Amon Gaskiya

Amon Gaskiya Kafa ce da zata rika kawo sahihan Labarai cikin harshen Hausa +2349036516556

A karo na uku, Majalisar Wakilan Amurka ta sake kada kuri’ar neman kawo ƙarshen shiga tsakani a yaƙin da ake yi da Iran,...
17/09/2026

A karo na uku, Majalisar Wakilan Amurka ta sake kada kuri’ar neman kawo ƙarshen shiga tsakani a yaƙin da ake yi da Iran, matakin da zai takaita ikon Shugaba Donald Trump na ci gaba da kai hare-haren soji ba tare da amincewar majalisar ba.

Sakamakon kuri’ar da aka kada ranar Talata ya nuna gaba da maki 220 a kan 204, inda ‘yan jam’iyyar Republican guda bakwai s**a juyawa jam’iyyarsu baya domin goyon bayan matakin.
Wannan ne karon da majalisar ke daukar irin wannan mataki bayan makamantan kuri'un da aka kada a watannin Yuni da Yuli na wannan shekarar.

To sai dai kash, har yanzu ba a san ko Majalisar Dattawa za ta amince da kudurin ba, musamman ganin yadda a baya sanatocin Republican s**a sauya matsayinsu bayan s**a fuskanci s**a daga Shugaba Trump.

Duk da irin rarrabuwar kawunan da yaƙin ke haifarwa tsakanin ‘yan siyasa, Trump ya ci gaba da kare matakin Amurka na shiga rikicin, yana mai ikirarin cewa hare-haren sun raunana ƙarfin sojin kasar ta Iran.

A ranar 17 ga watan Satumba 2014, yan kungiyar Boko Haram S**a Kai Hari Makarantar Koyon Aikin Malanta Ta (FCE) Da ke Bi...
17/09/2026

A ranar 17 ga watan Satumba 2014, yan kungiyar Boko Haram S**a Kai Hari Makarantar Koyon Aikin Malanta Ta (FCE) Da ke Birnin Kano A Arewacin Najeriya.

Hukumomi sun ce kimanin mutane 18 ne s**a hallaka, yayin da sama da 30 s**a samu raunuka a harin da wasu 'yan bindiga s**a kai a Kwalejin Ilimi ta Tarayya dake birnin Kano.

An dai kai harin ne a daidai lokacin da daliban makarantar ke tsakiyar daukar darasi a ranar Laraba.

Harin na daga cikin wadanda s**a fi muni da aka taba kai wa a jihar ta Kano tun bayan kaddamar da hare-hare a jihar a farkon shekarar 2012.

Rahotanni sun ce, 'yan bindigar sun saka abubuwan fashewa, sannan s**a yi ta harbin kan-mai-uwa-da-wabi.

Wani ma'aikacin wurin da bai yarda a fadi sunan shi ba yayi bayanin cewa mutanen da s**a kai harin na sanye da kwat da wando masu launin ruwan toka, kuma a cikin daidaita sahu s**a je makaranta tare da wata bakar mota mai rufa mu su baya.

Tauraron dan wasan gaba, Lionel Messi, ya jagoranci kungiyarsa ta Inter Miami zuwa lashe kofin Campeones Cup na farko a ...
17/09/2026

Tauraron dan wasan gaba, Lionel Messi, ya jagoranci kungiyarsa ta Inter Miami zuwa lashe kofin Campeones Cup na farko a tarihinta, bayan ta doke Cruz Azul ta kasar Mexico da ci 2-0.

Messi mai shekaru 39 ne ya bude ragar a minti na 24 da fara wasa, kafin daga bisani ya bayar da kyakkyawar damar da Casemiro ya zuba kwallo ta biyu a minti na 81.

Wannan nasara ta kasance kofi na farko da Messi ya daga a bana, sannan kwallon da ya jefa ta cika masa adadin kwallaye 100 cif tun komawarsa kungiyar ta Inter Miami.

Haka zalika, wasan ya kafa tarihi a matsayin kalubale na farko da sabon kocin kungiyar, Cristian “Kily” Gonzalez, ya jagoranta tun bayan karbar ragamar horarwa.

Sarkin Kano kuma tsohon Gwamnan Babban Bankin Najeriya (CBN), Muhammadu Sanusi II, ya amince cewa ya yi kuskuren jinkirt...
17/09/2026

Sarkin Kano kuma tsohon Gwamnan Babban Bankin Najeriya (CBN), Muhammadu Sanusi II, ya amince cewa ya yi kuskuren jinkirta shigar da kamfanonin sadarwa cikin tsarin gudanar da harkokin kuɗi a ƙasar.

