02/06/2026
INEC Ta Fara Bincike Kan Zargin Fitar da Bayanai daga Kundin Masu Kada Kuri’a
Hukumar Zabe Mai Zaman Kanta ta Kasa (INEC) ta ce ta fara gudanar da bincike kan zargin samun bayanan masu kada kuri’a daga kundinta ba tare da izini ba, bayan wata takaddama da ta taso a shafukan sada zumunta.
Takaddamar ta biyo bayan wani sako da Lere Olayinka mai magana da yawun Ministan Abuja, Nyesom Wike ya wallafa inda ya bayyana wasu bayanai da s**a shafi canja wurin rijistar zabe ta wani dan siyasa yayi. Lamarin ya janyo cece-kuce, inda mutane da dama s**a nuna damuwa kan yadda aka samu bayanan.
A wata sanarwa, INEC ta ce ta ɗauki lamarin da muhimmanci, kuma ta fara cikakken bincike domin gano gaskiyar abin da ya faru.
Hukumar ta kara da cewa binciken farko ya nuna wanda ake zargi bai samu bayanan kai tsaye daga kundin INEC ba, sai dai ta yi alkawarin daukar matakin da ya dace bayan kammala binciken.
