Dan Afirka

29/09/2026

Bidiyonsa na nan tafe...

• Cikakken tarihinsa tun daga haihuwa
• Yanda ya gudanar da mulkin Anambira da yaƙin neman shugabancin ƙasar da yake yi
• Dukkanin zarge-zargen da ke kansa zuwa yau

A tsumaye mu...📹

28/09/2026

Idan ka fara karantawa ka ji zuciyarka ta ƙuntatu, kana ganin an yi maka laifi saboda an faɗi gaskiya, to ka sani akwai zalunci cike a zuciyarka, saboda ba hujja kake nema ba.

Tarihi ba shi da tausayi, gaskiya ba ta da ƙabila, adalci ba shi da ƴan’uwa. Baƙin ciki zai iya kashe ka, amma ba za ka iya canza waɗannan abubuwan ba.

Duk lokacin da aka buɗe wani tarihi ka ji a ranka bai k**ata a sanar ba, to babu makawa kai cikakken azzalumi ne. Domin idan alkairi ka shuka, me zai sa ka ji a ranka ba ka son duniya ta sani? Idan kuma sharri ka aikata, ba ka yi nadama ba ne kenan ko kuma ba ka da niyyar gyarawa ne shi ya sa kake son a ci gaba da ɓoye zaluncinka?

Ita gaskiya ba ruwanta da waye naka waye ba naka ba. Duk ƙarfa-ƙarfarka ba zai yiwu ka ci gaba da rufe gaskiya kuma ta rufu na har abada ba.

In ban da son zuciya, waye zai ce shi kaɗai ne ke kan daidai kowa a kan kuskure yake? Kai ba Annabi ba, kai ba Sahabi ba. Kawai kai mutumin ƙarni na 21 ne mai cike da tarin son kai da son zuciya, wanda a yau mafi yawan malamanku ma ba ku ba suna tare da gwamnatin APC da a tarihin Najeriya ba a taɓa yin jam’iyyar da ta rusa ƙasar nan kuma take ci gaba da rusawa k**ar ita ba.

Ta yaya kuna maganar haɗinkai tare da haramta ƙabilanci da ɓangaranci amma kuna maganar dole sai an zaɓi ɗan Arewa saboda shi ne namu? A yau babu masu rusa ƙasar nan k**ar mutanenku da ƴan’uwanku, amma a kullum kare su kuke yi ba kwa so a yaƙe su ma. Dalilin haka kuka tunzura wasu har suke kiran ku da sunan da suke kiran ƴan’uwan naku, yayin da ku kuma kuke kafirta mutane saboda an yi muku kuɗin goro.

Amma fa a gefe guda ku kuma kuna yi wa kafatanin Inyamurai kuɗin goro.

Ni na ɗauki Peter Obi ne saboda ina da cikakken tarihin duk ƴan takarar nan a hannuna, kuma ko a gaban Allah zan kare dalilin da ya sa zan zaɓe shi. Kuna jifan mu da kalmar ƙabilanci da ɓangaranci, to yaushe wanda ya tsallake nasa ya zaɓi na wasu kuma ya zamo mai nuna ƙabilanci ko ɓangaranci? Wannan ba toshasshen tunani ba ne kuma mara ma’ana?

Kun ce na sauka daga kan layin gwagwarmayar haɗe kan Afirka, shin ta yaya ni da na kira kaina da sunan “Ɗan Afirka” kuma za ku ce min dole sai na zaɓi ɗan Arewa? Shi ɗan Kudu ba ɗan Afirka ba ne? Kuma dama cewa na yi sunana “Ɗan Arewa”? Kuma ta yaya hakan zai haɗe kan ƴan Afirka idan a matsayina na ɗan Afirka na ce ba zan zaɓi wani ba sai ɗan yankina ko ƙabilata? Idan haka ne in daina bayar da tarihin ƴan wasu ɓangarorin na Afirka mana kawai in dawo bayar da na iya ƴan Arewar.

A baya ban yi tunanin kawo tarihin abubuwan da s**a faru tsakaninmu da Inyamurai ba, amma tabbas yanzu na ga akwai buƙatar hakan domin yi wa kowa adalci.

Duk wanda kuma yake son ya kwangilantar da mu to ya shirya hujjojin kare molankarsa da dalilai, akasin hakan kuma zai tabbatar wa da duniya jahilcinsa, son zuciyarsa da ƙabilancinsa.

⚖️

26/09/2026

Kada ka zama abincin farfaganda, ka zama mai bincike.

Kada ra’ayin mafi yawa ya dinga juya naka, ka zaɓi duk inda daidai take ko da za a tsane ka.

Kada ka zama mai tauye gaskiya don cutar da waninka, ka zama mai adalci ko a kan iyayenka ne.

Ka kwana da sanin cewa duk irin adalcin da ka yi wa waninka, to shi ma fa haka zai yi maka.

Kada a tauye haƙƙin waninka ka yi murna, domin gobe naka za a tauye yayin da za ka nemi taimako.

In dai kana auna cancanta da ma’aunin ɓangaranci, ƙabilanci, addinanci, ƙungiyanci, yare, ƴan’uwantaka, bambancin ra’ayi ko son zuciya musamman a ƙasa irin Najeriya, to na rantse da Ubangijin Annabi Muhammadu (ﷺ), kai da ganin sauyi har a naɗe ƙasa.

