Jibwis Social Media Makurdi

15/04/2025

01/04/2025

Kwangilar Dan Bello ta rusa Mutuncin Malamai, ya faro ba'a daidai ba.

Na kalli bidiyo tareda yin nazari Wanda wani mai ikirarin binciken kwakwaf, Dan Bello, ya wallafa, wanda ya samu tarun mabiya da yawa ta hanyar yin zarge-zarge masu tada hankali akan shahararrun mutane. A sabuwar maganarsa, wacce ya sake a video, ya yi niyyar batanci da cin mutunci ga Sheikh Bala Lau.

Daya daga cikin abubuwan da s**a fi daukar hankali a gabatarwar Dan Bello shi ne nuna abin da ya ce shi ne bayanan Bank Verification Number (BVN) na Sheikh Bala Lau. Ko da yake wasu sassan sun kasance a boye, yin wannan aiki da kuma yada irin wannan bayani yana haifar da babbar matsala ta doka da kuma al’amuran tsaro. Bisa ka’idojin da Babban Bankin Najeriya (CBN) ya kafa, ko da jami’an tsaro ne, dole sai sun sami umarnin kotu kafin su iya samun bayanan BVN na wani mutum. Wannan yana nuna girman matsalar da kuma yiwuwar keta sirrin hada hadar kudi na wani.

2. Bisa ga ka’idojin da Babban Bankin Najeriya (CBN) ya kafa, samu ko nuna bayanan BVN ba tare da izini ba yana karya dokokin sirrin hada hadar kudade kai tsaye. Bayyana BVN da ake zargin na Sheikh Bala Lau ne, wanda aka samo daga Nigeria Inter-Bank Settlement System (NIBSS), ba daidai bane Kuma ya Sabawa doka, har ma yana sabawa dokokin da CBN ta kafa dangane da amfani da BVN.

3. Dan Bello ya yi ikirarin yayi hadin gwiwa da WikkiTimes. Domin bincikowa da kuma bayyana abunda ya fada a video, abunda ya k**ata a Gane shine mai wallafar WikkiTimes an gurfanar da shi a kotu a shekarar 2023 bisa zargin bata sunan Gwamnan Jihar Bauchi, kuma an tsare shi a gidan yari saboda hakan tare da kasa bayyana hujjoji akan abunda yayi ikirari. (https://dailytrust.com/court-remands-wikki-times-publisher-forblackmailing-bauchi-gov/)

Wannan shine dalilin da yasa muka samu wahalar yarda da cewa wannan hadin gwiwa an yita ne bisa gaskiya. A maimakon haka, yana bayyana a matsayin wata dabarar da aka shirya don bata sunan JIBWIS da Sheikh Bala Lau.

4. Dangane da gina ajujuwa ta M&A Integrated Services Limited, Dan Bello ya kasa gabatar da wata shaida mai inganci da ke nuna wata alaka tsakanin kamfanin, JIBWIS, ko Sheikh Bala Lau. Bisa abunda ya bayyana karara ma, a cikin wannan takardar kwangilar Daya nuna Kuma aka ambaci Izala, an kuma ambaci Darika sau biyu amma Dan Bello ya yi watsi da hakan da gangan, yana gabatar da labari mai bangaranci. *Ga cikakken bayanin kwangilar:*

Tambaya mai muhimmanci ita ce: Shin Darika tana karkashin JIBWIS ko Sheikh Bala Lau ne? Amsa a fili ita ce a’a.

5. Dan Bello bai iya kafa wata alaka tsakanin M&A Integrated Services Limited da JIBWIS ko Sheikh Bala Lau ba ta hanyar hada-hadar kudi, kasancewa a kwamitin gudanarwa, ko kowace irin dangantaka. Bugu da kari, ya yi watsi da gaskiyar cewa makarantar Central Primary School Darika ta kasance a lamba ta 3/4 a cikin kwangilar gina ajujuwa. Maimakon haka, ya yi amfani da sunan Izala da gangan domin ya karkatar da hankalin jama’a, yana kokarin kirkirar wata karya.

6. Dangane da zargin asusun banki 30 da yace Sheikh Bala Lau Yana dasu, idan aka duba lissafin da Dan Bello ya wallafa, za a ga cewa yawancin wadannan asusun na kungiyoyi ne, ba na Sheikh Bala Lau ba. Misali, su ne asusun JIBWIS a bankuna daban-daban, inda Sheikh Bala Lau yake a matsayin mamba na kwamitin gudanarwa. Baya ga haka, wasu daga cikin asusun an rufe su wasu kuma basa aiki, wanda ke kara raunana ikirarin Dan Bello na cewa an aikata wani laifi na kudi.

