First Aid Group Of Fityanul Islam Borno m.m.c Local Govt

03/07/2025

TUNATARWA

Azumin Tasu’a da Ashura

Kungiyar Fityanul Islam of Nigeria tana tunatar da daukacin al’ummar Musulmi a fadin duniya, musamman ‘yan agaji da mambobin Kungiyar Fityanul Islam, muhimmancin yin azumin Tasu’a (Juma’a, 4 July, 2025 – 9 Muharram 1447H) da Ashura (Asabar, 5 July, 2025 – 10 Muharram 1447H).

Manzon Allah Saw ya azumci Ashura kuma ya umarci Musulmi su azumce ta. Daga baya ya ce:

“Idan na rayu zuwa shekara mai zuwa, zan azumci ranar tara 9 (Tasu’a) ma.”(Muslim

Saboda haka Sunnah ce Musulmi su azumci Tasu’a da Ashura, ko ku azumci Ashura kawai idan ba za ku iya duka biu ba.

Muna kira ga Musulmi su yi kokari su azumci wadannan ranaku, tare da addu’a domin zaman lafiya da cigaban Musulunci.

Allah Ya karbi ibadunmu. Amin.

✍️ Rabiu Babayo

17/06/2025

BARAR ADDU'O'I BISA SACE KAWUN KHADIJAH MUHAMMAD BUKAR

Subhanallah! Allahumma ajirni fī muṣībatī.

Muna cikin alhini da damuwa matuƙa bayan samun rahoton sace kanin baban Khadijah Muhammad Bukar, wadda take rike da mukamin Deputy Director Admin, Women Wing, FAG FITYANUL ISLAM, reshen Jihar Borno.

Wannan mummunan lamari ya faru ne a wani kauye mai suna Goam cikin Jihar Borno, inda aka tabbatar da cewa ya kwashe tsawon kwanaki uku a hannun ‘yan ta’addan Boko Haram kafin a samu tabbacin lamarin a yau.

A madadin daukacin shugabanni da mambobin Fityanul Islam na Jihar Borno, muna miƙa wannan barar addu’a, ga daukacin al’umma da mambobin Fityanul Islam da su ci gaba da yin addu’o’i na musamman domin ceton wannan bawan Allah daga hannun masu aikata ta’asa. tare da roƙon Allah Madaukakin Sarki Ya kubutar da shi daga hannun azzalumai cikin koshin lafiya, ba tare da wata cuta ko lahani ba.

Allah Ka dawo mana da shi lafiya, cikin sauki da aminci!

✍️ Rabiu Babayo

16/06/2025

09/06/2025

BARKA DA SALLAH

Cikin himmar Shugaban rundunar ‘yan agajin Fityanul Islam na karamar hukumar MMC, Maj. Musa Usman, ya kai ziyarar Barka da Sallah zuwa gidan Hajiya Hafsah Abba Sanusi, (Amira) Women Wing Fityanul Islam reshen Jihar Borno.

Ziyarar na nufin karfafa zumunci da nuna godiya bisa jajircewar (Amira) wajen cigaban kungiyar. Maj. Musa Usman ya mika sakon gaisuwa da fatan alheri daga karamar hukumar MMC, yayin da (Amira) ta yaba da ziyarar tare da fatan Allah ya kara hada kan membobin kungiyar.

Wannan ziyara na daga cikin matakan da ke inganta hadin kai da mutunta juna a tsakanin mambobin Fityanul Islam.

✍️ Capt. Rabiu Babayo

08/06/2025

Alhamdulillah — Day 3 of Sallah.

Ya Rabb, Ka ci gaba da sanya nutsuwa a cikin zukatanmu.
Ka sa mu kasance masu godiya gare Ka a kowane hali.

Barka da Sallah!

30/05/2025

Assassalamu alaikum warahamatullah. Let's keep reciting this Dua, especially on the day of ARFA.

Laillaha ilallahu wahadahu lasharikalahu, lahul mulku, wallahul hamdu, Wa huwa Allah kullu shaien kadir.

JUMMAAT MUBARAK!

✍️Rabiu Babayo

28/05/2025

TUNATARWA DAGA KUNGIYAR FITYANUL ISLAM TA KASA

A madadin Kungiyar Fityanul Islam na Kasa, muna tunatar da 'yan uwa Musulmi a duk fadin duniya, tare da 'yan agaji da shugabanninmu a sassa daban-daban na ƙasa da ƙetare, game da muhimmancin kwanaki goma na farkon watan Zulƙhada, wata mai falala da daraja a cikin watannin Musulunci guda huɗu masu tsarki.

Wannan lokaci ne da Musulmi ke ƙarfafa ibada, neman gafara, da aikata ayyukan alheri kamar:

1. Azumi a wasu daga cikin kwanakin

2. Istigfari da yawaita salati ga Annabi (SAW)

3. Neman kusanci da Allah ta hanyar sadaqa, karatun Alƙur’ani, da sauran ayyukan ƙwarai

Muna kira ga 'yan uwa Musulmi da su amfani da wannan dama domin neman yardar Allah (SWT) da samun rahama a cikin wannan wata mai albarka.

Allah ya karɓi ayyukanmu, ya sa mu cikin bayinSa na gari.

_ZULƘHADA MUBARAK!_

✍️ Rabiu Babayo

17/05/2025

Alhamdulillah....

