https://www.facebook.com/616067234929122/

RECO, fagge, Kano (2025)

24/06/2025

MAZAJE KU SAURARE NI DA KYAU.

KADA KA BARI SHA'AWAR KA TA SARRAFA KA.

Matasa dayawa a yanzu sun sakankance game da lamarin mata. Dayawa sun samu matsala saboda biyewa sha'awa. Wasu an kulle su a gidan yari. Wasu suna asibiti neman lafiyar su. Wasu kuma an yi musu mai gaba ɗaya wato suna kabarin su duk a dalilin biyewa sha'awa.

Kai a matsayin ka na wanda kake so rayuwar ka tayi ƙarko to dole ne saika iya sarrafa sha'awar ka kafin Kaci nasara a rayuwa. Kada ka bari jin daɗi na mintuna 10 zuwa 20 suyi maka sanadiyyar kuɗin ka, lokacin ka, lafiya kokuma rayuwar ka.

Su matan da kake saka rayuwar ka a kasada saboda su basu damu da kai ba. Basu damu da ci gaban ka ba. Basu damu da fafutukar ka ba ballantana har su tausaya maka yayin da rayuwa ta juya maka. Idan har ka iya sarrafa sha'awar ka to Lallai kaci nasara 70% a rayuwa.

Idan kana da aure to ka gyara tare da kimtsa matarka ta gida domin itace kwanciyar hankalin ka. Idan baka dashi to kayi hakuri har kasamu damar yi. Domin duk wannan shauƙin da kake ji daga anyi shekara uku ko biyu ne. Idan kuma baka da damar yi to kayi hakuri ka jure har Allah ya h**e maka. To menene na gaggawar a ciki?

Da kanka wata rana ana baka kana turewa.
Saurin duk na menene.
Jefa kai a hatsarin duk akan menene.
Akwai abubuwa dayawa a gaban ka.
Ka rayu cikin aminci.

Ibrahim reco

24/06/2025

MATA KU SAURARE NI DA KYAU.....

KI RAGE BURI AKAN AURE.

Yanzu mafi yawa daga cikin matan da basuyi aure ba babban dalilin hakan shine buri da s**a tsawwala a kansu dangane da wanda zasu aura. Sai kaga rimi-rimi saurayi ya fara zuwa wajen yarinya amma dole tasa ya fece saboda yaji ana lissafo masa abubuwan da mahaifin ta ma da kanshi ya kasa yi mata su.

Menene sa zuba dokoki akan wanda zaki aura cewa sai yana da kaza da kaza? Baki san zaman lafiya da girmama juna cike da soyayya ake bukata a rayuwar zaman aure ba? To ki sani cewa tsaf zaki iya samun irin wanda kika ce kina so amma ya dinga azabtar dake. Nawa ne gasu nan suna ta nadama akan meyasa s**a ce sai wane. Anya zaki hankalta kuwa?

Ke da kika ce sai mai mota, shin ke ita taki motar take?

Ke da kika ce sai mai babban gida mai gate, shin ke ina naki koda mara gate ɗin ne?

Sai dogo fari ko baƙi? Yaya zakiyi da gajartar da k**e fama da ita?

Sam-sam na rasa gane yaya akayi kuka rasa gane abubuwan da ake dubawa a jikin NAMIJI. Gaba ɗaya banda shirme babu abinda zaka ji yarinya tana lissafo maka tana so wanda zata aura ya kasance yanada su. Da ace yau duk wani namiji zai saka dokoki akan wadda zai aura irin dokar da mata suke sakawa to da Lallai an samu gurɓacewar yanayi dakuma al'umma.

Kina son mai hakuri? Ta yaya zaki samu bayan kina ɗaya masa murya?

Akwai wasu QUALITIES da ake musayar su acikin lamarin soyayya. Adadin yadda kika tara su, adadin kalar mazan da zaki zuƙo zuwa gareki. Mazaje masu daraja ajin farko basa zaɓar mace haka kawai dole ne sai sun tantance, shin kina da abubuwa da zaki tsallake idan s**a nufo ki har su zaɓe ki? Kokuma ƙaton kai kawai kika ajje cike da burika?

