Ja'oji Multimedia Concept

Ja'oji Multimedia Concept Contact information, map and directions, contact form, opening hours, services, ratings, photos, videos and announcements from Ja'oji Multimedia Concept, Digital creator, Kano.

Da yardar Allah Wannan shafi zai dinga kawo muku shirye-shirye da suke da alaqa da ilimantarwa, fadakarwa,nishadantarwa tareda wayar da kai a bangarori daban-daban na rayuwar alumma.

04/11/2025

An samu cacar baki a zauren Majalisar Dattawa tsakanin Shugaban Majalisar, Godswill Akpabio, da Mataimakinsa, Sanata Barau Jibrin, kan yadda majalisar za ta mayar da martani ga barazanar tsohon Shugaban Ƙasar Amurka, Donald Trump, wanda ya yi ikirarin cewa za a iya kai harin soja a Najeriya saboda zargin kisan Kiristoci.

Rahotanni sun nuna cewa yayin zaman majalisar a ranar Talata, Sanata Barau Jibrin ya nemi majalisar ta fitar da matsaya mai ƙarfi kan maganganun Trump, yana mai cewa dole ne majalisar ta kare mutuncin ƙasar da gwamnatin Shugaba Bola Ahmed Tinubu.

Sai dai Akpabio ya katse shi, yana mai cewa “batun siyasar ƙasashen waje ba na majalisar ba ne kai tsaye, kuma akwai hanyoyi na diflomasiyya da za a bi.”

Wannan kalmar ta jawo muƙabala mai zafi tsakanin shugabannin biyu, inda Barau ya dage cewa “idan majalisar dattawa ba ta nuna bakin cikinta ba, za a ɗauke mu a matsayin masu rauni a idon duniya.”

A ƙarshe, majalisar ta amince da kafa kwamitin musamman da zai tattauna da Ma’aikatar Harkokin Waje don samar da sanarwar hadin gwiwa, wacce za ta nuna matsayin Najeriya cikin natsuwa da mutunci.

A cewar ƙididdigar Hukumar Kididdigar Ƙasa (NBS) da rahotannin jaridu na ƙasashen gida, waɗannan su ne jihohi bakwai da ...
04/11/2025

A cewar ƙididdigar Hukumar Kididdigar Ƙasa (NBS) da rahotannin jaridu na ƙasashen gida, waɗannan su ne jihohi bakwai da s**a fi sauran jihohi samun Internally Generated Revenue (IGR) a shekarar 2024:

1. Lagos — ₦1.26 trillion. Lagos na kan gaba daga duk jihohin saboda manyan cibiyoyin kasuwanci, tashoshin jiragen ruwa, da masana’antu.

2. Rivers — ₦317.30 billion. Rivers tana samun manyan kuɗaɗe daga harkokin mai, tashoshi da kasuwanci a Port Harcourt.

3. FCT (Abuja) — ₦282.36 billion. Matsayin babban birni yana kawo haraji, harkokin gwamnati da ayyukan kasuwanci masu yawa.

4. Ogun — ₦194.93 billion. Yana amfana daga masana’antu, kusa da Lagos, da ci gaban masana’antu da manyan kamfanoni.

5. Enugu — ₦180.50 billion. Enugu ta nuna gagarumar haɓaka a IGR, sakamakon aikin gwamnati, sabbin hanyoyin tattalin arziki da tarin haraji.

6. Delta — ₦157.79 billion. Yankin mai da ayyukan tashoshi da masana’antu suna taimaka wa samun kuɗaɗe.

7. Edo — ₦91.15 billion. Tare da haɓakar kasuwanci, filaye da haraji, Edo ta kasance a cikin manyan masu samar da IGR.

A cewar sanarwar da fadar shugaban ƙasa ta fitar, Tinubu ya ce halin da cibiyoyin horaswa ke ciki yanzu ba ya dace da ƙa...
04/11/2025

A cewar sanarwar da fadar shugaban ƙasa ta fitar, Tinubu ya ce halin da cibiyoyin horaswa ke ciki yanzu ba ya dace da ƙalubalen tsaro da ƙasar ke fuskanta, don haka gwamnati za ta ɗauki matakan gaggawa na sabunta kayan aiki, gine-gine, da tsarin koyarwa a dukkan cibiyoyin horaswa.