Taya Murna da Karramawa ga Engineer Muhammad Bukar Wanori daga Kungiyar Fityanul Islam MMC, Jihar Borno

Kungiyar FITYANUL ISLAM reshen karamar hukumar Maiduguri Metropolitan Council (MMC), Jihar Borno, karkashin jagorancin Ahmad Sharif (Yasharu), ta karrama Engineer Muhammad Bukar Wanori bisa nadin sa a matsayin Executive Secretary na BICTDA (Borno Information and Communication Technology Development Agency).

Karramawar ta kasance alamar murna da godiya bisa yadda gwamnatin Jihar Borno ta yarda da cancantar sa wajen rike wannan matsayi.

A cikin jawabinsa, Engineer Wanori ya tabbatar wa da kungiyar Fityanul Islam cewa idan ƙungiyar na da wata buƙata da ta shafi technology ko computer, Insha Allahu yana a shirye don ba da gudummawa da goyon baya.

Haka zalika, ya yaba da irin jajircewa da kokarin da Shugaban kungiyar Fityanul Islam na ƙasa, Dr Muhammadul Arabi Sheikh Ahmad Abulfathi, ke yi wajen cigaban ƙungiyar da al’umma baki ɗaya.

✍️ Rabiu Babayo

Yakubu Mustafa Grema
FAG/FIN/BORNO/MEDIA/TEAM 16/05/2025

11/05/2025

DA ƊUMI-ƊUMINSA...

Da farin ciki marar misaltuwa nake sanar da ku cewa, muna taya Capt. Rabiu Babayo murna bisa karramawar da ya samu na Certificate of Best Award daga Kwamitin Aikin Hajjin bara (2024) na kungiyar Fityanul Islam Reshen Jihar Borno. Wannan karramawa shaida ce ta jajircewa, kishin aiki, da nagartar da ya nuna a cikin wannan gagarumin aiki.

Muna fatan wannan yabo ya zama karin kwarin gwiwa gare ka, kuma Allah Ya kara wa aikinka albarka da daukaka. Muna alfahari da kai a matsayin daya daga cikin jaruman da ke ci gaba da daukaka sunan kungiyar a kowane lokaci.

Allah Ya kara basira da jagoranci nagari. 🤲Ameen.

Babayo ✍️

Yakubu Mustafa Grema
FAG/FIN/BORNO/MEDIA, 11/05/2025

14/04/2025

NOTICE! NOTICE!! NOTICE!!!

SANARWA DAGA: SHUGABAN KWAMITIN GUDANARWA NA 5-DAY CAMPING 2025 BORNO STATE (KARO NA UKU)

Ina mai tunatar da daukacin mambobin Kungiyar Fityanul Islam Reshen Jihar Borno cewa an kammala dukkan shirye-shiryen gudanar da 5-Day Camping 2025 (Karo na uku), wanda za a gudanar a harabar Arabic Teachers College, Maiduguri.

Za a gudanar da wannan gagarumin camping tare da halartar membobin kungiyar daga Kananan Hukumomi guda 15 zuwa 20 daga cikin 27 da ke fadin Jihar Borno.

Wannan taro dama ce ta musamman domin:

i. Karfafa haɗin kai tsakanin mambobin kungiya
ii. Samun horo a fannoni daban-daban kamar shugabanci, aiki da tsari
iii. Koyan ingantattun dabi’u da tarbiyya
vi. Gina kishin kungiya da ƙwarewar gudanarwa

Bayanan Taro kamar haka:

Ranar Fara Taro: Laraba, 16 ga Afrilu, 2025

Lokacin Fara Taro: Karfe 8:00am na safe no african time

Wurin Taro: Arabic Teachers College, Maiduguri

Za'a kammala wannan gagarumin taro kamar haka

Ranar Kammala Taro: Lahadi 20 ga Afrilu 2025

Lokacin kammala taro:
02:30pm na Rana

Ana rokon dukkan mahalarta su kasance cikin cikakken shiri tare da kayan da s**a dace, su kuma kiyaye dokoki da tsarin da aka shimfida domin tabbatar da nasarar wannan muhimmin taro.

Muna rokon Allah (SWT) da Ya sanya wannan aiki cikin ayyukan alheri, Ya kuma saka wa dukkan masu bayar da gudunmawa lada mai yawa.

Na gode.

Sa hannu:
Coln. Muhammad Alh. Muhammad Shugaban Kwamitin Gudanarwa, 5-Day Camping (Karo na uku)

Babayo ✍️

Yakubu Mustafa Grema
FAG/FIN/BORNO/MEDIA/TEAM 14/04/2025

15/03/2025

RAMADAN OPERATION:

A ci gaba da rangadin Ramadan Kareem Operation, Maj. Musa Usman, shugaban ’yan agajin FITYANUL ISLAM na karamar hukumar MMC LGA, tare da tawagarsa, sun gudanar da ziyarar masallatan da ake gudanar da sallar Tarawih a cikin kwaryar birnin Maiduguri a jiya din ganewa idonsu yadda membobin kungiyar suke gudanar da aiki a masallate.

Rangadin ya mayar da hankali kan tabbatar da tsaro da jin daɗin masu ibada, tare da wayar da kai kan muhimmancin hadin kai da zaman lafiya a cikin al’umma, musamman a wannan wata mai alfarma. Wannan aiki yana daga cikin kokarin FITYANUL ISLAM RESHEN JIHAR BORNO na tallafawa al’umma da tabbatar da tsaro yayin ibada._

Muna fatan Allah Ya karɓi ibadunmu, Ya sa mu zama cikin bayinSa na gaskiya. 🤲

✍️ Babayo