Hausa Independent Post

12/09/2026

Tsohon Shugaban Jam'iyyar PDP Na Kasa Bamanga Tukur Ya Rasu.

Allah ya yi wa fitaccen attajirin nan na Nijeriya kuma tsohon shugaban jam'iyyar PDP Alhaji Bamanga Tukur rasuwa yana da shekaru 90.

Iyalen marigayin sun ce ya rasu ne ranar Asabar a gidansa da ke Abuja bayan ya sha fama da rashin lafiya.

Sun Kuma shedawa majiyar mu cewar ana sa ran za a yi jana'izarsa a ranar Asabar din nan a Fadar Lamidon Adamawa, da ke Jihar Adamawa.

Marigayin ɗan kasuwar Kuma Dan siyasa, ya rasu ya bar 'ya'ya 17.

Marigayin ya yi gwmanan tsohuwar Jihar Gongola (Adamawa da Taraba a yanzu) a zamanin Jamhuriyya ta Biyu.

Bamanga Tukur ya yi ministan masana'antu a lokacin gwamnatin Sani Abacha, sannan ya taɓa neman tsayawa takarar shugabancin Nijeriya.

Madogara TRT Africa

28/08/2026

Dan takarar shugaban Kasa na Jam'iyyar ADC Atiku Abubakar ya yi Alkawarin Bude iyakokin Najeriya na kan Kasa idan aka zabe shi shugaban Kasa a zaben watan janairun badi .

Atiku Abubakar ya yi Alkawarin ne Yayin jawabi ga magoya bayan sa Cikin wani faifan bidiyo da aka yada a shafukan dada zumunya Wanda jigo a Jam'iyyar ta ADC Dele Momodu ya Saki yau juma'a.

Tsohon mataimakin shugaban na Najeriya yace rufe iyakokin ya haifar da babbar illa ga kasuwancin Kasa da Kasa tare da haifar da Rashin aikin yi tsakanin matasa.

Ya ce jihohin Arewa ne ke Kan iyakokin K**aru da Chadi da Nijar da Kuma Benin.

“Ka kulle Wadannan iyakokin, wannan ta Sanya dukkan matasa Dake kasuwanci a tsakanin Wadannan kasashen marasa aikin yi. Kowa ya Sani kasuwanci tsakanin Kasa kasa halastaccen ciniki ne.

Atiku yace matasa da yawa Wadanda a Baya ke juya miliyoyin Kudi an tilasta musu barin kasuwanci sak**akon rufe boda.

Ya kara da Cewa Matasan Dake kasuwanci da Naira miliyan 10 zuwa 20 tare da samar da Ayyukan yi ga Wasu Matasan maza da Mata yanzu duk sun talauce saboda wannan mataki.

Inda yace wannan nada alaka da Rashin Tsaro, inda yace tabbas zai sake Bude bodajin Kasar Nan.

28/08/2026

Atiku Ya Kalubalanci Gwamnatin Tinubu Ya K**a Shi Idan Tana Da Hujja Kan Satar Kudi

Dan Takarar shugabancin Najeriya na jam'iyyar ADC Atiku Abubakar ya Kalubalanci Gwamnatin shugaba Tinubu ta k**a shi idan tana da Hujja Kan cewar ya saci Kudin kasar.

Tsohon mataimakin Shugaban na Najeriya ya jaddada cewa baya tsoron duk wani bincike da za a yi a kansa game da batun kashe dala biliyan 16 a fannin wutar lantarki lokacin gwamnatin tsohon Shugaba Olusegun Obasanjo.

Gwamnatin ta Tinubu ta sha nanata cewa an yi almubazzaranci da waɗannan kuɗaɗe ba tare da an samar da wutar lantarki ta a-zo-a-gani ga 'yan Najeriya ba.

Domin kare kansa, Atiku ya bayyana cewa kusan shekaru 20 ke nan da barinsa mulki amma babu wata kotu ko hukuma da ta taɓa k**a shi ko gurfanar da shi da hujjoji a kan wannan zargi.

A martanin da ya mayar ta hannun mai magana da yawunsa Phrank Shaibu, Atiku ya zargi gwamnatin Tinubu da sake dawo da waɗannan tsofaffin zarge-zarge domin karkatar da hankalin jama'a daga fama da matsin tattalin arzikin da ƙasar ke ciki, inda ya ce gwamnati na son yin amfani da wannan batu ne a matsayin garkuwa don kauce wa bayyana wa 'yan Kasa gaskiyar inda maƙudan kuɗaɗen da aka tara bayan janye tallafin man fetur s**a yi.

Kazalika, Atiku ya ƙalubalanci fadar shugaban ƙasa da ta fito da ainihin shaidar da ke nuna cewa ya saci kuɗin gwamnati maimakon yin surutai na siyasa, inda ya fayyace matsayinsa na cewa, ko da yake shi ne ya jagoranci Hukumar Sayar da Kadarorin Gwamnati a wancan lokacin, amma ba shi da hannu wajen aiwatar da ayyukan wutar lantarki na kasa (NIPP).