Ayi haƙuri idan na kausasa.
Lamarin ne yazo mara daɗi sam-sam.
Ki kula ki samu nutsuwa.
Ki rage buri domin ingantuwar zamantakewa.
Akwai abubuwa dayawa a gaban ki.
Ki rayu cikin aminci.

Follow Ibrahim reco 🤝

24/06/2025

MAZAJE KU SAURARE NI DA KYAU.....

ABINDA TAFIYAR MU TA ƘUNSA.

R= rebuild
E= encourage
C= community
O= organisation

Rebuild and Encourage our Community Organization

Wannan itace ɗaya daga cikin ma'anar sunan wannan tafiya tamu. Tafiya ce wadda zata farkar da matasa daka baccin da s**a tsinci kansu a ciki. Zata dinga zaburar da wanda ya gafala sannan ta ƙarfafa gwiwar wanda yake fafutuka da gumurzu.

MANUFOFIN MU.

• wayar da kan maza da mata ta fannin zamantakewa da mu'amala.

• ilimantar da maza maza yadda ake jagoranci a cikin gida dakuma soyayya.

• ilimantar da mata yadda ake biyayyar zaman aure dakuma soyayya.

• ilimantar da maza da mata ta fannin kasuwanci dakuma inganta kai.

• bayarda shawarwari da s**a shafi rayuwar ku kai tsaye.

Waɗannan sune kaɗan daga cikin manufofin mu da wannan tafiya. Sannan da akwai ƙarin wasu ma wanda nan gaba kaɗan zasu bayyana a aikace. Zamu dinga yin duk wannan ne a kyauta ba tare da biyan ko sisin ka/ki ba. Abinda kawai ake buƙata shine bayan ka karanta kayi follow sannan kayi sharing domin wasu ma su amfana.

Idan kana neman shawara zaka iya faɗa mana ta direct message kokuma Whatsapp ɗin mu da muka yi Link 🔗 da wannan shafi Ibrahim reco .

✍️ RECO
Rebuild and Encourage our Community Organization.

23/06/2025

MAZAJE KU SAURARE NI DA KYAU.....

KAINE MALEJIN KANKA DA KANKA.

Rayuwar nan da muke ciki yanzu gudun yada ƙanin wani ake yi. Idan baka yi ka bada wuri. Kowa ya bazama neman rufawa kai asiri. Saidai dukda haka sai kaga wasu suna tsoron faɗaɗa hanyoyin neman su. Wasu suna tsoron gujewa asara, wasu kuma tsoron rashin yin nasara koda kuwa hakan bazai ja musu asarar ko sisi ba. To ka sani cewa kaine kayiwa kanka da kanka iyaka ba wani ba.

Kada kaji tsoron rashin yin nasara. Domin ta haka ne ake koyon darasi mafi tsada a rayuwa. Da ace rashin nasara yayi tasiri a wajen magabatan mu to ko shakka babu da tuni yanzu ko ƙwan lantarki bamu sani ba. Saboda Saida akayi gwaji sau adadi mai yawan gaske kafin a iya ƙirƙirar ƙwan lantarki. Me kake tunanin zai faru da ace sun hakura sun sare?

Babu wanda aka haifa da ƙwarewa. Kowa anan yake samu, to kenan kai wanene ya baka tabbacin cewa ida ka yunkura baza Kaci nasara ba? Lallai waɗanda suke sarewa basa cin nasara, sannan waɗanda suke cin nasara basa sarewa. Ka riƙe wannan maganar cikin ƙwaƙwalwar ka.

Ka tashi kayi gumurzu, a haka ne ake bambance tsakanin ƙaramin yaro dakuma tsayayyen namiji. Kana so goben ka tayi kyau? To ka gina ta tun a yau. Kayi abinda zaka yi alfahari da kanka yayin da kake bayar da labarin kanka kokuma kake tuna rayuwar ka ta baya. Shin ka shirya kokuma lalaci yayi maka katutu?

