Fikira24 Hausa

05/01/2026

Idan na zama shugaba ƙasa, jirgin sama mara matuki ne minista na na tsaro, cewar dan gwagwarmaya Omoyele Sowore

Cikakken labarin yana comment section 👇👇👇

05/01/2026

Shugaba Trump na Amurka ya yi barazanar daukar matakin soji kan Columbia bayan Venezuela

05/01/2026

Mataimakiyar gwamnan Rivers ta fice daga PDP zuwa APC

Mataimakiyar Gwamnan Jihar Rivers, Farfesa Ngozi Odu, ta sauya sheƙa daga jam’iyyar PDP zuwa APC, inda ta kammala rajistar zama mamba a mazabarta da ke Ogba/Egbema/Ndoni (ONELGA).

Odu ta ce matakin na da nufin ƙarfafa goyon baya ga shugaban ƙasa Bola Tinubu da Gwamna Siminalayi Fubara a matakin ƙasa, tare da wayar da kan jama’a kan rajistar APC.

A yayin rangadin, daruruwan ‘yan jam'iyyar Labour Party a Ndoni sun sauya sheƙa zuwa APC.

A wani labarin makamancin haka, sakataren gwamnatin jihar Rivers, Dakta Benibo Anabraba, ya fice daga jam’iyyar PDP, yana mai cewa matakin na kansa ne bayan yin nazari, tare da gode wa jam’iyyar bisa damar da ta ba shi a baya.

05/01/2026

Darren Fletcher ya zama sabon mai horas da 'yan wasan Manchester United na riko.

Tushen labari: DCL Hausa

05/01/2026

DA ƊUMI-ƊUMI: Man United ta kori kocin ta Amorim

Kungiyar ƙwallon kafa ta Manchester United ta sallami me horaswar ta Ruben Amorim a safiyar yau Litinin.

Ajiya ne dai United ta yi kunnen doki 1-1 da ƙungiyar ƙwallon kafa ta Leeds United a gasar Firimiya ta kasar England.

Bayan an tashi daga wasan, sai Amorim ya zargi shugabanin Man United a wata hira da ya yi da manema labarai bayan an tashi daga wasan.

Kwatsam kuwa a yau sai aka tashi da labarin sallamar Amorim, wanda ya jagoranci wasanni 63 a united ya kuma yi watanni 14 kacal a kungiyar.

Tushen labari: Daily Nigerian Hausa

05/01/2026

HOTUNA: Yadda Gobara ta ƙone wani gidan mai a garin Shira da ke Jihar Bauchi.

Hotuna: Sadis Yakubu Shira/Aminiya

05/01/2026

Faka faka ta fito a farashi mai sauki duk mai bukata ya yi magana ta wannan lambar dake jikin hoton.

05/01/2026

Yadda tambayar “Cire Sarkin Bogi” ta sa Grok AI ta cire hoton Aminu Ado Bayero, ya janyo cece kuce a shafukan sada zumunta.

03/01/2026

Gwamnatin Kano ta nesanta kanta da labarin tarbar Sarkin Kano na 15 Alhaji Aminu Ado Bayero da aka ce gwamna Abba zai yi a gobe Lahadi

03/01/2026

Hadimin Gwamnan Kano Hon. Salisu Yahya Hotoro kenan sanye da hular 'Tinubu Arewa na godiya'.

Hoto: Arewa Updates

02/01/2026

02/01/2026

Gwamna Yusuf zai sauya sheka zuwa APC a ranar Litinin - Rahoto

Gwamnan Jihar Kano, Abba Yusuf, zai shiga jam’iyya mai mulki ta APC a hukumance a ranar Litinin, kamar yadda DAILY NIGERIAN ta rawaito.

Abba Yusuf, wanda shi kaɗai ne gwamna a jam’iyyar NNPP, ya riga ya isa Abuja domin kammala shirye-shiryen sauya shekar tasa.

Majiyoyi da ke da masaniya kan shirin sauya shekar gwamnan sun shaida wa DAILY NIGERIAN cewa Mataimakin Shugaban Ƙasa, Kashim Shettima, da Shugaban jam’iyyar APC na ƙasa, Yitwalda Nentawe, ne za su karɓi gwamnan a Abuja.

Tuni dai an dawo da jagoran APC a Kano, Abdullahi Ganduje, daga wata tafiya da yake yi a Dubai. Haka kuma an umarci shugaban jam’iyyar APC na jihar, Abdullahi Abbas, da ya taƙaita tafiyarsa ta Umara domin ya miƙa katin zama ɗan APC ga gwamnan a mazabarsa ta Diso, da ke Karamar Hukumar Gwale a Jihar Kano, a cikin makon nan.