ETN

28/09/2026

“In Kana Son Rayuwarka Ta Takaita, Ka Fara Shaye-Shaye” — Mujitapa Garba

Mujitapa Garba ya yi magana kan illolin shaye-shaye da yadda suke iya jefa mutum cikin matsaloli tare da lalata rayuwa.

Ya bayyana cewa duk wanda yake son kare rayuwarsa da makomarsa, ya kamata ya nisanci shaye-shaye.

Ku kalli cikakken bidiyon domin jin abin da Mujitapa Garba ya bayyana.

27/09/2026

Dan takarar shugaban kasa na jam’iyyar ADC, Atiku Abubakar, ya bukaci Shugaba Bola Ahmed Tinubu da ya kara mafi ƙarancin albashin ma’aikata na kasa.

A cikin wata sanarwa da Daraktan Sadarwa da Dabarun Yaɗa Manufofin Kwamitin Kamfen na ADC, Phrank Shaibu, ya fitar, Atiku ya ce cire tallafin man fetur da Shugaba Tinubu ya yi ya janyo tashin farashin kayayyaki masu muhimmanci, lamarin da ya jefa ’yan Najeriya da dama cikin mawuyacin hali.

Tsohon mataimakin shugaban kasar ya goyi bayan bukatar ƙungiyoyin ƙwadago na neman ƙarin albashi mai yawa, inda ya zargi gwamnatin Tinubu da jagorantar wani yanayi na matsin tattalin arziki mai tsanani, wanda a cewarsa, ma’aikata na karɓar ƙarin albashi a takarda, amma a zahiri rayuwarsu ta na ƙara yin tsauri.

Ya ce mafi ƙarancin albashin da ake biya a Najeriya a yanzu bazai wadatar da bukatun iyalai ba.

25/09/2026

Mun fi samun karamci a fina-finan kudancin Najeriya fiye da Kannywood

Jarumi a masana’antar Kannywood, Ibrahim Nasir, ya bayyana hakan ne a wata hira da ya yi da tashar RFI, inda ya ce jaruman Kannywood kan fi samun karamci da dama a fina-finan kudancin Najeriya fiye da yadda suke samu a Kannywood.

Ibrahim Nasir ya ƙara da cewa, a wasu fina-finan Kannywood, sai an kammala fim sannan ake fara tunanin abin da za a biya jaruman da s**a taka rawa a cikin fim ɗin.

Ibrahim Nasir- Sarkin Gabas a Cikin Shirin Labarina

24/09/2026

“Duk wanda yake tunanin cewa akwai abin da zai yi ko ya bi wata hanya domin a zalunce ni a canza ni, to tabbas ya yi kuskure” — Dr. Yusuf Kofar Mata

Dr. Yusuf Kofar Mata ya bayyana matsayinsa kan duk wani yunkuri da wasu za su iya yi domin matsa masa lamba ko kuma su sa ya sauya matsayinsa.

Ya ce duk wanda yake tunanin cewa akwai abin da zai yi ko ya bi wata hanya domin a zalunce shi a canza shi, to tabbas ya yi kuskure.

Ku kalli cikakken bidiyon domin jin abin da Dr. Yusuf Kofar Mata ya bayyana.

24/09/2026

24/09/2026

Da Ɗumi Ɗumi

Kotu ta soke tikitin takarar Farfesa Isa Ali Pantami na Gombe a PDP, ta bada umarnin a sake yin zaɓen fidda gwani

Babbar Kotun Tarayya da ke zama a Gombe ta umarci jam’iyyar PDP ta sake gudanar da zaben fidda gwani na takarar gwamnan jihar Gombe.

Mai shari’a Amina Aliyu Mohammed ce ta yanke hukuncin a ranar Alhamis, bayan sauraron ƙarar da Usman Aliyu Garry ya shigar yana ƙalubalantar fitowar Farfesa Isa Ali Pantami a matsayin ɗan takarar jam’iyyar, kamar yadda Jaridar Daily Trust ta ruwaito.

24/09/2026

Ministan Tsaro, Janar Christopher Musa mai ritaya, ya ba da shawarar a samar da horon soja na dole ga yan Najeriya.

Ya ce shigo da yan kasar nan ga irin abubuwan da ake fuskanta a aikin soja zai taimaka wajen sa su fahimci irin sadaukarwar da jami’an tsaro ke yi domin kare kasa.

Janar Musa ya bayyana hakan ne yayin wata tattaunawa da ya yi a shirin African Leadership Podcast, wanda Ken Giami ke gabatarwa.

Ya ce horon soja zai ba fararen hula damar fahimtar irin wahalhalun da sojoji ke fuskanta a aikinsu, ta fuskar jiki da kuma tunani.

Ya kara da cewa, daga cikin wadannan wahalhalu akwai yunwa, gajiya, rashin isasshen barci, da kuma tafiya mai nisa a cikin yanayi mai wahala.

23/09/2026

Tsohon kaftin din kungiyar kwallan kafa ta super eagle William troot ya shiga Addinin Musulunci