AREWA News

03/08/2026

GROWTH LAB PROGRAMME!!!

An buɗe neman masu shiga Growth Lab, wani shiri na horo da bunƙasa kasuwanci na tsawon makonni 12 ga fasahohin kasuwanci (Tech Startups) da s**a wuce matakin MVP, waɗanda matasa 'yan Najeriya masu shekaru 18 zuwa 35 s**a kafa.

Shirin yana ƙarƙashin Bankin Masana'antu (BOI) ta hanyar iDICE Programme, kuma yana ba da tallafin kuɗi, horaswa, jagoranci (Mentorship), da kuma shirya masu kasuwanci domin samun jari da faɗaɗa kasuwancinsu.

Abubuwan da zaɓaɓɓun mahalarta za su samu:

-Zuba jari har zuwa $100,000

-Horo kan yadda ake shirya kasuwanci domin samun masu saka jari, tare da jagorancin ƙwararru

-Damar samun ƙarin tallafi har zuwa $250,000 idan an cimma ƙa'idodin ci gaban kasuwanci.

Idan kana da Tech Startup mai sabbin dabaru a Najeriya, wannan babbar dama ce ta bunƙasa kasuwancinka.

Shida Loan Na BOI INIDE Daban Daban ne Ba Daya Bane

Link ɗin yin rajista
Yana Comment Section

Ku kasance tare da mu domin samun sahihan bayanai kan duk wata dama da shirye-shiryen Gwamnatin Tarayya da sauran tallafin kasuwanci

29/07/2026

Yin Adalci a aikace da magance umarni ne na ALLAH lokaci zai mana Alkalanci in sha Allah.

29/07/2026

29/07/2026

SANATA IBRAHIM LAMIDO YA JAJANTAWA AL’UMMAR KARAMAR HUKUMAR MULKIN RABAH DA SABON BIRNI

Sanata Ibrahim Lamido ya jajantawa al’ummar ƙananan hukumomin Rabah da Sabon Birni, da sauran yankunan Gabashin Jihar Sokoto da harin ’yan bindiga ya shafa, musamman hare-haren da ake ci gaba da fuskanta a Baya Bayan nan

Sanata lamido Yayi addu’ar Allah (SWT) Ya jiƙan waɗanda s**a rasa rayukansu, Ya ba waɗanda s**a jikkata lafiya, Ya bai wa iyalan waɗanda abin ya shafa haƙurin jure wannan babban rashi, tare da dawo da zaman lafiya mai ɗorewa a yankin.

Auwal Naseer
S A media

28/07/2026

Kotun daukaka kara ta sake tabbatar da cewa ADC za ta shiga zaɓen 2027 - Tsagin Atiku

Tsagin jam’iyyar ADC da ke goyon bayan tsohon mataimakin shugaban Nijeriya, Atiku Abubakar, ya yi maraba da hukuncin kotun daukaka kara da ya soke hukuncin babbar kotu na cire jam’iyyar ADC da wasu jam’iyyu huɗu daga jerin jam’iyyun siyasa, tana mai cewa hukuncin ya kawar da duk wani shingen doka da zai hana ADC shiga zaɓen 2027.

Jaridar Punch ta ruwaito wata sanarwa da ofishin yaɗa labaran Atiku ya fitar a ranar Talata, tawagar magoya bayan ta ce hukuncin, tare da wani hukunci da babbar kotun ta yanke a baya wanda ya tabbatar da shugabancin kwamitin zartarwa na ADC ƙarƙashin jagorancin Sanata David Mark, ya kawo ƙarshen takaddamar shari’a kan matsayin shugabancin jam’iyyar.

Me za ku ce?

28/07/2026

DA DUMI-DUMI: Kotun ɗaukaka ƙara ta soke hukuncin da ya soke rajistar ADC da wasu jam'iyyu huɗu

Kotun ɗaukaka ƙara da ke Abuja ta soke hukuncin babbar kotun tarayya da ya umarci hukumar zaɓe ta kasa (INEC) ta cire rajistar jam'iyyar African Democratic Congress (ADC) da wasu jam'iyyu huɗu kamar yadda jaridar Vanguard ta rawaito.

Kotun, a hukuncin da alkalai uku s**a yanke baki ɗaya, ta ce babbar kotun tarayya ba ta da hurumin sauraron shari'ar, saboda ƙarar da aka shigar ba ta cika ka'idojin doka ba. Ta kuma bayyana cewa babu ingantacciyar ƙara da za ta ba da damar umarnin cire rajistar jam'iyyun.

Kotun ta ce alkalin babbar kotun ya yi watsi da hujjojin da s**a nuna cewa jam'iyyun sun taɓa lashe kujeru a zaɓukan baya, tare da yin hukunci duk da umarnin dakatar da ci gaba da sauraron shari'ar da kotun ɗaukaka ƙara ta bayar.

Saboda haka, Kotun Ɗaukaka Ƙara ta tabbatar da cewa jam'iyyun da abin ya shafa har yanzu suna da cikakkiyar rajista. Jam'iyyun sun haɗa da ADC, Action Peoples Party (APP), Action Alliance (AA), Accord Party (AP) da Zenith Labour Party (ZLP).

Tun da farko, Babbar Kotun Tarayya ta umarci INEC ta cire rajistar jam'iyyun biyar, tare da hana su shiga harkokin zaɓen 2027, bayan ƙungiyar National Forum of Former Legislators (NFFL) ta yi zargin cewa sun gaza cika sharuddan kundin tsarin mulki na ci gaba da kasancewa a matsayin jam'iyyun siyasa. Sai dai dukkan jam'iyyun da INEC sun ɗaukaka ƙara, lamarin da ya kai ga soke hukuncin.

28/07/2026

Nigeria Agricultural Quarantine Service (NAQS), hukumar da ke kula da kare noma da albarkatun ƙasa daga shigowa ko yaɗuwar kwari da cututtuka, ta buɗe shafin ɗaukar sabbin ma'aikata.

NAQS tana ƙarƙashin Federal Ministry of Agriculture and Food Security.Masu sha'awar neman aikin za su iya shiga yanar gizon da ke comment section domin cike fom ɗin neman aikin

27/07/2026

Hisbah ta haramta kayan See I Love, wazigidi, takaita kayan lefe, da wasu bidi'o'i a bukukuwan aure a Sokoto

Hukumar Hisbah ta Jihar Sokoto ta sanar da haramta kayan "See I Love" da wazigidi ko kuma DJ, saka manyan lasifika a agwagwa da buje (Keke Napep), da kuma wasu al'adun bukukuwan aure da ta bayyana a matsayin bidi'o'i.

Da yake jawabi, shugaban hukumar Malam Usman Abdullahi Jatau ya ce dokar ta fara aiki daga ranar 27 ga Yulin 2026, kuma ta haɗa da takaita kayan lefe da sauran al'adun da hukumar ta ce ba su dace da koyarwar addinin Musulunci ba.

27/07/2026

Dan Allah arinqa sharing Domin yaje inda muke so yaje