08/06/2026
DELTA State Police command don gbab four more suspects in connection to the qúπ Waybill business wey lead to the kpuffing of Oghenemine for Effurun on 1st May 2026.
The four suspects name na Emmanuel Chukwuemeka, Clifford Boleyelefa, Amadi Princewill, Amadi Felix Chibuike.
Na Bayelsa and Imo state naim police for gbab them.
Na Emmanuel Chukwuemeka be the first suspect wey police gbab and na for Bayelsa police gbab am on the 4th of May 2026 alongside his friend and roommate wey he use his phone take discuss and negotiate how much to buy the qún. Na Emmanuel con confess to police say na Amadi Princewill sell the qún to am for for Two Hundred and Ninety Thousand Naira ( #290,000) and he con sell the qúπ to Desmond for the sum of Three Hundred and Eighty Thousand Naira ( #380,000).
Na Desmond con tell am to waybill the qún to Effurun and contact Oghenemine Ogidi to help am collect the qún and send am to Sapele. This Desmond naim suppose receive the qún for Sapele and he still dey on the run till this moment.
After Emmanuel confession, naim police con trace the second suspect, Amadi princewill go gbab am for Imo State on 15th of May 2026.
As police gbab Amadi Princewill, and interrogate am, he confess say he buy the gun from one guy wey his name na Amadi Felix for the sum of Two Hundred Thousand Naira ( #200,000) naim police also trace Amadi Felix till them gbab am for Owerri Imo State on 16th may 2026.
As we dey talk now, all of them dey enjoy free government accomodation for police station.
