02/06/2026
Shekarar 2039 Na Iya Zama Ta Musamman Yayin Da Masana S**a Bayyana Cewa Za A Yi Idi Uku Da Hajji Biyu A Cikin Shekara Daya
Masana ilimin taurari da kalanda sun bayyana cewa shekarar 2039 na iya kasancewa É—aya daga cikin shekarun da ba kasafai ake samun irinta ba, inda ake sa ran za a yi bukukuwan Idi uku tare da lokutan aikin Hajji guda biyu a cikin shekara É—aya ta Miladiyya.
Hakan na faruwa ne saboda kalandar Musulunci (Hijriyya) tana da kwanaki kusan 354, yayin da kalandar Miladiyya ke da kwanaki 365. Wannan bambanci yana sa ranakun Musulunci su ke matsawa baya da kusan kwanaki 10 zuwa 11 a kowace shekara idan aka kwatanta da kalandar Miladiyya.
Saboda haka, ana hasashen cewa a shekarar 2039 za a samu Idi biyu na Ƙaramar Sallah (Eid al-Fitr) da Idi ɗaya na Babbar Sallah (Eid al-Adha), ko kuma akasin haka, wanda zai sa adadin bukukuwan Idi ya kai uku a cikin shekara guda.
Haka kuma, ana iya samun lokutan Hajji guda biyu da za su faɗo a cikin shekarar 2039 ta Miladiyya, ɗaya a farkon shekarar sannan ɗaya a ƙarshenta, duk da cewa a tsarin kalandar Musulunci ana gudanar da Hajji sau ɗaya ne kawai a kowace shekara ta Hijriyya.
Masana sun ce wannan ba sabon addini ba ne, illa dai sakamakon yadda kalandar Musulunci ke zagayawa cikin kalandar Miladiyya tsawon lokaci.
Idan hasashen ya tabbata, shekarar 2039 za ta kasance É—aya daga cikin shekarun da Musulmai za su shaida wani yanayi na musamman da ba kasafai ake gani ba a tarihin kalanda.
Daga shafin Abba Sani Pantami