Ka tuna cewa bakada geji sai kanka.
Kada ka sare a rayuwa.
Akwai abubuwa dayawa a gaban ka.
La rayu cikin aminci.

Follow Ibrahim reco 🤝

23/06/2025

MAZAJE KU SAURARE NI DA KYAU.....

NOTE: Wannan rubutun na ɗan shekara 20 zuwa 30.

KA ƘYALE SOYAYYA NA WANI LOKACI.

Rayuwar ɗa namiji tasha banban da rayuwar ƴa mace. Rashin bambance hakan ya jefa da yawa daga cikin samari cikin halaka dakuma da-na-sani. Rayuwar namiji cike take da ƙalubale sannan ita ma ta macen haka. Saidai akwai banbanci tsakanin ƙalubalen namiji dakuma na mace.

Ita mace NATURALLY darajar ta take haɗuwa a jinkita. Darajar da ya shafi ɓangaren halitta. Sannan ɓangaren cin nasara a rayuwa mace tana da ADVANTAGES masu tarin yawa akan namiji. Ita mace tana zaune wasu suke ɗaukar ɗawainiyar ta. Shi kuma namiji fa?

Wannan shine dalilin da yasa nake faɗa nake ƙara maimaita wa cewa mace zata iya biyewa soyayya tun tana ƴar ƙaramar yarinya kuma taci nasara a rayuwa. Amma shi kuwa namiji idan ya biyewa soyayya to lamari ya lalace k**ar yadda rayuwar shi zata lalace.

KA SAURARA KAJI:

Shekaru 20 ɗin ka ma farko har zuwa 25 ba na soyayya bane ba. Shekaru ne na fafutuka da kuma gumurzu domin ciyar da kanka gaba. Shekaru ne waɗanda zaka gina goben ka dasu. A cikin waɗannan shekarun ne zaka gina rayuwar ka irin ginin da su da kansu matan zasu dinga rububinka suna burin samun ka.

Mata ba zasu taɓa ƙarewa ba, amma lokacin ka fa? . Su mata kyawawa kullum haifo su ake yi. Mata na gari kullum iyayen su suna nan suna ta ƙoƙarin basu tarbiyya. Amma shi kuwa lokacin ka ƙararre ne. Haka zalika kuzarin ka. Saboda haka sai kayi amfani dasu ta hanyar da ta dace.

Ni a karan kaina na auna wani abu kuma naga tabbas haka abun yake. Abun shine: a duk lokacin da naga kyakkyawar mace zan ji cewa araina tana da kyau kuma sak irin matar da zan iya zama da irin ta. Amma washe gari kokuma bayan kwana biyu sai in ƙara ganin wata wadda tafi waccan ta jiya. Kyau dakuma alamun tarbiyya. Haka zalika sai in ƙara ganin wata. Haka, haka, haka.

To ashe kaga kenan babu gaggawa.
Ka gina kanka a lokacin da ya dace.
Akwai abubuwa dayawa a gaban ka.
Ka rayu cikin aminci.

Follow Ibrahim reco for more 🤝

23/06/2025

MAZAJE KU SAURARE NI DA KYAU.....

BA DAKAI TAKE SOYYAYYA BA, DA KUƊIN KA NE.

Wannan ba rubutu ne wanda zanyi shi kara zube ba, a'a rubutu ne wanda zai sanar dakai abinda iyaye s**a gaza warwarewa ƴaƴan su dangane da lamarin soyayya. Kana so ka kuɓuta daga tarkon soyayya irin ta zamani? To kasa kunne ka jini da kyau.

NOTE: rubutun zai yi tsayi, saboda haka idan kasan bazaka iya karanta dogon rubutu to bai zama dole ka karanta ba.

Da farko dai na yarda akwai kyautatawa a soyayya, kuma na yarda cewa soyayyar da take cike da kyautatawa tafi wadda bata dashi ƙarfi. To amma yadda ake ɗauka kokuma fassara kyautatawa a soyayyar yanzu sam-sam ba haka take ba.

