Haske Radio Online

Haske Radio Online Contact information, map and directions, contact form, opening hours, services, ratings, photos, videos and announcements from Haske Radio Online, Radio Station, No. 5 Naibawa Gidan FIAT, Kano.

Kafar yaɗa labarai mai zaman kanta da take yada shirye-shiryen ta a internet a kowane lokaci cikin awa 24 a harshen Hausa

Ku aiko mana da rahotanin abubuwan dake faruwa a yankunan ku cikin hoto ko a rubuce ta wannan lambar +2348169744760 ko a WhatsApp.

Ɗan takarar shugaban ƙasa na jam’iyyar NDC, ya musanta rahotannin da ke cewa ya ƙi amincewa da tayin zama abokin takarar...
10/09/2026

Ɗan takarar shugaban ƙasa na jam’iyyar NDC, ya musanta rahotannin da ke cewa ya ƙi amincewa da tayin zama abokin takarar Atiku Abubakar, ɗan takarar shugaban ƙasa a ADC.

Obi ya ce ba a taɓa miƙa masa irin wannan tayin ba, yana mai cewa ba zai iya ƙin amincewa da wata shawara da ba a taɓa gabatar masa da ita ba.

Tsohon gwamnan Jihar Anambra ya bayyana hakan ne a yayin wata hira da gidan talabijin na Arise TV, lokacin da yake amsa tambayoyi kan yiwuwar haɗin gwiwar jam’iyyun adawa gabanin zaɓen 2027.

Haske Radio Online.

Rundunar Sojin Amurka mai kula da Afirka, AFRICOM, ta ce an aika sabbin kayayyakin soji zuwa Najeriya, inda ta ce isar d...
10/09/2026

Rundunar Sojin Amurka mai kula da Afirka, AFRICOM, ta ce an aika sabbin kayayyakin soji zuwa Najeriya, inda ta ce isar da kayan aikin wata alama ce ta ƙara ƙarfafa haɗin gwiwar tsaro tsakanin ƙasashen biyu.

A sanarwar da ta yi a shafinta na X a ranar Alhamis, AFRICOM ta ce kayan aikin, waɗanda s**a isa Najeriya a ƙarshen mako, ana sa ran za su ƙara wa ƙasar ƙarfin tunkarar ta’addanci da sauran barazanar tsaro.

AFRICOM ta ce an samar da kayan ne ƙarƙashin yarjejeniyar sayar da kayan aikin soji ta ƙasashen waje, wadda aka tsara domin ƙara zurfafa haɗin gwiwar tsaro da harkokin soji tsakanin Amurka da Najeriya.

Isar da kayan na zuwa ne a daidai lokacin da Najeriya ke ci gaba da yaƙi da ƙungiyoyin ’yan ta’adda da masu tayar da ƙayar baya, tare da neman ƙarin tallafin ƙasa da ƙasa domin ayyukanta na yaƙi da ta’addanci.

Haske Radio Online.

Iran ta kai hari da makamai masu linzami kan sansanin sojin sama na Muwaffaq Salti da ke Jordan da safiyar Laraba.Tashar...
10/09/2026

Iran ta kai hari da makamai masu linzami kan sansanin sojin sama na Muwaffaq Salti da ke Jordan da safiyar Laraba.

Tashar labarai ta CBS News ta Amurka, abokiyar hulɗar BBC, ta ruwaito cewa harin ya yi sanadin lalacewar wasu jiragen yaƙin sojin Amurka da ke sansanin.

Rahotanni sun nuna cewa kusan jiragen yaƙi kirar F-15 guda takwas sun samu ƙananan matsaloli sakamakon harin.

Majiyoyi sun ce bayan an gyara jiragen, an mayar da su aiki cikin rundunar sojin saman Amurka.

Haka kuma, majiyoyin sun ce wani jirgin yaƙi kirar A-10 Thunderbolt, wanda aka fi sani da "Warthog", ya yi matukar lalacewa bayan makami mai linzami ya faɗa masa, lamarin da ya lalata ɗaya daga cikin fika-fikansa gaba ɗaya.t

Wata majiya daga ɓangaren leƙen asiri da ta tattauna da CBS News ta ce babu wani sojan Amurka da ya rasa ransa a harin.

Sai dai saboda muhimmancin lamarin, majiyoyin sun buƙaci a sakaya sunayensu.

Rahoton ya kuma ce dakarun Amurka da ke Jordan sun harba sama da makamai masu linzami na kariya kirar Patriot guda 30 a matsayin martani ga harin na Iran.

