21/12/2025
December don land.
People dey pack bag, dey shout I dey go village!
But make we pause small, some people no get village again.
Village burn. Village scatter. Village don turn memory.
Insecurity chase some people comot their roots.
Poverty push some families apart.
Some villages no be place of rest again, na place of fear.
Some people no dey travel because dem no want.
Dem dey stay because dem no fit go back.
Some families don break beyond repair.
Some houses still stand, but love no dey inside again.
Christmas suppose mean home.
But what happen when home no dey safe?
What happen when home no dey welcoming?
What happen when home only dey exist for your head?
Make we no judge anybody wey no show up this December.
Not everybody wey stay back dey proud.
Some people dey grieving quietly.
Some people dey healing silently.
If you get place to return to,
respect am.
If you get family wey still gather,
appreciate am.
And if your village don disappear
remember this: home no be only land, sometimes na people.
And sometimes, na the peace you build for yourself.
follow@youngsamGlord.
