drone bee shine haihuwa.

Drones maza ne, kuma basa aikin tattara nectar ko pollen k**ar yadda worker bees mata suke yi.

Worker bees sune suke fita neman abinci, suna kawo nectar da pollen, suna sarrafa shi kuma suna kula da sauran abubuwan da colony ke buƙata.

Drone kuwa yana da muhimmiyar rawa:

Yana fita daga hive domin neman queen da take cikin mating flight (Lokacin saduwa)

Idan ya yi nasarar saduwa da queen, tsarin jikinsa yana sa sashen haihuwarsa ya fita daga jikinsa, kuma drone ɗin ya mutu bayan mating.

Amma fa akwai wani abu mai ban mamaki!

Drone da bai samu damar saduwa da queen ba, zai iya ci gaba da rayuwa na wani lokaci yana cin abincin da worker bees s**a tanada, kenan dai mijin hajia ne...🤣

Idan lokacin sanyi ya shigo matan zuma suna korar duk wani drone Bee daga colony ɗinsu inda yake fita yunwa ta kashe shi

Saboda haka, baza mu iya kiranshi “malalaci” ba kawai sai dai muce mijin hajia. 😄

Kowane mazauni a gidan zuma yana da aikin da aka tsara masa.

Worker bee _tattara abinci da kula da colony
Drone _ aikin (saduwa)
Queen _ samar da ƙwai da ci gaba da zuriyar colony

Darasin da za mu koya:

Abin da yake k**a da “rashin aiki” a idanun mu, wani lokaci yana iya kasancewa wani muhimmin aiki da aka tsara shi domin yin sa.

LAMARIN UBANGIJI SAI KALLO! 🐝

© Sir Wisdom

BAYAN KAMMALA SADUWA DA MACEN ZUMANAMIJIN YANA SHEƘAWA BARZAHU!Ga yadda abin yake:Lokacin da namijin zuma wanda shi ake ...
22/09/2026

BAYAN KAMMALA SADUWA DA MACEN ZUMA
NAMIJIN YANA SHEƘAWA BARZAHU!

Ga yadda abin yake:

Lokacin da namijin zuma wanda shi ake kira (drone bee) ya sadu da sarauniyar zuma (queen bee), Wanda wannan saduwa tana faruwa ne yayin tashi a sararin samaniya, ana kiran hakan (mating flight).

A lokacin da s**a haɗu a ƙololuwar sama, namijin zuma yana amfani da wani ɓangare na jikinsa da ake kira endophallus (k**ar azzakari) domin ya fitar da maniyyi ya shigar cikin queen, Bayan maniyyin ya shiga, wannan ɓangaren yana tsinkewa daga jikinsa, wato yana fita gaba ɗaya tare da wani ɓangare na cikinsa.

Saboda wannan tsinkewar, namijin zumar yana mutuwa nan take bayan ya gama saduwa da ita sarauniyar zumar, wannan yana nufin saduwa ɗaya ce kawai a rayuwarsa.✋

Dalilin hakan kuwa: tsarin haihuwar zumar ya dogara ne da sacrifice ɗin namiji domin ci gaban dangin zumar.

Queen bee tana tara maniyyi daga maza da dama a lokacin tashi ɗaya, domin takan sadu da maza 30 zuwa 40 sannan tana iya amfani da wannan maniyyi tsawon rayuwarta domin haifar dukkan sauran ’ya’yan gidan zumar.

Don haka, tsarin “mutuwar namiji bayan saduwa” yana tabbatar da cewa queen ta sami isasshen maniyyi kuma tsarin zamantakewar gidan zuma zaici ci gaba da tafiya.

A ƙalla Bayan saduwa, queen tana ajiye maniyyin a cikin wani ɓangare na cikinta da ake kira (s***matheca), daga nan take amfani da shi a hankali na tsawon rayuwarta.

LAMARIN UBANGIJI SAI KALLO!