MENENE KYAUTATAWA?

____ ( a taƙaice ) kyautatawa itace duk wani abu wanda zaku yiwa kokuma bawa abokin alaƙar ku wanda bai zama dole ba, amma anyi hakan ne domin faranta ran juna dakuma ƙara danƙon ƙauna.

Wannan itace ma'anar kalmar kyautatawa a taƙaice. To kenan a ina ne inda aka saɓawa wannan fassara ta kalmar kyautatawa?

Babban dalilin guda ɗaya ne, wanda kuma shine ya haifar da ƴaƴa. Dalilin kuwa shine :

•BANGARANTAR DA KYAUTATAWA.

MA'ANA: An maƙalawa ɓangare ɗaya daga cikin masoya an ɗora nauyin kyautatawa a iya kanshi kaɗai. Wato bangaren NAMIJI. Ya zamana cewa namiji ne yake da alhakin kyautatawa a soyayya sannan an saukewa mace wannan nauyin. To anan matsalar take.

Matuƙar ba aure aka yi ba to Lallai ne ya kasance kowane ɓangare yana kyautatawa ɗayan ɓangaren. Sannan bayan anyi aure kyautatawa ta ɓangaren mace saita canja salo zuwa wani irin salo mai ban ƙaye da sha'awa.

GA WASU JERIN ABUBUWAN DA BA NAMIJI NE KAƊAI YAKE DA ALHAKIN YI BA A SOYAYYA.

__ Idan yana siya miki anko to kema dole ne idan sabga ta taso masa ki siya masa anko.

__ Idan yana ɗaukar ki zuwa gidan hoto kokuma cin abinci to kema ya zama dole ki dinga yi masa hakan.

__ Idan yana saka kati ya kiraki a waya to kema ya zama dole kiyi ƴar rige-rige dashi wajen kiran shi.

__ Idan ya siya miki waya to kema ya zama dole ne idan wayar shi ta lalace kiyi gaggawar canja masa sabuwa.

__ Idan kuɗi yake baki to kema ya zama dole ki ware wasu ranaku da indai yazo zance zaki yi masa dunƙuli.

Bari na barshi haka saboda sarakan musu.
Akwai abubuwa dayawa a gaban ku.
Ku rayu cikin aminci.

Follow Ibrahim reco 🤝

23/06/2025

MAZAJE KU SAURARE NI DA KYAU....

YAYA ZAKA YI IDAN BUDURWAR KA TANA YI MAKA HORO DA SHIRU?

Mata suna da halayyar horar da maza ta hanyoyi daban daban. Manya dakuma ƙanana. Saidai ba wannan ne abin lura dakuma mayar da hankali akai ba. Yaya ka mayar da martani anan ne inda ake bambance tsakanin tsayayyen namiji dakuma ragon maza.

Shiru yana ɗaya daga cikin hanyar da mata suke amfani da ita wajen azabtar da ragon namiji. Zasu baka tazara ta nuna rashin kulawa. Zasu janye duk wani kuzari da s**a saka a baya a cikin mu'amalar ku.

Mata suna aikata hakan saboda dalili ɗaya daga cikin biyu:

1° TA DAINA SONKA, TA KOMA BAWA WANI KULAWAR TA DA LOKACIN TA.

2° TANA SO TAGA SHIN KAI TSAYAYYEN NAMIJI NE KOKUMA RAGON MAZA.

duk wanda ta aikata a cikin su to cin fuska ne dakuma raini. Nikuwa RECO bana aminta inga wani ya ɗauki raini ko sau ɗaya daga wajen mace.

GA HANYOYIN DA ZAKA BI KAMAR HAKA:

1• KWAIKWAYON TA.
Adadin kuzarin da take sakawa a cikin alaƙar ku, to kaima shine adadin yadda zaka zuba. Kada ka sake ya zama kaine kake ɗauke da nauyin ciyar da alaƙar ku gaba.

