01/10/2024
I carry small advice come this new week, e fit no change your life overnight ooh, but if you dey apply am steady steady, trust me, something good go happen.
1. As economy dey now, find wetin dey ginger you, that problem people dey complain about fit be wetin you go solve use become wealthy.
2. No come dey relax o! no dey stay your comfort zone. You see this week, always push yourself to improve and practice that small skill every day.
3. Build better relationships with great people wey dey your phone contact, try dey reach out to 10 people everyday and find how you fit bring value to them. Dey reach out to people wey go support your growth and no follow people wey no get your time.
4. Try dey happy and take care of your body and mind, because every season get expiry date and you need to dey alive when e go expire. No let stress scatter you. You gats to dey at your best level.
5. Life no go always sweet, but if you look well, you go still see sweet things around anything wey bad. You just need to get strong mind, and find ways to bounce back.
6. And last last, no forget to give back. Try dey help others grow too, na there true fulfillment dey. As you don read, Oya share am make others follow you read.
Nah me still be the Billionaire Mechanic and I dey pray make your life change for good.