Kafin wannan hari, Amurka ta bayyana cewa ta kai hare-hare kan tankokin jigilar man fetur na Iran guda biyar.

Haske Radio Online.

10/09/2026

Mawakin Ado Isah Gwanja ya Musanta rade radin da'ake game da halin rashi lafiyar da yake ciki.

A wata tattaunawa da akai dashi ta wayar tarho ya bayyana cewa zuwa yanzu ya samu lafiya hasalima yanzu Yana cigaba da walwalarsa

Ya Kara da cewa jarabawa ce ta sameshi kamar yadda kowa hakan na iya faruwa dashi.

Shafukan sada zumunta sun cika da cece kuce game da halin sa mawakin masa,antar Kannywood din yake ciki.

An zaɓi wani mai gabatar da labarai a talabijin a Uganda domin hawa karagar mulkin masarautar gargajiya ta Tooro da ke y...
10/09/2026

An zaɓi wani mai gabatar da labarai a talabijin a Uganda domin hawa karagar mulkin masarautar gargajiya ta Tooro da ke yammacin ƙasar.

Yarima Edward Rukidi Kijanangoma, wanda ke aiki a gidan talabijin na gwamnati, UBC, zai gaji ɗan uwansa na kusa, Sarki Oyo Nyimba, wanda ya rasu a watan jiya sakamakon cutar daji yana da shekara 34.

Duk da cewa Uganda jamhuriya ce, a hukumance ƙasar na amincewa da masarautun gargajiya, waɗanda galibi ke taka rawa ta al'adu kuma suke da ƙarancin ikon siyasa.

Ana sa ran za a yi jana'izar marigayi sarkin a jibi Asabar.

Haske Radio Online.

Gwamnatin Jihar Nasarawa ta umarci hukumar ilimi ta bai-ɗaya ta jiha (SUBEB) da ta fara wayar da kan jama'a domin mayar ...
10/09/2026

Gwamnatin Jihar Nasarawa ta umarci hukumar ilimi ta bai-ɗaya ta jiha (SUBEB) da ta fara wayar da kan jama'a domin mayar da yaran da s**a kai shekarun makaranta amma ba sa zuwa makaranta aji.

Gwamnatin ta ce tana shirin kafa kotunan tafi-da-gidanka domin gurfanar da iyayen yaran da aka samu suna yawo a tituna a lokacin karatu.

Babban mataimaki na musamman ga Gwamna Abdullahi Sule kan harkokin jama'a, Peter Ahemba ne ya bayyana hakan a Lafia a ranar Laraba.

Ya ce SUBEB za ta yi aiki tare da ma'aikatar shari'a wajen duba yadda za a kafa kotunan, amma za a fara da wayar da kai kafin fara aiwatar da matakin.

Ya ce daga bisani za a kafa wata tawaga da za ta gano yaran da ke yawo a lokacin makaranta tare da bibiyar iyayensu domin gurfanar da su idan ya zama dole.

Gwamnati ta kuma tanadi kayan makaranta sama da 10,000, ciki har da littattafan rubutu, kayan makaranta da takalma, domin rabawa ɗalibai.

Ahemba ya kuma ce jihar ta kammala ɗaukar malaman makarantun firamare 1,000, waɗanda za a tura musamman zuwa makarantun karkara. Ya ce an ɗauke su ne bisa cancanta daga cikin sama da mutane 10,000 da s**a nemi aikin.

Haske Radio Online.

Kamfanin dillancin labarai na Reuters ya ruwaito, ya ambato jami'an gwamnatin Yemen uku na cewa mayaƙan tawayen Houthi s...
10/09/2026

Kamfanin dillancin labarai na Reuters ya ruwaito, ya ambato jami'an gwamnatin Yemen uku na cewa mayaƙan tawayen Houthi sun ƙwace iko da tashar jiragen ruwa ta Mokha.

Mayaƙana na Houthi na ƙoƙarin karɓe iko da muhimman tashoshin jiragen ruwa da ke gaɓar Tekun Bahar Maliya, wani mataki da zai ƙara musu ƙarfin iko a mashigar Bab al-Mandab, mai matuƙar muhimmanci ga zirga-zirgar jiragen ruwa na duniya.

Tun da farko, mummunar arangama tsakanin dakarun da Saudiyya ke mara wa baya da mayaƙan Houthi a Yemen ta haifar da fargabar yiwuwar yaƙin ya ƙara faɗaɗa.