Shugaban ƙasar ya kuma umarci ma’aikatun tsaro su gabatar da cikakken rahoto na bukatun gyara da sabuntawa cikin lokaci mai ƙanƙanta, domin a fara aiwatar da sabon shirin horaswa na zamani nan bada jimawa ba.

Tinubu ya ce wannan mataki yana daga cikin tsarin sake gina harkokin tsaro daga tushe, don tabbatar da cewa jami’an tsaro sun samu horaswa ta zamani da za ta taimaka musu wajen kare rayuka da dukiyoyin ‘yan Najeriya yadda ya kamata.

A yayin ziyarar, ana sa ran Shettima zai jagoranci tawagar Najeriya wajen nema da kulla yarjejeniyoyi kan kasuwancin car...
04/11/2025

A yayin ziyarar, ana sa ran Shettima zai jagoranci tawagar Najeriya wajen nema da kulla yarjejeniyoyi kan kasuwancin carbon (carbon market agreements) da za su iya kai wa kimanin dala biliyan uku ($3bn).

A cewar fadar shugaban ƙasa, wannan yunkuri na daga cikin matakan gwamnatin Tinubu na ƙara samun kudaden shiga ta hanyar kasuwanci da ƙasashe masu ci gaba a fannin kare muhalli, da kuma inganta tattalin arzikin Najeriya ta hanyar amfani da damar da ke cikin sauyin yanayi.

Ana sa ran Shettima zai gana da shugabannin ƙasashe da kamfanonin duniya masu ruwa da tsaki a harkokin kasuwancin carbon, don tattauna hanyoyin da Najeriya za ta ci moriyar kasuwar duniya a wannan fanni.

A cewar wasiƙar da Shugaban Majalisar Dattawa, Godswill Akpabio, ya karanta a zauren majalisar, Shugaba Tinubu ya bayyan...
04/11/2025

A cewar wasiƙar da Shugaban Majalisar Dattawa, Godswill Akpabio, ya karanta a zauren majalisar, Shugaba Tinubu ya bayyana cewa manufar bashin ita ce ƙarfafa aiwatar da manyan ayyukan ci gaba, musamman a fannoni kamar su ginin hanyoyi, samar da wutar lantarki, da habaka masana’antu.

Tinubu ya ce wannan bashi zai kasance ɓangare na tsarin bashi na cikin gida wanda gwamnati ke amfani da shi wajen rufe gibi a kasafin kuɗin shekara ta 2025, tare da tabbatar da cewa ba a dogara sosai da bashi daga ƙasashen waje ba.

A cewar wasiƙar, an tsara bashin ne cikin tsarin da zai tabbatar da dorewar tattalin arziki da kuma kare darajar Naira, ta hanyar rage dogaro da kudaden waje.

Majalisar Dattawa ta karɓi wasiƙar kuma ta tura ta zuwa Kwamitin Kasafin Kuɗi da Tsarin Tattalin Arziki, domin yin nazari kafin a gabatar da rahoto.

Wasu daga cikin sanatoci sun nuna goyon baya ga matakin, suna cewa ya dace a mayar da hankali kan bashin cikin gida maimakon na ƙasashen waje, yayin da wasu kuma s**a nuna damuwa kan yawan bashin da ƙasar ke ɗauka a halin yanzu.

Ƙasar Sin ta bayyana goyon bayanta na gaskiya ga gwamnatin Najeriya a yayin da ake samun ƙarin ɗumamar rikici bayan bara...
04/11/2025

Ƙasar Sin ta bayyana goyon bayanta na gaskiya ga gwamnatin Najeriya a yayin da ake samun ƙarin ɗumamar rikici bayan barazanar kai harin soja da Shugaban Ƙasar Amurka, Donald Trump, ya yi bisa zargin cin zarafin Kiristoci a Najeriya.

A yayin taron manema labarai da aka gudanar a ranar Talata, mai magana da yawun ma’aikatar harkokin wajen ƙasar Sin, Mao Ning, ta bayyana cewa Beijing “na goyon bayan gwamnatin Najeriya ƙwarai da gaske yayin da take jagorantar jama’arta a kan hanyar ci gaba da ta dace da yanayin ƙasarsu.”

