30/12/2025
Shugaban Gidauniyar Shehu Dabai Hon. Shehu Dabai Ya Cika Alƙawari Ta Hanyar Mika Makullin Sabuwar Mota Ga Fitaccen Mawakin Gwamna Dikko Radda, Dan Soja
Shugaban Shehu Dabai Foundation, Hon. Shehu Dabai, ta hannun wakilan sa ya mika makullin sabuwar mota ga fitaccen mawakin Gwamna Katsina, Malam Dikko Umaru Radda, wato Dan Soja, a kofar gidan Alhaji Surajo Mai Asharalle, Kofar Kaura, cikin garin Katsina.
An dai mika wannan mota ne domin nuna yabo da girmamawa ga wakokin da Dan Soja ke yi domin tallafawa manufar Gwamna Dikko Radda da jam’iyyar APC a Katsina.
Idan ba a manta ba, a ranar 12 ga Disamba, 2025 lokacin da Gwamna Radda ya kai ziyarar aiki tare da kaddamar da aikin samar da wutar lantarki a karamar hukumar Danja, Hon. Shehu Dabai—wanda shi ne Darakta Janar na Gidauniyar Jin Kai da Tallafawa Al’umma ta Shehu Dabai Foundation—ya bayyana kyautar sabuwar motar ga Dan Soja a matsayin yabo kan rawar gani da yake taka wa.
Hon. Dabai ya ce wannan taimako “na daga cikin muhimmiyar gudummawar da gidauniyar ke bayarwa domin cigaban jam’iyya da kuma goyon bayan ayyukan Maigirma Gwamna Malam Dikko Radda.”
Ya tabbatar da cewa za su ci gaba da aiwatar da makamantan ayyukan jin kai matukar suna taimakawa ci gaban jihar.
Credit:
DAN SOJA AUTAN RARARA
MEDIA TEAM
Disemba 26/12/2025
