17/05/2026
Hukumar tace fina-finan Kano ta dakatar da jaruman Kannywood guda biyu — Adam Garba (Raba-gardama) da Amina Uba Hassan (Jamila ta Labarina) — daga gudanar da harkar fim a Kano na tsawon shekara guda.
Hukumar ta ce ta ɗauki matakin ne bayan wani bidiyo da ake zargin ya saɓa wa tarbiya kuma ya janyo ce-ce-ku-ce a tsakanin al’umma.
Ta kuma gargadi daraktoci da masu shirya fina-finai da su mutunta umarnin dakatarwar.
A nasa ɓangaren, Adam Garba ya nuna damuwa kan matakin, yana cewa ya kamata an fara tuntuɓarsu domin jin bayanin abin da ya faru.
