Bahrul faidah

28/09/2026

27/09/2026

SHEHU AMADOU BAMBA MBACKÉ RTA — BABBAN SUFI DA MUJADDADIN KARNI NA 19

Tarihin wani babban waliyi da tasirinsa ya ratsa yammacin Afirka.

Akwai manyan malamai da waliyyai da Allah Ya sanya albarka a cikin rayuwarsu, har tasirinsu ya wuce iyakokin ƙasa, ya shafi al’umma da dama.

Daga cikin irin waɗannan manyan mutane akwai Shehu Amadou Bamba Mbacké RTA, wanda ya shahara a ƙasar Senegal da sauran ƙasashen yammacin Afirka.

HAIFUWA DA FARKON RAYUWA

An haifi Shehu Amadou Bamba a shekara ta 1853 a garin Mbacké, Baol, da ke Senegal.

Ya fito daga gidan malamai da masana addinin Musulunci. Mahaifinsa, Momar Anta Saly, ya kasance malami kuma alkali.

Tun yana ƙarami, Shehu Amadou Bamba ya nuna ƙaunar karatun addini, zuhudu da neman kusanci da Allah.

KAFUWAR DARIKAR MURIDIYYA

Shehu Amadou Bamba ya fara karatu da tarbiyya a cikin Darikar Qadiriyya. Daga baya, ya kafa tsarin tarbiyya da sufanci na Muridiyya, wanda ya zama sananne a Senegal da ƙasashen da ke makwabtaka da ita.

A cikin koyarwarsa, ya jaddada muhimmancin:

• Neman ilimin addini.

• Tsarkake zuciya da ambaton Allah.

• Aiki na halal da dogaro da Allah.

• Ladabi ga malamai da kyakkyawar mu’amala.

AIKI DA IBADA

Daya daga cikin abubuwan da s**a shahara a koyarwar Muridiyya shi ne haɗa aiki na halal da ibada.

An riƙa bayyana falsafarsa da cewa mutum ya yi aiki na duniya cikin himma, amma zuciyarsa ta kasance tare da Allah.

Wannan ya sa noma, sana’a da aiki s**a zama muhimman abubuwa a cikin rayuwar mabiya Muridiyya.

GARIN TOUBA

A shekara ta 1887, Shehu Amadou Bamba ya kafa garin Touba a Senegal.

Touba ya zama sanannen gari na ibada, ilimi da tarbiyya, kuma yana da matsayi na musamman a wajen mabiya Muridiyya.

JURIYA A LOKACIN MULKIN MALLAKA

A lokacin da turawan Faransa s**a mamaye Senegal, tasirin Shehu Amadou Bamba ya ƙaru, kuma dubban mutane s**a riƙa bin koyarwarsa.

Turawan mulkin mallaka sun nuna damuwa game da yawan mabiyansa da tasirinsa.

A shekara ta 1895, aka kai shi gudun hijira zuwa Gabon, inda ya zauna har zuwa shekara ta 1902. Daga baya, aka kai shi Mauritania a tsakanin 1903 zuwa 1907.

Duk da wahalhalun da ya fuskanta, ya ci gaba da jaddada haƙuri, ibada da tsayuwa kan abin da ya yi imani da shi.

KOMAWA SENEGAL DA RASUWA

Bayan dawowarsa Senegal, an tsare shi a garin Diourbel har zuwa ƙarshen rayuwarsa.

Shehu Amadou Bamba ya rasu a ranar 19 ga watan Yuli, 1927.

Allah Ya jikansa da rahama.

ABIN DA YA BAR A BAYANSA

A yau, Muridiyya tana daga cikin manyan darikun sufanci masu tasiri a Senegal da yammacin Afirka.

Daga cikin abubuwan da s**a shahara da ita akwai:

1. Babban Masallacin Touba

Wani babban masallaci da ke garin Touba, wanda yake da muhimmiyar rawa a rayuwar mabiya Muridiyya.

2. Grand Magal na Touba

Babban taron ziyara da tunawa da Shehu Amadou Bamba, wanda mabiya Muridiyya daga sassa daban-daban na duniya ke halarta.

3. Littattafai da Kasidu

Shehu Amadou Bamba ya bar dimbin rubuce-rubuce da kasidu na yabon Annabi Muhammad ﷺ, tarbiyya da sufanci.

TAMBAYA GA ‘YAN UWA

Wanne fanni ne na rayuwar Shehu Amadou Bamba Mbacké RTA ya fi ba ka sha’awa?In har kasanshi

13/09/2026

لا إله إلا الله ☝️ ☝️ ☝️ ☝️ ☝️ ☝️

27/08/2026

عليك أيا برهام بعد محمد
صلاة وتسليم يزيدان

22/08/2026

sufanci ba matsayin duniya ba ne ko na siyasa ballantana wani ya zauna yace dole wane yafi wane,kubar Allah da bayin sa, zai iya yuyuwa wanda ka ke wulakanta shi yafi wanda kake daukaka shi a wurin Allah.

da ace zama da manyan bayin Allah na sa mutanen kirki cikin rudun raiana wasu bayin Allah,to da sahabban maaiki ba su je wurin SAYYIDI Uwaisul Qarni neman Addua' da albarka wurin sa ba,domin sun zauna da mafi girman halitta.

hanyar Allah wani abu ce mai cike da jarabawa tare da rusa manufar Nafsu baki guda,domin jarabta Annabi musa zuwaga Khidru bayan ga shi yana magana da Allah, hakan wani babban karatu ne da raddi ga duk mai kokarin wulakanta bayin Allah abisa tunanin sa ko don ya tozarta wasu.

hanyar sanin Allah acikin bayin sa tana da girma da fadi ba kamar yadda tunanin mu ke ba mu ba.