Ya k**ata ka girma, ka waye, ka zama mai bincike, ta yadda za ka dinga kallon komai a yanda yake, ba yanda ake so ka gan shi ba. Idan kuma ba haka ba, to kai da wahala kun ƙulla aminantaka.👌

Wannan ba shawara ba ce, tunatarwa ce. Ko dai ka gyara ko duniya ta ci gaba da gyara maka zama.

26/09/2026

Wai laifin Peter Obi kawai saboda shi Inyamuri ne, don haka kawai shi ɗan Biyafara ne, in ji ƴan Arewa. 😀

Amma fa a wurin ƴan Arewa, Bafulatani ba mai garkuwa da mutane ba ne, Babarbare ba ɗan Boko H*ram ba ne, saboda haka akwai babbar hayaniya ma a duk lokacin da aka k**a sunan ƙabila akan irin wannan al’amarin, wai saboda laifi ne yi wa al’umma kuɗin goro. Amma fa kuma a wurin su dai ƴan Arewar kuma duk wani Inyamuri to ɗan Biyafara ne.

Tsaya ma dai tukunna, ƴan Biyafara ƴan t*’adda ne a wurin ƴan Arewa, amma fa a wurin mafi yawancinsu masu garkuwa da mutanen ma ba masu laifi ba ne a wurinsu, kullum ba su uziri da kariya suke yi.

Sun ce su Peter Obi sun yi kamfe da addinin Kiristanci, amma kuma fa su ma da Muslim-Muslim suke kamfe ɗin tun a takarar farko ta Tinubu.

Duk wani tarihi da za ka karanta, to ka tabbatar ɗan Arewa shi ne mai gaskiya a cikin labarin, to shi ne fa aka yi adalci tun da shi ɗan Arewa ma’asumi ne ba ya yin laifi.

Ni kam ina son zuciya zai kai mu ne? 😀

Shi a wurin ɗan Arewa adalci kawai shi ne a cikin duk wata mu’amala shi ne zai amfana ko da wani zai cutu. Idan ka ji ɗan Arewa na maganar an yi zalunci to shi aka zalunta, amma in dai shi ya zalunci wani to gum za ka ji shi. 😀

A duniya kowa akan kuskure yake amma ban da ɗan Arewa.

A kullum ɗan Arewa na faman nutsawa cikin matsala kuma yana neman mafita, amma fa duk wata mafita in dai za ta taɓa ra’ayin son zuciyarsa to wai kwangila ka karɓo.

A ci gaba da neman mafita ƴan Arewa, watarana za a dace.

Ni kam na zaɓi Buhari har sau biyu kuma har yau danasani nake yi, don haka na gama yi wa kaina uzuri na son zuciya da ɓangaranci.👌

26/09/2026

25/09/2026

Mene ne dalilin makauniyar ƙiyayyar da wasu ƴan Arewacin Najeriya suke yi wa Peter Obi? Hmm!

Da fari dai ban so har aka zo wannan lokacin ba, ba tare da na yi muku bidiyoyin da na alƙawarta muku a baya ba a kan manyan ƴan takarar shugabancin Najeriya guda ukun nan. Abubuwa da yawa ne s**a haifar da wannan tsaiko daga wajena waɗanda ban sanar a nan ba saboda ni dama ba na sanya mafi yawancin keɓantattun al’amuran da s**a shafi rayuwata a kafafen sadarwa.

Daga watanni 9 zuwa yau, na samu wasu sauye-sauye cikin al’amurana ne tun daga kan wurin aiki, kasuwanci, iyali, karatu, da sauransu. Shi ya sa nake ɗan ɗaukar lokaci ban yi muku bidiyo ba sai ya zama dole.

Amma na ga k**ar akwai buƙatar a wanke wani datti da ke cikin ƙwaƙwalen wasu daga cikin ƴan Arewacin Najeriya musamman akan wasu batutuwa da s**a shafi tarihi da siyasa saboda har yanzu a duhu muke.

Na yi maganar Peter Obi, a kwanakin baya wasu har ƙoƙarin kafirta ni s**a yi, yanzu ma na ga akwai sauran ire-iren masu irin wannan bauɗaɗɗen tunanin.

Ƴan’uwa ko mu karkaɗe kayan aiki ne? Don dama tun can baya akwai wani aiki da na fara shiryawa mai suna “Najeriya a 2027” kuma ban samu kawo muku shi ba.

Mu ɗan shafa kansu ne?

25/09/2026

Ai matuƙar wannan mutumin yana kan takardar dangwala ƙuri’ar zaɓen 2027, to babu fashi shi zan zaɓa.👌

18/09/2026

Shin a ganinku duk duniya akwai ƙasar da ta tara azzalumai kuma jahilan shugabanni marasa imani da tausayin ran ɗan’adam irin Najeriya?

Ina da tarin tambayoyi ga jami’an tsaro da gwamnatin jihar Neja kan batun mutuwar waɗannan ƴan’uwa namu matasa.

Shin mutuwa s**a yi ko k*she su a ka yi?