22/07/2025
Ziyarar sashen wasu 'yan'uwa daga Mas'ualan Harkar Musulunci a Yola ga mai girma Hakimin Nassarawo Abba, Yola, Sarkin Sudan Adamawa Alhaji Abubakar Aliyu Mustafa, a gidansa dake unguwar Doubeli, Jimeta Yola. A yayin ziyarar wadda Hujjatul Islam Sheikh Muhammad Giɗaɗo Hamman ya jagoranta, Hakimin ya yaba ƙwarai tare da nuna farin cikinsa na ziyarar da a ka kai masa, tare da fatan Alkhairi da jaddadawa kan irin tunatarwa da 'yan'uwa ke yi na isar da saƙo a kan rayuwa bisa tsoron Allah da cewa abu ne mai kyau da ya dace a cigaba da faɗakar da Al-umman a kansa. Daga ƙarshe, an rufe da addu'a daga maziyartar, shi ma kuma ya yi addu'a ta khatmah, a ka sallami juna cikin annashuwa da fatan Allah Ya sake gama fuskokin da Alkhairi.
