03/03/2026
Zargin juyin mulki mutane biyu sun tura N835m don kifar da Tinubu – Bincike ya bankado.
Wani sabon bayani da bincike ya bankado ya nuna cewa wasu mutane biyu da ake zargi sun tara kuɗaɗen da s**a kai Naira miliyan 835 domin tallafa wa shirin kifar da gwamnatin Shugaban Ƙasa, Bola Ahmed Tinubu, a wani yunkurin juyin mulki da jami’an tsaro s**a ce an dakile.
Hukumomin tsaro sun gano cewa tsohon gwamnan Bayelsa, Timipre Sylva, ya bayar da Naira miliyan 785 ta hannun kamfanin Purple Waves Limited da ke Abuja, yayin da ake zargin Moses Zakwa ya bayar da Naira miliyan 50 ta kamfanin Clay Ring Services Limited da ke Legas. An k**a wasu daga cikin masu alaƙa da kamfanonin, yayin da ake ci gaba da neman wasu da ake zargi. Sai dai Mista Sylva ya musanta zargin da ake masa.
Rahotanni sun ce an k**a mutane 40 da s**a haɗa da manyan jami’an soja, ɗan sanda da fararen hula, inda ake zarginsu da shirya kifar da gwamnati tare da mallakar mak**ai da motocin aiki domin aiwatar da shirin. Binciken ya kammala kuma ana jiran amincewar shugaban ƙasa domin kafa kotun soji da za ta gurfanar da waɗanda ake zargi.
