18/09/2025
Kuskuren Da Wasu Iyaye Mata Keyi Akan Tarbiyyar 'Ya'yansu
Uwa itace makaranta ta farko a rayuwar yaron, kasancewar iyaye Maza basu cika zama gida ba sai zamana tarbiyar yaya iyaye mata ke kula dashi. Wasu daga cikin kuskuren da ake yi a gida suna barin mummunan tasiri a rayuwar yara har zuwa girman su. Ga wasu daga cikin su:
1. Yawan Zagi da La’antar Yaro:
Iyayen mu na Hausawa sun kware a Zagi, zagi ba tarbiyya ba ce. Kalmar da uwa ke furtawa kan ɗanta tana iya zama addu’a ko la’ana. Idan kika saba cewa "kai maras amfani ne" to ki sani wannan kalmar Kai tsaye take zuwa zuciyarsa.
2. Bambanta Soyayya Tsakanin 'Ya'ya:
Yin fifiko tsakanin yara na janyo kiyayya, kaskanci, da rashin gaskiya. Yaro zai iya zama mai kishi ko ma ya fara ɗaukar hanyar da bata dace ba domin ya jawo kulawar ki a gareshi.
3. Rashin Jin Damuwar Yaro:
Yaro yana da damuwa. Idan uwa bata ware wasu lokutan sauraren yaro ba, hakan na sa suje neman shwara daga waje, wanda kan iya jefa su cikin hatsari.
4. Kadaici da Rashin Kyakkyawar Mu'amala:
Wasu uwayen suna barin yaransu ga telabiji, wayar salula ko masu aikin gida. Rashin kusanci tsakanin uwa da yaro na hana samun tarbiyya mai kyau.
5. Koya Musu Tsoro maimakon Soyayya:
Tarbiyya ta gaskiya ita ce tsoron Allah da fahimta, ba firgita yaro har ya kasa gaya miki damuwarsa ba.
Shawara ga iyaye mata:
-Ki yawai ta addu’a akansu fiye da dura musu ashar.
-Ki zama uwar da za a iya tattaunawa da ita.– Ki dinga bayyana soyayyar ki da kulawa a garesu.
-Kada ki bari su koyo wani abu daga waje Wanda ba ke kika koya musu ba.
Uwa tana iya gina alumma ta hanyar tarbiyyantar danta ta hanya Mai kayu. Matakin da kika dauka yau, itace zata Gina rayuwarsu ko kuma rusa ta🤲
Gobenmu media