Atiku Abubakar, ya bayyana cewa shi da kansa bai gamsu da yadda aka tsara aikin ba tun farko a wancan lokcin, kuma ministocin da ke kula da fannin wutar lantarki ne s**a jagoranci kashe kuɗaɗen da kuma aiwatar da kwangilolin.

Har ila yau, ya tuna cewa ko lokacin da Majalisar Tarayya ta gudanar da bincike kan ayyukan wutar lantarkin, ba a taɓa gayyatarsa ko gano wani laifi da ya shafe shi ba.

26/08/2026

26/08/2026

Yau Ake Bikin Ranar Hausa Ta Duniya Karo Na 11

Yau laraba alummar Hausawan duniya ke bikin shekara-shekara na ranar Hausa ta Duniya da aka saba gudanarwa a duk ranar 26 ga Agusta, tun bayan assasa shi a 2015, domin tunatar da muhimmancin Harshe da kuma Al’adun Hausawa

Ranar Hausa ta Duniya dai lokaci ne na musamman da ake amfani da shi wajen tunatar da muhimmancin harshen Hausa da kuma Al’adun Hausawa, an kuma fara wannan biki ne ta kafafen sada zumunta domin ɗaukakawa da kuma ci gaba da yaɗa harshen Hausa a faɗin Duniya.

Ranar wacce a yau ne karo na 11 da ake gudanar da bikinta, na da nufin haɗa kan Hausawa baya ga samar da ci gaba mai ɗorewa dama bunƙasa harshen, wanda ke matsayin na biyu mafi girma a nahiyar Afrika.

Daga cikin batutuwan da bikin bana zai mayar da hankali akwai amfani da kimiyya da fasaha wajen bunƙasa Harshen Hausa da bai wa Harshen da Al’adun Hausawa kariya daga sauye-sauyen zamani daga kutsen sabbin Al’adu.

Harshen na Hausa wanda kusan galibin ƙasashen yammacin Afrika ke amfani da shi da kaso mai yawa a Najeriya, na daga cikin harsuna masu saurin yaɗuwa a nahiyar Afrika dama wasu sassa na duniya.

Rahotanni sun nuna cewar baya ga harshen Swahili da ke da alaƙa da larabaci, Hausa ce kan gaba a jerin harusunan da ake amfani da su a nahiyar Afrika dama yawan jama’ar da ke amfani da shi

25/08/2026

Shugaba Tinubu Ya Umarci Hukumomin Tsaro Su Ceto Masallatan Da Aka Sace a Jihar Neja Yayin Sallar Juma'a

14/08/2026

“Ka zaɓi ɗaya”
“Idan aka ba ka/ki damar zaɓar abu ɗaya kacal da za a inganta a Kano a wannan shekara, wanne za ka/ki zaɓa?
🅰️ Ilimi
🅱️ Ayyukan yi
🅲 Tsaro
🅳 Hanyoyi
🅴 Lafiya
Rubuta zaɓinka a comment.”

13/08/2026

Labari mai ɗauke da darasi

“Wani mutum ya fara sana’a da ₦50,000, amma bayan shekara biyu ya koma yana ɗaukar ma’aikata.

Me ku ke ganin ya fi taimaka masa?

Juriya, dabarar kasuwanci, ko sa’a?”

11/08/2026

Shugaban Ƙaramar Hukumar Kabo Ya Sauke Sakataren Mulki Da Wasu Hudu Saboda Talata Tinubu

Shugaban Ƙaramar Hukumar Kabo Hon. Lawan Najume Kabo ya sauke Sakataren Mulki na Karamar Hukumar da nadaddun Kansiloli huɗu, Saboda Shiga Ƙungiyar Tallata Shugaba Tinubu Da Sanata Barau (TMS) a Jihar Kano .

Wadanda aka sauke sun hada da Sakataren Mulki na Karamar Hukumar Kabo Abba Salisu Me wake Garo, da Kansilan me gafaka, Hon. Ahmad Yusuf Chiroma Godiya sai me ba shi shawara kan harkokin Ilimi Hon. Tanimu Garba Garo me ba shi shawara kan harkokin Ilimi da kuma Yakubu Sa'adu Gammo me ba shi shawara kan harkokin Addini.

An sauke su ne a wani taron gaggawa da Shugaban Karamar Hukumar Kab Hon. Lawan Najume ya Jagoranta da yammacin wannan Rana. k**ar yadda Kansilolin s**a tabbatar

02/08/2026

Mawakin Gwamnan Kano Kosan Waka ya Rasu.

Allah Ya yiwa sanannen mawakin Nan Muhammad Buhari Kosan Waka Rasuwa a yau lahadi.

Mawakin ya rasu ne bayan fama da jinya, inda Gwamnan Kano Alhaji Abba Kabir Yusuf ya ziyarce shi Yan kwanakin Baya a Asibiti Domin duba shi.

Kosan Waka ya rasu ne daidai lokacin da Gwamnan na Kano ke Shirin Daukar nauyin sa Domin fitar da shi Asibiti a kasashen waje.