Queen bee tana iya tara maniyyi (s***m cells) masu yawa a cikin s***matheca, kuma adadinsu yana iya kaiwa:
👉 kimanin miliyan 70 (70 million s***m cells) koma fiye!

Amma abin ban sha’awa shine:

Ba ta amfani da duka a lokaci guda.

Tana ajiye su a cikinta, a hankali tana fitar da kaɗan-kaɗan yayin da take ƙwai!

Wannan yana ba ta damar yin ƙwai fiye da miliyan ɗaya a tsawon rayuwarta, wacce zata iya kaiwa shekaru 3–5.

Wato, wannan ajiya na maniyyi a cikin s***matheca yana aiki k**ar tankin rayuwa wanda ke ciyar da dukkan gidan zuma!

sarauniyar zuma itace zata samar da duka dangin masarautar ta

Allah ka kara haskaka kirjin mu da ilimi 🙏
Sir Wisdom

ƘWARO MAI FESHIN RUWAN ZAFI 🔥 Akwai wani ƙaramin kwaro da ake kira Bombardier Beetlesunan kimiyya : (Brachinus spp) Wann...
21/09/2026

ƘWARO MAI FESHIN RUWAN ZAFI 🔥

Akwai wani ƙaramin kwaro da ake kira Bombardier Beetle
sunan kimiyya : (Brachinus spp)

Wannan ƙwaro yana da wata baiwa mai ban mamaki

Domin kuwa yana iya harbo wani sinadari mai zafi daga bayan jikinsa domin kare kansa daga wata barazana daga wani maƙiyi da ya kusance shi, ƙwaron yana haɗa wasu sinadarai a cikin wani ɓangare na cikinsa.

Wannan haɗin yana haifar da zafi da mai tsanani sannan ya feso da ruwan sinadarin cikin sauri zuwa ga maƙiyin nasa

Abin mamaki shine ko kun san cewar ruwan na iya kaiwa kusan 100°C, kuma kwaron yana iya karkatar da inda yake harbo wannan ruwa domin ya kaiwa maƙiyin hari.

Ku sani wannan ba harin farauta bane makamin kare kai ne.
Da Allah ya halitta masa

Ƙaramin kwaro ne amma yana ɗauke da makamin sinadari a jikinsa!

Duniya tana cike da halittu masu baiwa da zasu baka mamaki idan kaji labarin su

WANNAN MACIJI BASHI DA RIGIMA SAM!!Akwai wani macijin teku dake ɓoye a ƙarƙashin ruwa, wanda dafinsa yana daga cikin maf...
21/09/2026

WANNAN MACIJI BASHI DA RIGIMA SAM!!

Akwai wani macijin teku dake ɓoye a ƙarƙashin ruwa, wanda dafinsa yana daga cikin mafi ƙarfi a tsakanin macizai na teku.

Sunansa: Dubois’ Sea Snake

Sunan kimiyya: Aipysurus duboisii

Ana samunsa a kusa da gaɓar Australia, Papua New Guinea da New Caledonia, musamman a yankunan teku masu reefs da sauran wuraren da yake samun abinci.

Me ya sa yake da ban tsoro?

Dafinsa yana da neurotoxins masu iya shafar jijiyoyi da tsokoki. Idan cizo yayi tsanani, gubar na iya haifar da gurɓacewar tsokoki har da tsokokin numfashi, abin da zai iya zama barazana ga rayuwa wanda ya ciza

Amma akwai wani abin mamaki shi wannan macijin ba macijin da yake neman mutane bane. Gaba ɗaya macizai na cikin teku basa sha'awar cizon mutum sai an k**asu ko an tsokane su.

Yawancin cizon da aka samu suna faruwa ne lokacin da masunta s**a yi ƙoƙarin cire macijin daga cikin tarkon kamun kifi.

Kuma ba wai duk macijin da yake rayuwa a ruwa yake zama “sea snake” ba.

True sea snakes suna shafe mafi yawan rayuwarsu a cikin teku kuma suna da jikinsu da wutsiya da s**a dace da yin iyo.