Haka kuma jiragen yaƙin Saudiyya sun kai hare-hare a wurare da dama na Yemen, a matsayin martani ga hare-haren da aka kai kan muhimman cibiyoyinsu da kayayyakin more rayuwa.

Ƙaruwar rikicin ya sa hukumomi ayyana dokar ta-ɓaci a birnin Khamis Mushait da ke kudu maso yammacin Saudiyya.

Haske Radio Online.

10/09/2026

Shugaban Trump, na Amurka ya ce zai bai wa kowane babba ɗan ƙasar dala 5,000 idan jam'iyyarsa ta Republican ta samu rinjaye a duka majalisun dokokin ƙasar a zaɓukan rabin wa'adi da za a gudanar a watan Nuwamba.

Shugaban Amurka Donald Trump ya ce ƙasarsa za ta kira Mashigar Hormuz da "Mashigar Trump," sannan ya ƙara da cewa Amurka...
10/09/2026

Shugaban Amurka Donald Trump ya ce ƙasarsa za ta kira Mashigar Hormuz da "Mashigar Trump," sannan ya ƙara da cewa Amurka na "samun nasara" a yaƙin da take yi da Iran.

"Farashin mai (zai ragu) da zarar mun yi nasara a yaƙin da muke yi da Iran, wanda ke gudana a yanzu. Za mu ci nasara," a cewar Trump a yayin gangamin yaƙin neman zaɓe na tsakiyar wa'adi na Jam'iyyar Republican a birnin Dallas na Texas.

"Muna samun nasara a kansu. Mu za mu riƙa iko da harkokin cinikayyar Hormuz. Ina ganin ya kamata mu kira Mashigar Hormuz da suna Mashigar Trump. Ya kamata na samu wani abu daga ciki. Mashigar Trump.

"Za a kira ta da sunanan, jama’a maza da mata, zan yi sanarwa - za mu kira ta Mashigar Trump, kuma ina da tabbacin shugabannin Iran za su fusata da hakan," in ji shi.

Trump ya kare yaƙin Iran sosai, yana mai ikirarin nasara da kuma danganta hakan da samun ragi a farashin mai.

"Farashin abinci da kusan duk wani abu suna raguwa cikin sauri. Kuma a zahiri, mai zai ragu da zarar mun yi nasara a yaƙin da muke yi da Iran, wanda ke gudana a yanzu," in ji Trump.

Trump ya jaddada abin da sauran 'yan Republican s**a faɗa a taron, yana mai cewa guguwar gurguzu ce ke barazana ga Amurka.

"Za ta zama ƙasar gurguzu idan s**a yi nasara," in ji shi.

"Ƙuri'arku za su yanke hukunci ko ƙasarmu za ta faɗi a ƙofar babin farko na shekaru 250 masu zuwa ko kuma ta yi gaba kuma ba za ta taɓa waiwaya baya ba," in ji shi.

Haske Radio Online.

Najeriya ta naɗa sabon kwamandan da zai jagoranci ayyukan soji na yaƙi da ƙungiyar ta’addanci ta Boko Haram da ɓangaren ...
10/09/2026

Najeriya ta naɗa sabon kwamandan da zai jagoranci ayyukan soji na yaƙi da ƙungiyar ta’addanci ta Boko Haram da ɓangaren ISWAP da ya ɓalle a jikinta a arewa maso gabashin ƙasar, in ji kakakin rundunar soji a ranar Laraba.

An nada sabon kwamandan ne gabanin zaɓen shugaban ƙasa da aka shirya gudanarwa a watan Janairu, yayin da matsalar tsaro ke ci gaba da zama babban abin damuwa sakamakon shekaru na tashin hankali, ayyukan ’yanbindiga da sace mutane a wasu sassan ƙasar.

Manjo Janar Ibikunle Ademola Ajose, wanda a baya ya yi aiki a hedikwatar rundunar soji da ke Abuja, zai maye gurbin Manjo Janar Abdulsalam Abubakar, kwamanda na 15 na Operation Hadin Kai, wanda ya karɓi ragamar aikin a watan Afrilun 2025.

Haske Radio Online.

Address

No. 5 Naibawa Gidan FIAT
Kano

Website

Alerts

Be the first to know and let us send you an email when Haske Radio Online posts news and promotions. Your email address will not be used for any other purpose, and you can unsubscribe at any time.

Shortcuts

Share

Category