22/09/2025
Tsohon gwamnan jihar Kaduna, Mallam Nasir El-Rufai, ya yi zargin cewa gwamnatin Shugaba Bola Ahmed Tinubu ta fi kowace gwamnatin soji da Najeriya ta taba yi muni.
El-Rufai ya bayyana haka ne yayin da yake tsokaci kan halin tattalin arziki da kuma yadda al’amura ke tafiya a ƙasar. A cewarsa, gwamnatin yanzu ta gaza samar da sauƙi ga al’umma, inda talaka ke fuskantar matsanancin ƙuncin rayuwa fiye da kowanne lokaci.
Ya kara da cewa, a da can, gwamnatin sojoji tana da tsauri, amma ba ta taɓa tsananta wa talaka irin yadda ake gani a wannan zamani ba.
Wannan kalami na tsohon gwamnan na zuwa ne a dai-dai lokacin da ake ta muhawara a Najeriya kan matakan tattalin arziki da gwamnatin Tinubu ta dauka, ciki har da cire tallafin mai da canje-canjen kudin waje, wadanda ake ganin su ne s**a haifar da tsadar rayuwa a kasar.
Src: Daily Trust.
