Amon Nasara

17/07/2025

Bayan mutuwar tsohon shugaban kasa, Muhammadu Buhari an fara kiraye-kiraye kan waye zai maye gurbinsa a dattawan arewa da ake da su.

Duk da cewa irin wannan matsayi ba zaɓar mutum ake ba, aikinsa da gudunmawarsa ga Arewa ce take ba shi wannan matsayi. Wa kuke ganin zai iya hawa wannan matsayi tsakanin Atiku Abubakar da Kashim Shettima ko Rabiu Musa Kwankwaso da Nasiru El-Rufai?

15/07/2025

An gabatar da jana'izar tsohon shugaban ƙasar Najeriya, Muhammadu Buhari, inda aka binne shi a gidansa dake Daura.

15/07/2025

Yayin da gawar tsohon shugaban ƙasar Najeriya, Janar Muhammadu Buhari ta iso Katsina. Saura wucewa Daura, inda za a binne shi a cikin gidansa.

28/06/2025

Muna miƙa ta'azziyarmu ga iyalai da aminai na Alhaji Aminu Alhassan Dantata bisa rasuwarsa a ƙasar Dubai.

Haƙiƙa wannan babban rashi ne ba ga iyalai da jihar Kano ba, har ga duniyar Musulunci.

Muna addu'ar Allah ya ji ƙansa ya sa Aljanna ce makoma. Allah ya bawa iyalai haƙuri.

02/05/2025

Mai Martaba Sarkin Kano Muhammad Sanusi II, yayin da yake fitowa Fada a ranar Juma'a 2/05/2025 domin naɗin wasu sarautu da ɗaga darajar wasu. Daga cikinsu akwai Galadima da Wambai da Tafida da Yarima.

16/04/2025

Arsenal sun kora Real Madrid gida a filin wasa na Santiago da 2-1, wanda aka ƙarƙare jumullar kwallaye 5-1.

29/03/2025

An ga watan ƙaramar Sallah a Saudiya.

Kwamitin duba wata na ƙasar Saudiyya ya sanar da ganin watan bayan shafe sa'o’i ana dubansa.

Gobe Lahadi 30 ga watan Maris ce za ta kasance 1 ga watan Shawwal, kuma bikin sallah ƙarama a ƙasar.

Wannan shafi ne da ke kawo muku labaran abubuwan da ke faruwa a Najeriya da sauran sassan duniya na ranar 29 ga watan Maris 2025

15/03/2025

A wani jawabin tsohon shugaban ƙasa, Olusegun Obasanjo ya ce demokaraɗiya ƙasashen yamma ba ta amfanawa Najeriya ɗa mai ido ba. Ya nemi a yi tunanin samar da wani tsari da ya da ce da Afirka.

Irin matsalolin da demokaraɗiyya ta kawo a wannan ƙasa ya sa wasu mutane yin fushi da tsarin mulkin Najeriya, ko kuma ince fushi da yadda ake gudanar da siyasar ƙasar. Hakan ya sa s**a tsame hannuwansu, saboda sun kula ba ƙasar ce a gaban 'yan siyasa da masu mulkin ƙasar ba.

Amma a tsarin siyasa koda ka zare hannunka a kan sha'anin siyasa da zaɓen shugabanni, ba a rabu da Bukar ba an haifi Habu. Domin ko ka yi zaɓe ko ba ka yi ba, za a yi maka. Kuma manufofin shugabannin da s**a hau mulki sai ya shafe ka wallau me kyau ko saɓaninsa.

A yau duk muna biyan bashin sata da babakere da handama da aka yi a ƙasar tsawon shekaru. Wannan kebura da ake sha, sun shafi kowa da wanda ya yi zaɓe da wanda bai yi ba, duk ba su tsira ba.

Amma abin tambaya a nan shi ne, duba ga yadda tsarin siyasa da mulkin ƙasar ya birkice, anya mutane masu aƙida da burin cigaban ƙasa za su iya kai labari koda sun amince su shiga siyasa?

© Zaharaddeen Ibrahim Kallah

28/02/2025

Hukumomin ƙasar Saudiyya sun sanar da ganin watan azumin Ramadan na shekara 1446, wanda shafin Haramain Sharifain ya sanar a yanzu.

Gobe Asabar ce za ta kasance 1 ga Ramadan, 1446.

28/02/2025

Laftanal Kanal Shehu Musa Yar'Adua, wanda a lokacin yana ɗan sheƙara 32 ke karɓar rantsuwa k**a aiki a matsayin mamba na majalisar ƙoli ta sojojin Najeriya daga shugaban ƙasa Birgediya Murtala Muhammed a shekarar 1975.

A tsaye kusa da Yar'Adua, Laftanal Kanal
Tunde Idiagbon ne, hadimi na majalisar ƙoli ta sojoji. Can kusa da Murtala, Birgediya Olusegun Obasanjo ne, wanda yake a matsayin shugaban ma'aikata na majalisar ƙoli ta sojoji.

Hoto: Gidauniyar Shehu Musa Yar'Adua.

18/02/2025

Sarkin Kano Muhammad Sanusi II, a yayin ziyar bikin cikar Gambia shekaru 60 da samun ƴancin kai

Shugaban ƙasar Gambia, Adama Barrow ne ya gayyaci Sarkin a matsayin babban baƙo na musamman a wajen bikin.

15/02/2025

Wasu daga cikin hotunan bikin yaye ɗalibai na Jami'ar Bayero, wanda s**a ƙunshi na bada digirin girmamawa, da kuma tabbatar da wasu tsofaffin Farfesoshi a matsayin yangaladiman Farfesoshi (Emeritus).