Wazobia FM 94.1 PH

Wazobia FM 94.1 PH Wazobia FM Port-Harcourt na Pidgin Radio Station wey dey do things di Nigerian way, Live from di garden city. www.wazobiafm.com

The official page for Wazobia FM Port-Harcourt, Your Chook Mouth station in the Garden City

with MrsLjay📌 F1 in Nigeria dey trend : Dis na sake of sai, Nigeria don join pipo wey go host di Formula 1 Motorsport ...
24/07/2025

with MrsLjay

📌 F1 in Nigeria dey trend : Dis na sake of sai, Nigeria don join pipo wey go host di Formula 1 Motorsport with Opus Racing Promotions for inside Abuja.

📌 Amaechi dey trend : Dis na sake of sai, di foma Rivers Govoo wey be oga Chibuike Amaechi yarn sai, Tinubu no go make dem happy but ADC go make dem happy.

📌 Monday D7” dey trend : Dis na sake of sai naija pipo for X dey yab di Edo State Govoo unto him waec result wey dey fly everywhere for di online.

📌 Portable dey trend : Dis na sake of sai, Verdarkman and Portable dey drag dem self for di online.


Port Harcourt big man wey dem dey call Ikechi Maduba, wey pipo sabi as Ceemore, don settle private mata with di five wom...
24/07/2025

Port Harcourt big man wey dem dey call Ikechi Maduba, wey pipo sabi as Ceemore, don settle private mata with di five women wey tok sai e beat dem for nightclub for di city.

Di women; Innocent Stellaman, Juliet Obasi, Jennifer Chidiebere, Anthonia Okoye, and Onuoha Oluomachi bin report di mata afta kasala blow for social media. But when di case reach court, their lawyer, Cyrus Onu, tell di Magistrate sai Ceemore don beg and also offer money to settle, and di women gree.

Afta that one, di women carry affidavit come withdraw di case, and Magistrate Buzuge Kobani come cancel di mata for court. Di women lawyer still yarn with our tori person about how everything take happen.

Former Govoo of Rivers State, Chibuike Amaechi, don tell members of Africa Democratic Congress (ADC) for di state make d...
23/07/2025

Former Govoo of Rivers State, Chibuike Amaechi, don tell members of Africa Democratic Congress (ADC) for di state make dem stand gidigba against people wey dey use election result do business.

Amaechi tok dis one today for Port Harcourt International Airport, Omagwa, as eim land from Abuja. Eim tok sai some politicians for Rivers State don already get bad name as people wey dey write election result by themselves.

Eim still promise sai anybody wey win di party presidential primary through clear and honest process go get im full support.

Di former Minister of Transportation still hold meeting with ADC leaders for di state inside di party secretariat.

with MrsLjayHouse of rep don approve di 1.485trn for di Rivers state spending money plan alias Budget, over di 800bill...
23/07/2025

with MrsLjay

House of rep don approve di 1.485trn for di Rivers state spending money plan alias Budget, over di 800billion naira budget wey di suspended Govoo been bring for January.

📌 Wetin be di tins wey you think sai di goment need to put eye for well well inside dis budget?



with MrsLjay📌 National Assembly dey trend: Dis na sake of sai, security Pipo been no gree allow Senator Natasha enta ...
23/07/2025

with MrsLjay

📌 National Assembly dey trend: Dis na sake of sai, security Pipo been no gree allow Senator Natasha enta inside di National Assembly Complex afta court don tellam to go resume work.

📌 Atiku dey trend: Dis na sake of sai, di foma vice presido wey be Oga Atiku Abubakar don yarn sai , anibodi wey worry Oga Peter Obi, dey worry all of dem.

📌 Peter Obi or Nothing dey trend: Dis na sake of sai Naija people don dey tok sai, if ADC wan win di 2027 presidential election, dem must make Oga Peter Obi di Presidential Candidate.

📌 RIP Ifeanyi dey trend : Dis na sake of sai, Davido been pay tribute to eim late pikin wey be sai kpai for swimming pool.


Di family of di student wey dey go Ignatius Ajuru University of Education wey dem kpai last Saturday dey beg police make...
23/07/2025

Di family of di student wey dey go Ignatius Ajuru University of Education wey dem kpai last Saturday dey beg police make dem do correct investigation on top di mata wey lead to eim death.

Di late Julius Okpor, wey be 300-level student, na last Saturday dem shoot am. Eim elder broda, Ambrose, wey yarn with our tori person, tok sai all di tok wey dey link eim broda to cultism na lie. He say Julius no be cultist at all.