2• NUNA HALIN KO OHO.
Yayin da take tsammanin kazo ka bata haƙuri akan abinda baka san da samuwar shi ba, kai kuwa tuni ka share ta ka nuna kai ba irin wannan namijin da ake rainawa bane. Hakan zai karyar ƙudurin ta sannan ta girmama ka saboda hakan.

3• KADA KA TAMBAYI DALILI.
Bazata taɓa faɗa maka dalilin ba domin kuwa babu shi. Sannan adadin yadda ka matsa mata akan saita faɗa maka shine adadin yadda zata wahalar dakai kuma ka nuna mata cewa kai ragon namiji ne domin ka kasa jurewa shiru. Rashin tambaya zai nuna mata cewa la fita iya buga wasan, zata sakko dan kanta tunda ita ɗin ba farashin fetur bace.

4• TAFIYA KA BATA WAJE.
Wannan shine motsin ka mafi girma a cikinsu duka. Wanda yake da ƙarfin zuciyar tafiya ya bata waje shine wanda yake da rinjaye mafi girma. Mace tana jin tsoron rasa wanda tsaf zai iya barin ta.

Kada ka sauke jin kanka.
Ƙimar ka tana da girman gaske.
Akwai abubuwa dayawa a gaban ka.
Ka rayu cikin aminci.

Follow Ibrahim reco 🤝 and share.

22/06/2025

MAZAJE KU SAURARE NI DA KYAU......

(labari)

ANA SAURA SATI ƊAYA ƊAURIN AURENSHI YA SOKE YA FASA.

Wannan labarin ya faru a zahiri, yana ɗauke da darasi zuwa ga maza waɗanda suke shirin yin aure. Kuma yana ɗauke da wani darasi na musamman da nake so in isar dashi.

•Anzo daf da ɗaura igiyar ɗaurin auren shi da masoyoyar shi ya fasa auren. MEYASA? Tsaya kaji dalilin. A cewar sa:

Ya rage saura sati ɗaya a ɗaura mana aure ne naje wajen ta domin lissafin abubuwan da za'a kashe a auren namu duka. Bayan na sanar da ita ne saita cemin dama ita ai ta daɗe da tanadar lissafin duk abun da za'a kashe.

GA YADDA HIRAR TA KASANCE.

NI: Okay tom babu matsala ai, kice ke har kin tanadi lissafin komai.

ITA: kaiii? Ehmana ai komai na rubuta kuma kaga takardar ma na fito da ita saboda nima yau nake so nayi maka zance.

NI: okay to karanto min ina ji.

Ta fara karanto min tun daga farko har ƙarshe. Jimillar kuɗin ya k**a za'a kashe ₦12M. Eh ka jini da kyau. Ba dubu ɗari da ashirin ba. A'a miliyan goma sha biyu.

NI: gaskiya ne, naji lissafin tun daga farko har ƙarshe. Amma ina tunanin k**ar yayi yawa ace a kashe adadin kuɗi masu yawa haka a bikin da baifi kwana biyu za'a yi ana yi ba.

ITA: haba dai wani irin yayi yawa kuma? Sai kace ba biki na ba? Aure da zamuyi, abu ne ma farin ciki da murna. Ai ahaka ma na rage abubuwa dayawa a ciki saboda kada kuɗin suyi yawa.

NI: okay na gane. To yanzu nawa zaki kawo a matsayin taki gudunmawar?

ITA: ban gane nawa zan kawo ba! Kamar ya!?

NI: eh nawa zaki kawo acikin wannan kuɗin da kika lissafo wanda za'a yi shagalin bikin mu mu biyu dashi.

ITA: wannan wace irin magana ce kuma? A ina ka taɓa ganin anyi haka? Kai ba namiji bane ba? Wanene yake da alhakin daukar nauyin ɗaurin auren shi? Ni babu abinda zan kawo!!

NI: eh Ni namiji ne kuma jagora. Wato shugaba. Amma a irin shugabanci na ina ganin k**ar ba haka ya k**ata muyi a wannan bikin namu ba. Adadin kuɗin basu yi yawa ba saidai akwai wata hanyar da zamu bi dasu.

