Manu Usman

12/06/2026

Su wane ayyukan su s**afi yaɗuwa a ɗuniya, da shiga lungu da sako tsakanin

Mawaƙan Hausa,
Kannywood
Marubutan Hausa

12/06/2026

WACE FARIDA MUSA KALLA (FMK) ?

Farida Musa Kallah, wadda aka fi sani da suna FMK ko “FMK Duniya Ce”, fitacciyar ‘yar kasuwa ce daga jihar Kano a Arewacin Najeriya. Ta yi suna sosai a harkar kasuwancin atamfofi, yadudduka, shaddoji da kayan mata, sannan ta zama ɗaya daga cikin mata ‘yan kasuwa da s**a fi shahara a Arewa ta hanyar amfani da kafafen sada zumunta wajen talla da kasuwanci. Ita ce mamallaki kuma shugabar kamfanin FMK Nigerian Ltd da FMK Clothing.

An haifi Farida Musa Kallah ta a unguwar Gwammaja da ke Kano, ta taso cikin tarbiyya da kulawar iyaye. Tun tana ƙarama take da sha’awar neman ilimi da kuma koyon yadda ake dogaro da kai. Ta fara karatun firamare a Special Model Primary School, sannan ta halarci makarantar sakandare ta St. Louis Secondary School kafin daga baya ta kammala a Crescent Secondary School. Bayan ta gama sakandare ta samu gurbin karatu a Bayero University Kano inda ta fara Diploma a Banking and Finance, daga baya kuma ta yi digiri a fannin tattalin arziki wato Economics. Bayan kammala jami’a ta yi bautar ƙasa (NYSC) a Orthopaedic Hospital Dala da ke Kano.

Tun tana jami’a Farida ta fara nuna sha’awar kasuwanci. Ta kan sayar da mayafu da kayan mata ga abokai da ‘yan uwa domin samun ƙarin kuɗi. A cewarta, ba ta fara da jari mai karfi ba, kuma ba ta yi tunanin cewa sana’arta za ta kai matsayin da ta kai a yau ba. Bayan aurenta ne sha’awarta ta kasuwanci ya ƙaru, domin mijinta ɗan kasuwa ne wanda yake ba ta ƙwarin gwiwa wajen shiga harkar sana’a. Ta fara kasuwanci ne daga cikin gidanta inda take sayar da kayan mata kaɗan-kaɗan. Duk da ƙalubalen da ta fuskanta na rashin biyan kuɗi daga wasu kwastomomi da kuma wahalhalun fara sana’a, ta ci gaba da jajircewa har sana’arta ta fara bunƙasa.

A shekarar 2010 rayuwarta ta fara sauyawa sosai. Mahaifiyarta ta ba ta kuɗi kimanin naira dubu ɗari shida domin ta sayi mota. Sai dai mijinta ya ba ta shawarar kada ta sayi mota, maimakon haka ta saka kuɗin cikin kasuwanci. Farida ta karɓi wannan shawara da hannu biyu, sannan ta yi amfani da kuɗin wajen ƙara jari da faɗaɗa sana’arta. Wannan mataki ne da ya zama tushen babban ci gaban da ta samu daga baya. Ta fara daga falon gidanta, daga baya ta koma gareji saboda kayan sun yi yawa, sannan ta samu ƙaramin shago a kasuwa. Daga wannan mataki sana’arta ta ci gaba da bunƙasa har ta mallaki manyan shaguna da dama tare da ma’aikata masu yawa.

Abin da ya fi fito da FMK fili shi ne yadda ta yi amfani da Instagram da sauran kafafen sada zumunta wajen talla. A lokacin da mata da yawa ba sa iya fitowa a bidiyo suna tallata hajojinsu, Farida Musa Kallah ta fara bayyana kanta kai tsaye tana nuna kaya tare da bayanin ingancinsu. Wannan ya sa mutane s**a fara saninta cikin sauri, kuma sunanta ya bazu a Kano da sauran jihohin Arewa. Salon tallan nata ya zama abin koyi ga sauran ‘yan kasuwa mata, inda da yawa daga baya s**a fara amfani da irin wannan hanya wajen tallata hajojinsu.

Farida Musa Kallah ta samu nasarori masu yawa a harkar kasuwanci. Rahotanni sun nuna cewa ta zama ɗaya daga cikin mata na farko da s**a kafa manyan shagunan kasuwanci a Kasuwar Kantin Kwari a Kano, kasuwar da aka fi sani da maza. Wannan nasara ta sa mutane da yawa suke kallonta a matsayin abin koyi ga matan Hausawa masu son dogaro da kai ta hanyar sana’a. Ta kuma taimaka wajen nuna cewa mace za ta iya gudanar da babban kasuwanci cikin nasara idan ta kasance mai haƙuri da jajircewa.