Sannan ya kawo wani ikirari cewa M&A Integrated Services Limited bata aiwatar da kwangilar ba kuma ya bayar da wani hoto da yake nuna proposed fortune University a matsayin shaida.

Tambaya mai mahimmanci anan ita ce: Shin an ambaci sunan proposed Fortune University da ke Masallacin Idi, Jos, a cikin kwangilar? Idan a’a, to wannan ikirari bashi da tushe.

Dukkan wadannan abubuwa sun nuna wani salo na gaggawa da nufin bata suna ga JIBWIS da Sheikh Bala Lau. Ba za a lamunta da irin wadannan hare-haren, karerayin, kazafi da shaci fadi da ba su da tushe ba.

Aikin jarida da binciken kwakwaf ya k**ata su zama hanyoyi na bayyana gaskiya da rikon amana, ba kayan aikin bata suna da cin mutunci ba.

*Tambayoyi ga Dan Bello:*

I. Ka nuna abin da kake ikirarin BVN na Sheikh Bala Lau ne. Shin kana sane cewa samu da kuma wallafa irin wadannan bayanai na kudi ba tare da izini ba ya sabawa dokokin CBN kai tsaye?

II. Tun da ko jami’an tsaro sai sun sami umarnin kotu kafin su iya samun bayanan BVN, ta yaya ka samu kuma ka wallafa wannan bayani ba tare da karya doka ba?

III. Kana ikirarin hadin gwiwa da WikkiTimes, amma mai wallafa WikkiTimes an kai shi kotu kuma an daure shi bisa zargin bata suna ga Gwamnan Bauchi. Tunda haka ne, me yasa jama’a za su yarda da wannan hadin gwiwa na ka na gaskiya ne maimakon ci gaba da bata suna?

IV. Ka yi kokarin danganta M&A Integrated Services Limited da JIBWIS da Sheikh Bala Lau amma ba ka bayar da wata takarda da ke tabbatar da dangantakar su ta hanyar hada-hadar kudi, kasancewa a kwamitin gudanarwa, ko wata alaka kai tsaye ba. Za ka iya gabatar da wata hujja daya da ke tabbatar da hakan?

V. Idan bincikenka yana da inganci da gaskiya, me yasa ka zabi nuna Izala kawai amma ka yi watsi da gaskiyar cewa an ambaci Darika sau biyu a cikin takardar kwangilar? Ashe wannan ba nuna son kai bane?

VI. Kana ikirarin cewa proposed Fortune University da ke Masallacin Idi, Jos yana da alaka da JIBWIS ko Sheikh Bala Lau. Amma wannan sunan yana cikin kwangilar kuwa sannan Yana kasan Sheikh Bala Lau kuwa? Idan a’a, ashe wannan ba hujja ba ce ta rashin gaskiya?

VII. Ikirarin ka cewa Sheikh Bala Lau yana da asusun banki 30 yana nuna son rikita jama’a ne. Bayan duba lissafin da ka wallafa, yawancin wadannan asusun kodai na JIBWIS ne ko Kuma na wata kungiya, ba nasa ba. Wasu ma an rufe su ko basu aiki. Me yasa ka boye wadannan abubuwa don yaudarar jama’a?

VIII. Shin ka yi gaskiya wajen gabatar da asusun kungiya a matsayin na mutum domin kirkirar labarin zargin aikata laifi na kudi?

IX. Binciken kwakwaf ya k**ata ya bayyana gaskiya, ba yaudara da bata suna ba. Me yasa ka dogara da labarai masu son kai, kin ambaton muhimmancin bayanai, da karkatar da gaskiya don cimma manufarka?

X. Bayan duk wadannan rashin daidaito a cikin ikirarinka, har yanzu za ka iya cewa bincikenka an yi shi ne bisa gaskiya, ko kuwa yana da wata manufa ta musamman don bata suna ga JIBWIS da Sheikh Bala Lau?

Ibrahim Baba Suleiman
National Director JIBWIS Social Media

14/02/2025

*SANARWA! SANARWA!! SANARWA!!!*

*First Aid Group Of JIBWIS Benue State Directorate.*

Assalamu alaikum warahmatullah.

A madadin Daraktan Agaji na Jahar Benue , Alhaji Umar Uba Nepa, muna farin cikin sanarwa tare da gayyatar yan uwa da abokan arziki zuwa wajan daurin Auren 'yar Sa

Wanda za'a yi k**ar yadda za a ga ni a wannan katin gayyatar

Ayi addu'a idan ba a samu damar halarta ba.

Allah Ya bada ikon halarta Amin.