Ambrose tok sai na on July 19th eim get call from Julius friend wey tell am sai dem don shoot Julius and sai e dey lie down for street dey struggle with life. Eim tok sai before eim reach di place with police, Julius don already die. Ambrose tok sai di family no go rest until di people wey kpai Julius Okpor pay for wetin dem do.


with OC NIGGIDISCUSSION: This na time for you to hear all the story dem wey gather muscle wella for different newspape...
23/07/2025

with OC NIGGI

DISCUSSION: This na time for you to hear all the story dem wey gather muscle wella for different newspapers for we country as you go get opportunity to chook mouth put for the one wey bite you wella for belle. We go dey collobi these tory them from PUNCH, VANGUARD, DAILY TIMES and GUARDIAN Newspapers.

2027: I dey open to any arrangement wey go secure Nigeria – Sule Lamido.

NNPCL don list achievements as Ojulari clock 100 days for office.

Another Osun PDP Rep don resign from di party.

Make Obi Stop Political activities, Wike dey defend Okpebholo.

People wey no get human feeling, wey dey around Tinubu, Things no dey okay – Adamu Garba

Senate don agree with Tinubu $21bn foreign loans.

Which one bite you pass for belle?

with Kate OganRetired police officers waka enter streets for different parts of di country yesterday to protest say di...
23/07/2025

with Kate Ogan

Retired police officers waka enter streets for different parts of di country yesterday to protest say di pension wey dem dey collect no reach anything and their welfare dey very poor.

No be only Abuja di protest happen. E also shelle for Edo, Plateau, Kwara, Taraba, and Cross River states, plus other places.
For di gate of National Assembly, di retired officers sing unity songs and shout make dem comot police from di Contributory Pension Scheme (CPS).
Dem talk say how person go serve Nigerian Police Force for 35 years, come dey collect N14,000 to N22,000 every month as pension Say e no make sense at all.

📌Na di poor welfare package wey security people dey get dey make some of dem dey behave anyhow to citizens?

📌E never reach for goment to torch- light Police welfare package?


with MrsLjay Today, we see as Security pipo for inside di National Assembly Complex Abuja no gree allow di Kogi state...
22/07/2025

with MrsLjay

Today, we see as Security pipo for inside di National Assembly Complex Abuja no gree allow di Kogi state senator enta. When she ask dem why dem no gree allow her enta di complex , dem say dem no get anytin to tok alias NO COMMENT.

📌 How we security pipo dem fit commot dia bodi for politics mata, so dat dem go fit protect di lives of Naija pipo without any katakata?



with MrsLjay 📌 Senator Natasha dey trend : Dis na sake of sai, security pipo no allow Senator Natasha enta di Nationa...
22/07/2025

with MrsLjay

📌 Senator Natasha dey trend : Dis na sake of sai, security pipo no allow Senator Natasha enta di National Aseembly Complex for inside Abuja.

📌 Datti dey trend : Dis na sake of sai di 2023 vice presido for 2023 yarn sai, eim no dey commot go ADC for eim political waka.

📌 INEC dey trend : Dis na sake of sai, Naija pipo don dey drag INEC as dem go do election wey make oga Monday Okpebholo as Govoo for inside Edo state.

📌 New Edo Line dey trend : Dis na sake of sai, di Edo state Goment don rejig and launch dia own state transportation company.


Senator Natasha Akpoti-Uduaghan no fit enter di National Assembly complex as security people stop her for gate. Her moto...
22/07/2025

Senator Natasha Akpoti-Uduaghan no fit enter di National Assembly complex as security people stop her for gate. Her motor show face for di complex around 12:20pm, but security stop am make she no pass. As dem no gree, she come down from di car with activists like Aisha Yesufu, Randy Peters and others. Dem begin waka go di National Assembly gate by foot.

Na Federal High Court don order sai make dem return Natasha go Senate, but also tok sai she must apologise to di Senate.

But di chairman for Senate Media and Public Affairs committee, Yemi Adaramodu, still dey insist sai no court order dey wey sai make Senate carry Natasha come back immediately.

with OC NIGGIPDP National Publicity Secretary, Debo Ologunagba, on Monday tok say na only PDP get di power to remove P...
22/07/2025

with OC NIGGI

PDP National Publicity Secretary, Debo Ologunagba, on Monday tok say na only PDP get di power to remove President Tinubu and APC come 2027.

E talk say, “Na PDP be di only party wey fit chase APC comot. We get di people, we get ground everywhere for Nigeria.
“No community wey PDP no get people, because na true people party we be. Nigerians dey wait make PDP come back.
“With all di wahala wey APC don cause, I fit tok with full chest say no patriotic Nigerian, group or party go support Tinubu again for 2027.

“E clear say President Bola Tinubu na bad market. So nobody whether na individual or group wey dey feel all this suffer wey we dey go through, go gree vote for Tinubu.
“As dem dey talk am for street, Tinubu na bad market.”

You believe say PDP get di power and people to remove di APC Administration for 2027 election?


Address

Rumudara

Website

Alerts

Be the first to know and let us send you an email when Wazobia FM 94.1 PH posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Wazobia FM 94.1 PH:

Shortcuts

Share

Category