kullun bayin Allah suna cewa:

a kwai wanda duniya ta san su ,to ammma da kaje malakutu ba za ka taba jin su ba.

a kwai wanda duniya bata taba sanin su ba,amma da kaje malakutu sai kaji sunayen su.

akwai wanda a kwai sunan su aduniya da malakutu.

duk da kowane mutum yana fassara rayuwa ne ko Addini abisa aladar da tamai tasiri ko manufar nafsu,to ammma babu mai gane manufar Allah abisa haqiqa sai wanda ya wuce tasirin alada da nafsu.
Bahrul faidah ✍️✍️✍️

09/08/2026

Ga kadan daga chikin wata kissa ta maulanmu SHEIKH IBRAHIM NIASSE 👇👇👇👇
WATA RANA

A birnin Lagos Nigeria, wata Mata sunanta Dr. Maryam ta kasance babbar likitace amma a lokacin ba Musulma ba ce sai Allah ya jarabceta da wata matsananciyar rashin lafiya. Anyi mata gwaje-gwaje da magunguna a wurare da ƙasashe daban-daban amma ba'a sami waraka ba

Daga ƙarshe aka kaita wajen Shehu Sanin Auwal (RTA) domin neman taimako sai yace nima ina da Shehi, kuje wajansa Nan take s**a nufi birnin madinatu Kaolack domin ganawa da Maulanmu Sheikh Alhaji Ibrahim Niasse (RTA) da s**a isa, s**a zo da manyan akwatunan kuɗi domin bayar da kyauta Amma Maulana Shehu Ibrahim Niasse (RTA) ya nuna rashin sha'awar sa ga dukiya, yace Bana son kuɗinku. Sharadina guda ɗaya ne, idan Allah Ya bata lafiya ku musulunta."

Sai s**a amince cewa ita da mijinta tare da 'ya'yan su zasu shiga musulunci idan ta samu lafiya Shehu (RTA) ya ɗauki Tasbihinsa, ya sanya shi cikin ruwa, yayi addu'a sannan ya bata ruwan Tasha, tana sha sai ta fara amai mai ƙarfi Bayan ɗan lokaci wani abin mamaki ya fito daga bakinta.

Shehu (RTA) ya umarci a ƙone abin nan nan take da ikon Allah, bayan anyi haka sai matar ta miƙe cikin ƙoshin lafiya, tamkar ba itace kefama da ciwo ba nan take ita da mijinta da 'ya'yanta s**a karɓi addinin Musulunci wannan yana nuni da yadda Maulana Sheikh Ibrahim Niasse (RTA) ya kasance mai sadaukarwa ga addini, ba mai neman dukiya ko abin duniya ba

Allah ka Albarkaci Rayuwar mu domin Albarkar Sheikh Ibrahim Niasse (RTA) Ka biya mana bukatun mu na alkairi duniya da lahira kabar mu da sonsa duniya da lahira Ameen🤲thumma Ameen🤲

Bahrul faidah ✍️

03/08/2026

Nayi matuƙar tsorata da aikin da ya gabata yau Lahadi 02-08-2026 da abin da gani a aikin gayyar Masallacin Madinatu Sheikh Muhammad Ngibrima Zilma'arif Nguru.

Bakomai akayi na damuwa ko tashin hankali ba, a'a kawai naga iyalan (Matan) Maulana Khalifa Shehu Fatihul Aglaƙ (Rta) suna ɗaukar kwangiri akan su suna hawa sama suna kai kwababben siminti.

Duk da cewa mun saba ganin ƙannensa maza da mata, ƴaƴansa maza da mata, amma dai lallai aikin yau yazo da wani irin ishara da ramzy, wadda ni dai ban taba gani ba.

Allah mun tuba da ganin aikin mu, mun tuba da ganin munyi ko anyi damu, Allah saboda buwayar wannan Dattijon da yake jagorantar masallacinka maɗaukaki ka amintar damu.

Bahrul faidah ✍️✍️

03/08/2026

SHIEKH IBRAHIM INYASS (RA) WA'AZIN SA:

Shaihu Ibrahim (RA) ya shagaltu da shiriya da koyarwa da kuma gyara dan Adam, kauyen da ya assasa Madina Baye- wanda ke wajen Kaolack ya zama fitilar ilimi da gyarawa.

Kiran Shaihu Ibrahim (RA) bai tsaya nan ba; ya zagaya kasashen Afirka, da kasashen musulmi, da sauran kasashe da dama, yana yada addinin Allah, da kira zuwa ga Musulunci da kyawawan kalmomi, da yada iliminsa a tsakanin al'umma, yana muhawara da malamai domin bayarwa da samun fa'ida.

Ya ziyarci cibiyoyin ilimi na addinin muslunci daban-daban da s**a hada da Mauritania, Morocco, Tunisia, Jami'ar Al-Azhar ta Masar, Hijaz a Saudi Arabia, Pakistan, India, da China, kuma yana cikin kungiyoyi da dama na duniya da s**a sadaukar da kai wajen daukaka addinin Musulunci.

Ya kasance mataimakin shugaba, kuma daga baya shugaban kungiyar musulmi ta duniya a birnin Karachi na kasar Pakistan, wanda ya kafa kungiyar hadin kan musulmi ta duniya, shugaban kungiyar masu wa'azin addinin musulunci ta Tarayyar Afirka, kuma memba ne a kungiyar hadin kan jami'o'in Musulunci ta Duniya a Rabat kasar Morocco, mamba a majalisar koli ta harkokin addinin musulunci a birnin Alkahira, mamba a cibiyar bincike ta addinin muslunci a birnin Alkahira, kuma mamba a majalisar koli ta addinin musulunci a kasar Aljeriya, da kuma yin aiki a wasu kungiyoyi
Bahrul faidah ✍️✍️✍️