Auwal Digital

Auwal Digital Ku yi following din mu, Za ku samu Videos masu kayatarwa!

07/12/2024

KU YAƊA AMINCI BAYIN ALLAH

Allah Subhanahu wa ta'ala Ya ce a ce wa bayinSa: "...kada ku ɗebe ƙauna daga rahamar Allah". Suratuz Zumar, aya ta 53.

Annabi Ya'aƙub a.s ya ce ga 'ya'yansa: "Kada ku ɗebe ƙauna daga rahamar Allah". Suratu Yusuf, aya ta 87.

Annabi Yusuf a.s ya ce ga ɗan'uwansa: "... kada ka damu da abinda suke aikatawa". Suratu Yusuf, aya ta 69.

Nagartaccen bawan nan baban 'yammatan nan guda biyu ya ce ga annabi Musa a.s lokacin da ya ba shi labarinshi: "kada ka ji tsoro". Suratul Ƙasas, aya ta 25.

Fiyayyen halitta sallallahu alaihi wa sallam ya ce ga sahibinsa lokacin da suke cikin kogo: "kada ka damu, lalle Allah Yana tare da mu". Suratut Tauba, aya ta 40.

Yaɗa aminci da kwantar da hankulan musulmi lokacin da ake halin damuwa da ɗar-ɗar tsari ne na shari'a kuma tarbiyya ce ta annabta.

Dan haka bayin Allah mu kwantar wa da juna hankali, mu tunatar da juna mafita, mu ba wa juna shawarwari, sannan mafi muhimmanci mu yadda da cewa Allah ne Mai yi kuma zai yi da ikonSa.

🖊 Zainab Ja'afar Mahmud
2nd Jumadal-akhir 1446A.H
4th December 2024
‏

LABARIN WANI KOGINa karanta ya burgeni: ((Wata rana wani yaro yana bakin kogi yana wasa sai ruwa ya tafi da takalmin shi...
07/12/2024

LABARIN WANI KOGI

Na karanta ya burgeni:
((Wata rana wani yaro yana bakin kogi yana wasa sai ruwa ya tafi da takalmin shi. Yaron nan kuwa sai ya rubuta a gaɓar kogin cewa wannan kogin ɓarawo ne.

A gefe guda kuwa wani masunci ya samu damar sun kifaye masu yawan gaske daga kogin nan, dan haka sai ya rubuta a gaɓar kogin wannan kogin mai yawan kyauta ne.

Wani matashi kuwa da ruwan kogin nan ya ci shi, mahaifiyarshi rubutawa tayi wannan kogi mugu ne (mai cin mutane).

Wani mutum kuwa da ya yi nasarar samun lu'ulu'u daga wannan kogi sai ya rubuta lalle wannan kogi mai karamci ne.

Ana nan dai sai ga igiyar teku mai ƙarfi ta zo ta tafi da duk wannan rubuce-rubucen!))

Abin lura: kada ka damu da maganganun mutane, domin kowa cikinsu yana kallon al'amura ne ta fuskar da ta bayyana a gare shi, ko kuma ya fassara shi gwargwadon yanayi ko halin da yake ciki.
Kai dai yi da gaske ka kamanta daidai, kuma ka yi aiki tuƙuru dan tursasa zuciyarka ta yiwa mutane adalci daidai gwargwado.

🖊 Zainab Ja'afar Mahmud
3rd Jumadal-akhir 1446A.H
5th December 2024

Address

Kano

Website

Alerts

Be the first to know and let us send you an email when Auwal Digital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category