Sea snake maciji ne ƙarami idan aka kwatanta da manyan macizai, amma dafin da yake ɗauke dashi abin mamaki ne.

© COPYRIGHT BY Sir Wisdom

AMFANIN DUKIYA! A shekarun baya a ƙasar Misrah, akayi wani mutum attajirin gaske, ya mallaki gidaje da dama waɗanda ya s...
20/09/2026

AMFANIN DUKIYA!

A shekarun baya a ƙasar Misrah, akayi wani mutum attajirin gaske, ya mallaki gidaje da dama waɗanda ya sanya ƴan haya a ciki, Sai ya zamto tsabar yadda yake son kuɗi, da kanshi yake bi dukkan gidajen hayansa waɗanda sunfi guda 100, yake karɓan kuɗin haya Idan lokacin yayi

Wata rana yazo karɓar kuɗin hayan wani gida, sai ya samu mai gidan bayanan, ya dawo nan ma bayanan.

Rannan da yazo sai ya tarar dashi, sai yake tambayar shi meye yake faruwa yana yawan zuwa baya samun shi?

Sai ɗan hayar yake cewa dashi: "ae wallahi na shiga unguwar can ne domin akwai wani attajiri da yake shirya mana liyafa kullum, kuma bayan munci mun sha mun ƙoshi, sannan yabi dukkanin mu da kuɗi, yanzu haka ma can zanje"

Sai wannan attajirin yace ah muje nima..😂

S**a isa gidan yaga jama'a kuwa maƙil kowa yanaci ya ƙoshi.

Aka gama kuma aka zo layin karɓan kuɗin kashewa.

Layin wancan attajirin yazo zai karɓa sai yace da wannan mutumin daya shirya liyafar:
"Alhaji amma yaya kake wasa da kuɗi haka kana kyauta k**ar ba kuɗi kake bayarwa ba?"..

Sai yace ae abun na Allah ne, Allah ya mini arziki sosai saboda duk matan da na aura su 3, mazajen su hamshaƙan masu kuɗi ne sosai, toh duk wacce mijin ta yabar mata kuɗi sai na aura nazo ina cin arziki, yanzu haka ma an bani labarin akwai wani attajirin dake wata unguwa can, ance mini yana ta tara kuɗi baya ci, Insha Allah da matar shi zan rufe ƙofa nayi ta 4 idan ya rasu"

Nan fa wannan attajiri da baya ci zufa ta keto mishi, ya ma kasa karɓan kyuatar kuɗin da za a bashi ya juya ya tafi.

A hanyar sa ta komawa ya tsaya yayi cefane na azo a gani, ya kuma yi alƙawarin ya fara cin kuɗin shi kenan daga ranar.

Yan'uwa masu hankali da tunani, idan Ubangiji ya baka dama wallahi ka dama, kada kace zaka tarawa magada, dayawan su basu iya biyawa iyayen su bashi dake kan su bayan rasuwar iyayen

ku tuna da baitin wani mawaƙin Hausa da yake cewa:

"Matuƙar Allah ya buɗama taimaki al'umma su ji daɗi inda ranka s**e ka kyauta inma baka s**e ka kyauta"

Allahu yasa mu wanye lafiya...🙏🙏
Sir Wisdom

KA TAƁA GANIN KIFI MAI FITILA??Suna: Angel fishSunan kimiyya: (Melanocetus johnsonii)Ka taɓa tunanin wata halitta da tak...
20/09/2026

KA TAƁA GANIN KIFI MAI FITILA??

Suna: Angel fish
Sunan kimiyya: (Melanocetus johnsonii)

Ka taɓa tunanin wata halitta da take rayuwa a cikin zurfin teku, inda duhu yayi yawan da har hasken rana ba ya isa wajen?