Da take amsa tambaya game da kalaman Trump, Mao Ning ta ce, “A matsayinta na abokiyar hulɗa ta dabarun ci gaba, ƙasar Sin tana ƙin amincewa da kowace ƙasa da ke amfani da addini ko kare haƙƙin ɗan adam a matsayin hujja don tsoma baki cikin harkokin wasu ƙasashe, ko kuma yin barazana da takunkumi ko amfani da ƙarfin soja.”

Wannan furuci na Ning ya biyo bayan tambayoyi kan barazanar da Shugaban Ƙasar Amurka, Donald Trump, ya yi kwanan nan na kai harin soja a Najeriya saboda zargin cin zarafin Kiristoci.

A tun ranar Asabar da ta gabata, Trump ya umarci Ma’aikatar Tsaron Amurka (Pentagon) da ta “shirya don ɗaukar mataki” a Najeriya, abin da ya ƙara tayar da hankula tsakanin Washington da Abuja.

04/11/2025

Sanata Natasha ta zargin Shugaban Majalisar Dattawa, Godswill Akpabio, ya ba da umarni ga Babban Kwamandan Hukumar Shige da Fice da a kwace min fasfo a filin jirgi, wanda hakan ya hana ni tafiya.”

Ministan Babban Birnin Tarayya (FCT), Nyesom Wike, ya mayar da martani ga matakin da Shugaban Amurka Donald Trump ya ɗau...
04/11/2025

Ministan Babban Birnin Tarayya (FCT), Nyesom Wike, ya mayar da martani ga matakin da Shugaban Amurka Donald Trump ya ɗauka na sanya Najeriya cikin jerin ƙasashen da ake kira “Countries of Particular Concern”, bisa zargin kisan Kiristoci da ’yan ƙungiyoyin masu tsattsauran ra’ayi na Musulmi ke yi a wasu sassan ƙasar.

Trump, a cikin wani saƙo da ya wallafa a shafinsa na sada zumunta a ƙarshen mako, ya yi barazanar cewa Ma’aikatar Yaƙin Amurka ba za ta yi wata-wata ba wajen kai farmaki a Najeriya da kuma sanya takunkumin tattalin arziƙi idan hare-haren s**a ci gaba.

Da yake magana da yammacin Litinin a cikin shirin Politics Today na Channels TV, Wike ya bayyana wannan zargi na gwamnatin Amurka a matsayin abin dariya, yana mai cewa an kai siyasa mataki da ya wuce misali.

Wike ya ƙara da cewa Najeriya ƙasa ce mai zaman lafiya wadda ’yan addinai daban-daban ke rayuwa tare cikin fahimtar juna, yana mai cewa bai dace shugabannin ƙasashen waje su yi amfani da batun addini wajen haifar da tashin hankali ba.

Farfesa Sani Lawal Ma’unumfashi, ya sanar cewa hukumar za ta gudanar da zaɓen cike gurbi a mazabu biyu na jihar a ranar ...
04/11/2025

Farfesa Sani Lawal Ma’unumfashi, ya sanar cewa hukumar za ta gudanar da zaɓen cike gurbi a mazabu biyu na jihar a ranar Asabar, 13 ga Disamba, 2025.

Farfesa Ma’unumfashi ya bayyana haka ne yayin taron manema labarai da aka gudanar a ofishinsa a ranar Litinin.

Ya ce hukumar ta yanke wannan shawara ne sakamakon rasuwar kansiloli biyu — ɗaya daga Kofar Mazugal Ward da ke cikin karamar hukumar Dala, da ɗaya daga Matan Fada Ward da ke cikin karamar hukumar Garin.

A cewarsa, wannan mataki yana da cikakken tushe a doka, bisa ga Sashe na 30 na Dokar Zaɓe ta 2022, da kuma Sashe na 76(2) da 116(2) na Kundin Tsarin Mulki na 1999 (wanda aka gyara), waɗanda s**a tanadi yin zaɓen cike gurbi idan an samu guraben wakilai.

Biyo bayan rasuwar kansiloli daga mazabun Kofar Mazugal da Matan Fada a cikin Dala da Garin LGAs, kuma bisa ga tanadin doka, hukumar ta wajaba ta gudanar da zaɓen cike gurbi a yankunan da abin ya shafa,” in ji shi.

Ya ƙara da cewa hukumar ta sanar da jama’a da duk masu ruwa da tsaki cewa shirye-shiryen gudanar da zaɓen sun yi nisa domin tabbatar da sahihin zaɓe.