ITA: ina jinka.

NI: a cikin ₦12M ɗinnan me zai hana mu kashe ₦2M idan yaso ragowar ₦10M ɗin kuma mu buɗe wani kasuwancin a gefe guda domin ya dinga kawo mana riba. Kinga kuwa duk wani kasuwancin da zamu buɗe da ₦10M zai iya kawo mana ribar da zata ɗauki nauyin ci da shan mu.

ITA: turƙashi!! Tayaya biki irin na mace k**a ta ace wai za'a kashe ₦2M? Wannan ai saika sa ƙawaye na suyi min dariya.

NI: (shiru ina tunani)

ITA: kayi shiru kuma ita ta magana.

NI: eh to gaskiya tunanin da nake yi shine kawai na fasa auren ki. Zanje na samu wata. Kema kije Allah ya baki miji wanda ya fini alheri. Sai an jima.

Nayi tafiya ta na barta anan wajen a tsaye tana ta faman kiran sunana. Washe gari naji ance bata da lafiya har an Kaita asibiti. Yan gidansu s**a dinga kirana a waya naƙi ɗagawa. Naje na samu abokina Ibrahim na faɗa masa abinda na aikata, ya ƙarfafe Ni akan hukuncin da na yanke. Naje na faɗawa mahaifina shima yace nayi daidai.

Yanzu haka mun fara soyayya da wata. Ita kuma na barta da dattin ƙwaƙwalwar ta taje ta ci kanta.

Wannan shine ƙarshen labarin.
Menene laifin shi?
Me ka fahimta a cikin wannan labarin?
Akwai abubuwa dayawa a gaban ka.
Ka rayu cikin aminci.

Follow Ibrahim reco for more 🤝

22/06/2025

MAZAJEN KU SAURARE NI DA KYAU......

SHIRU-SHIRU BA GAJIYAWA BANE.

Shiru bawai alama ce ta GAJIYAWA ba kokuma tsoro, a'a alama ce ta kamun kai dakuma kawar dakai daga abubuwan da suke da mahimmanci a mataki na ƙasa a rayuwa. Idan kaga mutum yana kawaici dakuma SHIRU-SHIRU ba hakan yana nufin shi RAGO bane ba.

Ka kasance mutum mai yawan shiru domin akwai alkhairai masu yawan gaske a cikin shiru. Ba kowane abu ne yake buƙatar saika mayar da martani ba. Wani lokacin shiru itace amsa mafi girma cikin martanin da zaka mayar.

WASU LOKUTA 2 DA SHIRU YAKE DA AMFANI.

1• IDAN KANA CIKIN FUSHI.
Fushi yana zuwa da illoli masu yawa, amma saidai ba kowane yake ankara dasu na sai bayan ya afka cikin nadama. Yayin da aka ɓata maka rai kuma ka tabbatar da cewar abinda zaka furta ba mai daɗi bane ba to ka nutsu kayi SHIRU. zaka ga amfanin hakan matuƙa.

2• LOKACIN DA MUSU YA KAURE.
Musu yana haifar da gaba da juna. Shiyasa ma zaka ga duk wanda baya yawan shiga cikin musu yana da nutsuwa dakuma walwalar zuciya. Musu irin wanda babu wanda zai fahimci juna bashi da wata riba. SHIRU shine zai baka damar nuna musu cewa ba kowane abu ne ya cancanci lokacin ka ba.

Ka zamo nitsattse.
Ka k**a kanka.
Akwai abubuwa dayawa a gaban ka.
Ka rayu cikin aminci.

Follow Ibrahim reco for more 🤝

22/06/2025

MAZAJE KU SAURARE NI DA KYAU....

BAZAKA TAƁA IYA GAMSAR DA ITA BA.

Sau dayawa nakan ji wasu MAZAJEN suna ƙorafin cewa basa iya GAMSAR da matansu. Hakan yana biyo bayan ƙorafin da matansu suke nunawa a magance kokuma a aikace. To ina so ka dakata domin na faɗa maka a ina matsalar take.