To can ne ake samun wata halitta mai ban mamaki da ban tsoro da ake kira Anglerfish. 🐟

Abin mamakin shine wani kifi da yake ɗauke da fitila a kansa...😱

Anglerfish yana da wani tsiro mai k**a da sanda a gaban kansa, wanda ke iya samar da haske sosai. wannan hasken yana aiki k**ar tarko: yana amfani dashi wajen jawo ƙananan halittu zuwa kusa da bakin sa. 😨

Bakinsa yana ɗauke da dogayen haƙora masu kaifi, kuma wasu nau'ikan kifin suna da ciki mai iya ƙara faɗaɗa, wanda ke taimaka musu cin abin da yafi girman abinda zaka yi tsammani daga jikinsu.

Wannan kifi yana rayuwa ne a zurfin teku, inda abinci baya da yawa sosai. saboda haka, idan wata halitta tazo kusa, Anglerfish baya taɓa son ya rasa damar wannan abincin

Wani ƙarin abin mamaki a wasu nau'ikan Anglerfish, namiji yana da ƙanƙanta sosai idan aka kwatanta da mace.

Namijin na iya manne wa jikin mace, kuma a wasu nau'ikan jikinsu yana haɗuwa ta yadda namijin ke samun abubuwan gina jiki daga macen

Kayi tunanin a ƙasan ruwa duhu ne kawai. 🌑
babu hasken rana, sai wata ƙaramar fitila da ubangiji ya hallitta a jikin wani kifi don sauƙaƙa masa neman abinci!

Kamar hakane kowane bawa da ubangiji ya halitta yayi masa wata baiwa ta musamman da ya keɓe shi da ita____

Akwai halittun da har yanzu ɗan Adam bai san komai game dasu ba, wasu suna koyar damu wani ilimi da bamu sani ba game da girman Ubangiji

COPYRIGHT © BY Sir Wisdom

TANA TARA KWAYOYIN MANIYYI HAR 70MILLIONSarauniyar zuma (queen bee) tana yin jima’i da namijin zuma da dama yayin tashi...
19/09/2026

TANA TARA KWAYOYIN MANIYYI HAR 70MILLION

Sarauniyar zuma (queen bee) tana yin jima’i da namijin zuma da dama yayin tashin farko da take yi a sama.

Tana ci gaba da yin hakan har sai ta tara sama da ƙwayoyin maniyyi miliyan 70.

Wadannan kwayoyin maniyyi tana ajiye su a cikin jikinta, kuma tana amfani da su tsawon rayuwarta.

Ƙaramin ɓangare ne kawai take buƙata domin haifar da dubban ƙwai.

Wannan lamari mai ban mamaki yana taimaka wa sarauniyar zuma ta tabbatar da rayuwar gidanta (colony) da kuma bambancin halittar ‘ya’yanta (genetic diversity) wanda ke tabbatar da cewa gidansu yana cigaba da rayuwa cikin ƙarfin hikhmar Ubangiji

Ku saurari rubutu na biyu akan wannan maudu'in


Sir Wisdom

KIFI MAI KAN GILASHI!...😳Shin ka taɓa ganin kifi mai irin wannan siffar? Wannan shi ake kira Barreleye Fish sunan kimiy...
17/09/2026

KIFI MAI KAN GILASHI!...😳

Shin ka taɓa ganin kifi mai irin wannan siffar?

Wannan shi ake kira Barreleye Fish
sunan kimiyya (Macropinna microstoma),

Wannan wani nau'in kifi ne wanda yake rayuwa a cikin zurfin teku inda haske yake da ƙaranci sosai

Abin da yafi ban mamaki shine
kansa!, domin saman kansa yana da wani ɓangare mai k**a da gilashi, wanda yake nuna abubuwan dake cikin kan kifin

Haka idanunsa ma abin mamaki ne sosai domin manyan idanunsa suna cikin wannan ɓangaren da yake k**a da gilashin suna iya kallon sama domin gano ƙananan halittun dake shawagi a cikin ruwa, sannan su juya zuwa gaba ko kuma baya idan yana son bin abin da zai ci.