Sanarwa:
Ibrahim .S. Ibrahim Asst. State Publicity Secretary

Amadadin:
Aliyu A Bashir
Dipt.State Operation Officer
*(JIBWIS Social Media Benue State)*

05/02/2025

Taya Murna.

A madadin kungiyar *JIBWIS* ta Jihar Benue, Shugaban ta na Jiha *Alh Musa Abdullahi plato*, na taya Sheikh *Dr. Ibrahim Rijiyar lemo* murnar Karin samun matsayin karatunsa na zuwa matsayin Associate Professor wadda Jam'iar Bayero University Kano s**a tabbatar mashi.

Muna Addu'ar Allah SWT ya sanya Albarka , yakuma taimakeshi wajen yiwa Addini Hidima Amin.

Jibwis Benue
Social Media Directorate.

22/01/2025

Duk sanda shugaban JIBWIS Sheikh Abdullahi Bala Lau yayi magana ko ya bada umurni da ƴaƴan kungiyar yake, amma a hakan zakaga ƴan bidi'a da ƴan shi'a da waɗanda ake ɗaukan nauyinsu zasu yi ta soƙi burutsu suna ƙoƙarin cin mutuncin Malaman mu.

Mu ƴaƴan wannan kungiya ta Izala mun gamsu da salon shugabancin Sheikh Abdullahi Bala Lau da Yan tawagarsa. Su kuma masu ɗauko kwangila da sunan shafawa wannan ƙungiya kashin kaji sun daɗe basu yi ba.

Muna biyayya ga shugabancin shugabannin wannan ƙungiya ɗari bisa ɗari matuƙar bai saɓawa Al-ƙur'ani da sunna ba.

FORWARD EVER! BACKWARD NEVER!!

18/01/2025

Live

15/01/2025

13/01/2025

CIBIYAR ABDULLAHI IBNU SALAAM TA DA'AWAH DA FADAKARWA

KARKASHIN JAGORANCIN IMAAM AHLIS-SUNNAH, SHAIKH ABDULWAHHAAB, KANO

TARE DA HADIN GWIWAR KWAMITIN DA'WAH TA JIBWIS, MAKURDI

SUNA FARIN CIKIN GAYYTAR AL-UMAR MUSULMAI WAJEN GABATAR DA KARATUTTUKA A BISA TSARE-TSARE KAMAR HAKA:-

MUHAADARAAT:

1. SHKH, ANAS MUHAMMAD FAGGE,
(MAUDU'I: "WALAA TUFSIDUU FIL-ARDI BA'DA IS'LAAHIHAA"...)

2. SHKH, HARUN MUH'D RABI'U MISKIN,
(MAUDU'I: "BINAA'UL US'RAH FIL-MUJ'TAMA' "")

3. SHKH, MUH'D SALIS AL-MISRI,
(MAUDU'I: "QUU ANFUSAKUM WA AHLIIKUM NAARAA")

4. SHKH, ANAS MUHAMMAD FAGGE,
(MAUDU'I: "MATAKAN ZAMAN LAFIYA A MUSULUNCI"...)

SAMINAR LIMAMAI:

1. SHKH, MUSA MUH'D DANKWANO,
(MAUDU'I: "ZAADUD-DAA'IAH")

2. SHKH, ANAS MUHAMMAD FAGGE,
("WA LAA TANAAZA'UU FA TAF'SHALUU")

3. SHKH, MUH'D SALIS AL-MISRI,
(MAUDU'I: "ILLOLIN ZUBAR DA JINI A CIKIN AL-UMMAH")

KARATUN MATA:

1. SHKH, MUSA MUH'D DANKWANO,
(MAUDU'I: "AL-UMMU MAD'RASAH")

GANAWA DA SABBIN MUSULUNTA:

ZAMA DA KWAMITIN DA'AWAH:

DA SAURAN AIKACE-AIKACE MASU MUHIMMANCI

31/12/2024

Sanarwa: waɗannan hotuna da rubutun da ake yaɗawa harda hoton shugaban mu Sheikh Imam Abdullahi Bala Lau bamu san da shi ba, kuma babu wata magana mai k**a da wannan tsakanin masu gayyata ko yaɗawa da shugaba Bala Lau, wasu waɗanda basa so a zauna lafiya ne suke yaɗawa, aikin Malaman mu na Ahlussunnah shine wa’azi da karantarwa, tare da ƙoƙarin koyi da karantarwar Annabi Muhammad tsira da aminci su tabbata a gare shi. Dan haka duk wanda yaga ire-iren waɗannan hotuna ya sani ba da sanin Malaman mu akayi ba, kuma ayi watsi da hakan.

Jibwis Nigeria 🇳🇬