Wasu matan daman tun tuni a buɗe suke kafin ka haɗu da ita. Ta riga da ta gama ragargaje ƙarƙashin ta ta hanyar amfani da abubuwa da dama wajen biyawa kanta buƙata. Wasu kuma tuni sun bayar da kansu zuwa ga gardawa mabanbanta. Komai ya fashe. Komai ya wangale. Tayaya kake tunanin zaka iya ja da duk waɗannan?

BAZAKA TAƁA IYAWA BA.
saboda haka ka shafawa kanka lafiya ka fece da rayuwar ka.

Adadin shigar yatsu ƙarƙashin ta yafi adadin shigar su bakinta wajen cin abinci. Budurcin ta ya riga darajar Naira faɗuwa. Ta yaya kake zaton girman hannunka zai cika faɗin duro? Lallai wasa kake.

Duk wadda kaji tana yi maka ƙorafin rashin gamsuwa to ka tabbatar da cewa ba budurwa bace ba. Kuma ba laifin ka bane ba. Shan maganin ƙarfin maza bazai magance matsalar ba. Domin komai ya fatattake.

Kuyi hakuri idan rubutun yayi ɓaro-ɓaro dayawa.
Kamawa tayi darasin sai a haka.
Kada ka sake ka auri budurwa yar tasha.
Akwai abubuwa dayawa a gaban ka.
Ka rayu cikin aminci.

22/06/2025

MAZAJE KU SAURARE NI DA KYAU.....

GWANDA TA KIRA KA DA MAROWACI AKAN TALAKA.

Gwanda budurwar ka ta kiraka da MAROWACI sau dubu akan ta kira ka da talaka. Saboda shi bajo na ROWA ba kowa ake maƙalawa shi ba sai wanda ya killace kuɗin shi daga wadaƙa da fank**a. Ita kuwa kalmar talauci ba kowa ake kira da ita ba sai wanda aka gama tatsewa tsaf aka tsotse masa yan kuɗaɗen shi. Wanne kake so a kira ka daga ciki?

Mace zata kiraka da MAROWACI ne yayin da ka ƙi yarda ta yi maka wayo ta amshe maka kuɗi. Duk lokacin da kaji mace ta kiraka da MAROWACI to ka sani cewa a lokacin ka ƙi biya mata buƙatar da ta kasa biyawa kanta kuma mahaifin ta ya gaza biya mata.

Mace zata kasa siyawa kanta waya saboda tsiya da talauci amma kuma nan take zata ɗora maka laifin hakan idan ka kasa siya mata a matsayin ka na saurayin ta. Kada ka yarda ka faɗa wannan tarkon. Amma ta kira ka da talaka? Ka zama sorry 😐.

Bayan ta gama tatse ka tsaf taga babu abinda yayi ragowa to daga nan amfanin ka ya ƙare. Zata watsar da kai ne ta koma kan wani shashashan irin ka kafin ya ankara kokuma ta maimaita irin abin da ta aikata a kanka. A tunanin ka ta damu da fafutukar ka ne? Aaa Lallai kana RUWA.

ka killace dukiyar ka.
Ka matse bakin aljihun ka.
Ka zamo MAROWACI babba.
Na yarda akwai kyautatawa soyayya.
Amma dole ne ya zama duka ɓangare biyun ne.
Akwai abubuwa dayawa a gaban ka.
Ka rayu cikin aminci.

Ibrahim reco
Ibrahim reco kano

21/06/2025

MAZAJE KU SAURARE NI DA KYAU....

KAINE KAYIWA KANKA DA KANKA ASIRI 🤌

Na dade inaso inyi magana akan wannan abun da yake faruwa da samarin mu na yanzu a kasuwa. Amma dai yau dole tasa sai nayi. Sai kaga saurayi matashi ya fara zuwa kasuwa kokuma ya daɗe a kasuwa amma daga zarar tauraruwar sa ta fara haskawa sai komai ya rushe ya lalace. MEYASA ⁉️⁉️

NOTE: RUBUTUN YANA DA TSAYI KUMA BA DOLE NE SAI KA KARANTA BA.