Zaɓen an tsara shi a ranar Asabar, 13 ga Disamba, 2025. Hukumar na mika ta’aziyyarta ga Gwamnatin Jihar Kano da mazauna Dala da Garin bisa wannan rashin mai raɗaɗi da ba za a iya maidowa ba,” in ji Farfesa Ma’unumfashi.

Rundunar ƴan sandan Najeriya ta yi gargaɗi ga ƙungiyoyin IPOB, ESN da Ebube Agu da su guji yin katsalandan a zaɓen gwamn...
03/11/2025

Rundunar ƴan sandan Najeriya ta yi gargaɗi ga ƙungiyoyin IPOB, ESN da Ebube Agu da su guji yin katsalandan a zaɓen gwamna da za a gudanar a Jihar Anambra ranar 6 ga watan Nuwamba.

Kakakin rundunar ƴan sanda ya ce jami’an tsaro za su ɗauki duk matakin da ya dace wajen tabbatar da cewa zaɓen ya gudana cikin lumana da tsari, ba tare da tashin hankali ko tsangwama daga kowace ƙungiya ba.

Ya ƙara da cewa ƴan sanda tare da sauran jami’an tsaro sun ɗauki matakan tsaurara tsaro a duk faɗin jihar domin kare rayuka da dukiyoyi yayin zaɓen.





Wannan na cikin sakamakon taron majalisar zartarwa karo na 33 da aka gudanar a fadar gwamnati, Kano.A cewar Kommishinan ...
03/11/2025

Wannan na cikin sakamakon taron majalisar zartarwa karo na 33 da aka gudanar a fadar gwamnati, Kano.

A cewar Kommishinan yada labarai, Comrade Ibrahim Abdullahi Waiya, manyan sassan da za su amfana da wannan kudade sun haɗa da:

Ilmi: Biliyan 4.93 don gyaran makarantu, biyan masu samar da abinci a makarantun kwana, gina ɗakunan karatu da tabbatar da cancantar kwalejoji.

Lafiya: Miliyan 274 don gyaran Asibitin Janar na Tiga da Asibitin yara na Hasiya Bayero.

Ruwan Sha: Biliyan 3.33 don gina tashar tace ruwa a Rano da biyan bashin mai da lantarki na hukumar ruwa.

Ayyuka da Hanyoyi: Biliyan 9.85 don gyaran hanyoyi, fitilun t**i da ayyukan magance ambaliya a cikin birni.

Wuta da Makamashi: Miliyan 979 don tsarin hasken rana a Gidan Gwamnati da ofisoshin gwamnati.

Haka kuma majalisar ta amince da gina gidaje 50 masu arha a kananan hukumomi 36 da kuma siyan hannayen jari na KEDCO domin tabbatar da isasshen makamashi a jihar.

Majalisar ta kuma taya Gwamna Abba Kabir Yusuf murnar samun kyaututtuka takwas na ƙasa da ƙetare saboda jagoranci nagari da taimakon jama’a.

Waiya ya tabbatar da cewa gwamnatin Kano za ta ci gaba da aiki da gaskiya da kishin al’umma don inganta rayuwar jama’ar jihar.

03/11/2025

Donald Trump’s latest threat to launch military action in Nigeria under the guise of “protecting Christians” is not only reckless — it’s an insult to our sovereignty and intelligence.

Let’s be clear: the United States has never rescued any nation through war. They bombed Afghanistan, Iraq, Libya, and Syria into chaos — all in the name of “freedom.” Nigeria doesn’t need another imperial savior; we need justice, unity, and visionary leadership.

What Trump and his allies will never tell you is that they profit from instability. Every crisis becomes an opportunity for arms sales, exploitation, and control.

Our fight is not between Christians and Muslims — it’s between the oppressed and their oppressors. The real enemies are the corrupt elites who’ve looted this nation dry while selling our destiny to foreign powers.

Nigeria will not be liberated by America; it will be liberated by Nigerians who are ready to stand up, speak truth to power, and reclaim their country.

Address

Kano

Website

Alerts

Be the first to know and let us send you an email when Ja'oji Multimedia Concept posts news and promotions. Your email address will not be used for any other purpose, and you can unsubscribe at any time.

Shortcuts

Share

Category