28/09/2025
BABU BUKATAR SAI AN YI KARYA DON NUNA MATSAYIN MANZON ALLAH (SAW)
Abinda yake tabbatacce a sirar Annabi (SAW) k**ar yadda yake sananne ga ƴan fannin, shi ne yawancin labaran da ake bayarwa game da haihuwar Manzon Allah (SAW) ba su tabbata ba, k**a daga kan wasu labaran yanayin da yake cikin mahaifiyarsa, da kuma yanayin da ya kasance sanda aka haife shi, da kuma batun cewa an haife shi da kaciya wanda dukkannin hadisan da s**a zo a wannan bigiren, irin hadisan su Abbas da Ibnu Abbas da Ibnu Umar da Anas da sauransu, akwai maƙaryata a cikin isnadansu ko kuma waɗanda ake tuhumar su da ƙarya. Haka bayanin cewa Mala’ika Jibril ne ya yi masa kaciyar shi ma yana da rauni k**ar yadda Zahabi da Ibnu Kasir s**a ambata, batun cewa a daren haihuwarsa aljanu sun dinga kiran sunansa, gumaka sun kife, wutar majusawa ta mutu, fadar Kisira ta girgiza… da sauran su shi ma duk bai inganta ba k**ar yadda Zahabi ya tabbatar.
Abin la'akari shi ne yawancin labaran da aka daɗe ana ba wa mutane musamman a bukukuwan Maulidi da zimmar dasa wa mutane girman Annabi (SAW) ba su da inganci wasu ma ba su da asali, kuma bayyana hakan ba shi da alaƙa da ƙin Annabi (SAW) hasalima wannan ɗaya ne daga cikin hanyoyin nuna ƙauna ga Annabin (SAW) ta hanyar kore masa ƙarerayi da labaran da ba su inganta ba.
A tarihin Manzon Allah (SAW) akwai ingantattun labarai da yawa na mu'ujizozinsa wanda za a iya wadatuwa da su, kuma ga wanda ya san asalin tarihin Annabin (SAW) da haƙiƙanin Musuluncin da ya zo da shi, zai san cewa ko ba a faɗa masa cewa wani abun mamaki ya faru da Annabi (SAW) ba zai sa ya ji wani abu ba, domin rayuwarsa da saƙon da ya zo da shi sun ishe shi mu'ujiza, wanda hatta waɗanda ba musulmai ba sun shaida wannan. Don haka tarihin Annabi (SAW) da rayuwarsa a fili yake ya kuma wadatar wajen tabbatar da matsayinsa da darajarsa (SAW) ba tare da bukatar labarai da ƙissoshi marasa tushe ba.