Bayan nayi bincike dakuma nazari akan irin waɗannan matsaloli na fita da sak**ako masu yawa. To amma kuma akwai wani babban dalilin da yafi kowanne ƙarfi, saboda haka akan shi zanyi magana yanzu.

Da farko dai burin duk wani matashi ne yaga cewa an yaye shi a shagon da yake shima an zuba masa jari domin ya tunkari rayuwar shi ya gina ta. To amma fa ba anan gizo yake yin saƙar ba. Matsalar ba daga ƙin yaye shi bane ba kokuma ƙin zuba masa jari. A'a matsalar daga wajen shi ne bayan an zuba masa jarin.

Da farko yaro zai ta taka tsantsan wajen sarrafa kuɗin shi bayan an sallame shi a shago. Amma da zarar ance yau an yaye shi sannan ga jari an zuba masa to fa sai LAHAULA. Shi mai gidan ya zuba masa jari domin a dinga yin lissafi duk shekara kokuma rabin shekara amma shi kuwa ya laƙume jarin cikin ƙasa da wata 5.

BARI NA BAKU LABARIN ƊAYA DAGA CIKIN WANDA NAYI BINCIKE AKANSU DOMIN FITO MAKA DA ABUN FILI.

Yaro ne aka yaye shi daga shago aka buɗe masa nasa sannan aka zuba masa jari ta yadda duk shekara za'a zo ayi lissafi bayan sallamar shi ta kullum da aka yanke adadin da zai ɗauka koda anyi ciniki ko ba'a yi ba.

Farat ɗaya aka ga yaro kasuwa ta buɗe alhamdulillah. Aka ga canji a jikin fatar sa. Yan gidan su na ta murna musamman mahaifansa don ganin ɗan su ya tasa shima yanzu ya fara zama mutum.

Cikin ƙasa da wata 3 yaro ya canja wayar da yake riƙewa ya koma babbar harka. Bayan wata 4 yaro ya ɓaro sabon babur (HAOJUE UD). Kafin wannan lokacin kuma dama tuni yayi juyen baƙin mai na tufafin sa, daga shadda mai tsada sai yadi mai tsada. Kowa yana ta san barka. Masu hassada s**a fara. Masu burin zama k**ar shi s**a fara. A takaice dai ni'ima ta buɗe ta ko ina.

Ashe ashe.
Ashe ashe kallon KITSE ake yiwa ROGO. Yaro yabi takan dukiyar uban gidan sa ne ba'a sani ba. Sai bayan anzo lissafi aka ga abinda bashi ne ba. Uban gidan nasa yace ya haƙura dashi bazai iya ba. Saboda haka ya bar masa shago. Cikin ₦12,000,000 da aka zuba masa, daƙyar aka samu ₦3,200,000. Turƙashi.

Kwana biyu rayuwa ta fara canjawa. Duk abubuwan da yake yi yanzu bazai iya ba. Ya siyar da babur ɗin nashi. Ya dawo saka kaya babu guga. Daga ƙarshe ma wayar tashi bata tsira ba ya siyar. Me zai faru?? Kowa ya dinga cewa ai asiri aka yi masa. Ai ƴan baƙin ciki ne s**a sako shi a gaba saboda anga ya fara ci gaba. ASHE?

Case irin wannan gashi nan a kasuwanni birjik.
Wanene yayi masa ASIRI?
Ka riƙe gaskiya a koda yaushe.
Akwai abubuwa dayawa a gaban ka.
Ka rayu cikin aminci.

Ibrahim reco kano

RECO

24/06/2025

24/06/2025

24/06/2025

23/06/2025

23/06/2025

23/06/2025

23/06/2025

22/06/2025

22/06/2025

22/06/2025

22/06/2025

21/06/2025

Address

Website

Alerts

Shortcuts

Share

Category