Baya ga kasuwanci, FMK tana yawan ƙarfafa mata da matasa su rungumi sana’a. Ta bayyana a hirarraki daban-daban cewa sana’a tana taimaka wa mace wajen taimakon kanta da iyalinta, sannan tana rage zaman kashe wando ga matasa. Har ila yau tana ganin cewa iyaye su koya wa ‘ya’yansu sana’a tun suna yara domin su saba da neman na kai tun da wuri. Ta yi imanin cewa dogaro da kai yana daga cikin manyan hanyoyin samun ci gaba a rayuwa.

Sannan wajen taimakon marasa karfi ba abarta a baya ba, ko a wannan lokaci ta ware zunzurutun kuɗi sama da milliyan 300 ɗan taimakawa mata da jarin da zasu iya dogara da kan su.

A yau, Farida Musa Kallah tana daga cikin fitattun matan ‘yan kasuwa a Arewacin Najeriya. Sunanta ya zama sananne musamman a tsakanin mata masu sha’awar kasuwanci. Ta zama abin koyi ga dubban mata da matasa masu son fara sana’a daga ƙaramin jari zuwa babban matsayi.

Wane fata zaku iya mata?

Manu Fagge

26/04/2026

Sara Abdallah of Dubai.

25/04/2026

Yarinya kije a karya miki hanci.

25/04/2026

Allah ya kyauta, ya karemu.

25/04/2026

LADIDIN BABA.

25/04/2026

Mai Raga

25/04/2026

25/04/2026

Najeriya na daga cikin ƙasashen da Allah ya albarkace su da dimbin ma’adanan ƙasa, waɗanda suke taka muhimmiyar rawa wajen tattalin arziki, masana’antu, da ci gaban ƙasa gaba ɗaya. Wadannan ma’adanan suna yaduwa a kusan dukkan jihohin ƙasar, kuma suna da matuƙar amfani idan aka sarrafa su yadda ya kamata.

Na farko akwai man fetur (oil) da iskar gas (natural gas), waɗanda su ne ginshiƙin tattalin arzikin Najeriya. Ana samun su musamman a yankin Niger Delta kamar jihohin Rivers, Delta, da Bayelsa. Man fetur ne ke kawo mafi yawan kuɗin shiga na ƙasar ta hanyar fitar da shi zuwa ƙasashen waje.

Bayan haka akwai ma’adinan ƙarfe (iron ore), wanda ake samu a wurare kamar Kogi (Ajaokuta). Wannan ma’adani yana da muhimmanci wajen sarrafa ƙarfe don gina gine-gine da kayayyakin masana’antu.

Haka kuma akwai zinariya (gold), wanda ake samu a jihohi kamar Zamfara, Kebbi, da Osun. Zinariya na daga cikin ma’adanan da suke da daraja sosai a duniya, kuma tana iya zama wata babbar hanyar samun kuɗaɗen shiga idan aka inganta hakar ta.

Najeriya tana kuma da kwal (coal), musamman a Enugu. A da can, kwal yana daga cikin manyan hanyoyin samar da makamashi kafin gano man fetur. Har yanzu yana da amfani wajen samar da wutar lantarki da kuma masana’antu.

Akwai kuma limestone (dutsen siminti), wanda ake samu a jihohi kamar Ogun, Edo, da Gombe. Wannan ma’adani yana da matuƙar muhimmanci wajen samar da siminti don gina gidaje da hanyoyi.

Sauran ma’adanan sun haɗa da tin (karfen gwangwani) da columbite a Jos Plateau, gypsum, kaolin, marble, da bitumen (man kwalta) a Ondo. Wadannan duka suna da amfani wajen masana’antu daban-daban kamar gini, sinadarai, da sarrafa kayayyaki.

Duk da wadannan albarkatu, Najeriya na fuskantar ƙalubale wajen sarrafa su yadda ya kamata, kamar rashin isasshen fasaha, matsalolin tsaro, da kuma rashin tsari mai kyau. Idan aka magance waɗannan matsaloli, ma’adanan ƙasar za su iya zama babbar hanyar bunƙasa tattalin arziki fiye da yadda ake yi yanzu.

25/04/2026

Allah muntuba