Sanusi ya bayyana hakan ne a Abuja yayin ƙaddamar da rahoton bunkasa harkokin kuɗi na 'Access to Financial Services in Nigeria (A2F)' na shekarar 2026.

Tsohon gwamnan bankin ya bayyana cewa damuwa kan tsaron kuɗaɗen masu ajiya sakamakon rikicin bankuna na lokacin ce ta sanya yai adawa da bai wa kamfanonin sadarwa damar sarrafa kuɗaɗe.

Sai dai ya yarda cewa binciken baya ya nuna masa cewa ba su damar tun da wuri da ya haɓaka ma'amalar kuɗi tsakanin miliyoyin 'yan Najeriya, musamman waɗanda bankunan gargajiya ba su kai gare su ba.

Hotunan Tsohuwar uwargidan shugaban kasa, Aisha Buhari, ta kai ziyarar ban girma ga dan takarar shugaban kasa na jam’iyy...
17/09/2026

Hotunan Tsohuwar uwargidan shugaban kasa, Aisha Buhari, ta kai ziyarar ban girma ga dan takarar shugaban kasa na jam’iyyar ADC, Atiku Abubakar, wanda ya bayyana hakan a shafukansa na sada zumunta.

Atiku ya nuna farin ciki da gamsuwa kan ziyarar, inda ya bayyana cewa tana tunatar da masu kishin kasar kan muhimmancin fifita jin dadin jama'a, mutuncinsu, da makomarsu.

Tsohon mataimakin shugaban kasar ya yi amfani da damar wajen nuna damuwarsa kan tsadar rayuwa da kalubalen da iyalai ke fuskanta sakamakon hauhawar farashin abinci, sufuri, ilimi, da kiwon lafiya. Ya kuma jaddada aniyarsa ta rage radadin da jama'a ke ciki tare da maida Najeriya kasa mai saukin rayuwa.

Aisha Buhari, wadda aka sani a matsayin mai goyon bayan Shugaba Bola Tinubu, ta samu rakiyar daya daga cikin 'ya'yanta mata tare da wasu na kusa da ita.

16/09/2026

Yadda shugabancin jam'iyyar NDC na Gwale ya kara tabbatarwa da Hon Aminu Abdullahi Warkal tikitin takararsa na majalisar jaha a Gwale 2027.

15/09/2026

TIRKASHI! An ji wani sautin murya tsakanin ɗan takarar gwamnan Gombe na jam’iyyar PDP, Sheikh Isa Ali Pantami, da ’yar TikTok Zee Gombe, jim kadan bayan rahotannin komawarta wajen ɗan takarar APC, Jamilu Gwamna.

15/09/2026

TIRKASHI! Ɗan gidan Sheikh Muhammad Nuru Khalid ya dawo Musulunci bayan fita daga addinin.

15/09/2026

Hon. Yahuza Ado Inuwa, ya yi kira ga al'ummar Jihar Kano da su haɗa kai wajen zaɓen (APC) a dukkan matakai na zaɓe mai zuwa.

Sabuwar muhawara ta sake barkewa kan maganin Ivermectin, sakamakon kalaman Robert F. Kennedy Jr. (RFK Jr.) inda ya bayya...
15/09/2026

Sabuwar muhawara ta sake barkewa kan maganin Ivermectin, sakamakon kalaman Robert F. Kennedy Jr. (RFK Jr.) inda ya bayyana cewa tsare-tsaren hukumomin daƙile cututtuka kan rigakafin COVID-19 sun yi tasiri wajen hana amfani da maganin a lokacin annobar.

Kodayake an samu ce-ce-ku-ce kan amfanin maganin a wancan lokaci, sakamakon binciken likitoci na kimiyya da manyan hukumomin kiwon lafiya na duniya sun tabbatar da cewa Ivermectin ba shi da wata hujjar kimiyya da ke nuna yana maganin ko kare mutum daga cutar COVID-19.

Hukumar ta jaddada cewa Ivermectin magani ne da aka amince da shi kadai wajen jinyar cututtukan da ƙwayoyin cuta na kwari (parasites) ke haifarwa, kuma dokokin amincewa da magungunan gaggawa sun bambanta da matakan tabbatar da ingancinsu ta hanyar gwajin kimiyya.

Address

Kano

Website

Alerts

Be the first to know and let us send you an email when Amon Gaskiya posts news and promotions. Your email address will not be used for any other purpose, and you can unsubscribe at any time.

Shortcuts

Share

Category