A irin wannan zurfin teku, inda haske yake da ƙaranci, wannan tsarin idanun da Ubangiji yayi masa yana taimaka masa wajen gano abin farauta

tabbas duniya tana cike da ababen mamaki daban_daban Sir Wisdom 🪔

Shin wane irin dabbama kake so mu kawo maka labarinta a gaba?

TSAYA KA KARANTA A NUTSE...🙏Anyi wani Sarki wanda aka aiko wa da kyautar wasu kyawawan tsuntsaye guda biyu daga ƙasar l...
17/09/2026

TSAYA KA KARANTA A NUTSE...🙏

Anyi wani Sarki wanda aka aiko wa da kyautar wasu kyawawan tsuntsaye guda biyu daga ƙasar larabawa

Sarkin bai taɓa ganin tsuntsaye masu kyawun waɗannan ba, sai ya damƙawa mai kulamar da tsuntsaye akan ya basu horo domin su saba da yanayin sabon muhallin nasu.

Watanni s**a shuɗe sai wata rana wannan mai kulawa da tsuntsayen yake sanar da sarkin cewa ɗaya daga cikin tsuntsayen yaa fara tashi sama sosai, alhali ɗayan kuma baya tashi sama tun da aka kawo shi ko motsawa ba yayi daga reshen da aka ajiye shi akai.

Sarkin sai yasa aka ƙira yi dukkanin masu kulawa da halayen tsuntsaye dake garin gaba ɗaya domin duba wannan tsuntsu.

Ya bada umurni duk wanda ya tayar da wannan tsuntsu yafara tashi sama akwai kyauta mai tsoka.

kowa yazo ya gwada irin dubarar sa, shiru tsuntsu bai tashi ba kwata-kwata.

Sai sarki yayi gayyata ta musamman akan a ƙira mishi wani mai kiwon tsuntsaye aka kuwa samu sa'a aka samu, bayan ya amsa bukatar sarki

Washe gari da safe, sai kawai Sarki ya hangi wannan tsuntsun a sararin samaniya yana shawagi.

Sai Sarkin yace da fadawan: "kuje ku ƙira min wanda yayi wannan aikin.

Aka kira wannan mutumin yazo ya rusuna a gaban sarki yace: "Allah Ya baka yawan rai gani na iso"

Sai Sarki yace: "Ta yaya aka yi ka sanya wannan tsuntsun ya fara tashi?"

Sai mutumin yace: "Ranka shi Daɗe abune mai sauƙi, domin sare reshen da tsuntsun yake kai nayi kawai, hakan yasa ya fara tashi"

HIKHMAR LABARIN...👇

Yan'uwa masu hankali da tunani, kowannen mu kan iya tashi xuwa wani matakin matsayi na rayuwa, Amma hakan bazai faru ba sai mun motsa daga inda muke a daskare tare da sabunta tunani akan abubuwan da muka sani tun iyaye da kakanni..

Dama bata taɓa ƙarewa amma yawancin mu, bamu bankaɗo Waɗannan damarmakin.

Mukan zauna ne muce sai mun more alhali bamu sha wuya ba, Kuma a matsayin mu na ƴan Adam dole ne sai munsha wuya Idan munaso mu more, kasha wuya tun kana yaro inyaso idan kazo tsufa sai ka huta cikin ikon Allah....🫵

Ƴan'uwa masu hankali da tunani, ina kira a garemu da mu sare waɗannan rassan tsoron da muka maƙale kawunanmu a jiki domin mu samu yancin kaiwa wani mataki.

Allah Ya sa mu dace
Sir Wisdom

16/09/2026

A INDA SANIN KA YA ƘARE
ANAN NA WANI YA FARA
FAƊAƊA BINCIKE DA TAMBAYA YANA BAKA DAMAR TARA ILIMOMI

Address

Kano

Website

Alerts

Be the first to know and let us send you an email when Sir Wisdom posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sir Wisdom:

Shortcuts

Share

Category