Dovre Arbeiderparti

25/08/2025

Vi inviterar til valgvake på Bokhandelen kafe! 🌹

Har du planer for valgdagskvelden? Bli med oss på ein sosial kveld der vi fylgjer resultata saman!

Alle medlem er velkommen! (Og er du ikkje medlem er du velkommen, likevel ☺️).

Håpar vi ser mange gamle, nye og moglege medlem!

13/08/2025

Arbeiderpartiet lanserar i dag eldreløftet! 🌹
Vi er god tpå veg inn i eldrebølga. Dei aller fleste eldre er i dag viktige ressursar i lokalsamfunnet, som vi vil tilrettelegge for at kan få bidra så mykje dei kan og vil.
Samtidig veit vi at kommunane møter på fleire utfordringar i åra framover, med behov for eldreomsorg, tilpassing av bustader, støtte til fleire sjukeheimsplassar, hørselsapparatgaranti og betre vilkår for dei tilsette.
Dette er viktige grep som gjer det enklare for små lokalsamfunn å levere dei tenestane innbyggarane våre har rett på.
Både dei eldre og dei tilsette må ha det godt, uansett kven dei er og kvar dei bur. Det jobbar vi for! 🌹💪

Stortingsrepresentant Rune Støstad kom på valgkampturne til Lesja og Dovre med løfte om en storsatsing på eldre.

13/08/2025

På vår vesle turné med Stortingskandidatane våre i går, var Hjerleid fyrste stopp. Det er ikkje utan grunn.
Hjerleid representerar så mykje som vi bør ta vare på og vidareutvikle framover:
🌳 Dei sitt på ein enorm kompetanse om handtverk og kunnskap som er bygd opp gjennom generasjonar, og som vi er meir avhengig av enn nokon gong. Om kvalitet og bevaring. Om skog og materiale. Og så mykje meir.
⚒️ Dei er eit skuletilbod som kan nå elevar som ikkje trivst like godt i den vanlege, teoretiske skulen. Det er god inkludering.
🌍 Dei trekk til seg stadig fleire unge og gamle frå heile landet til regionen, og fleire blir att. Det er god lokalsamfunnsutvikling!
💡 Dei er eit utspring for mange moglege, nye verksemder og arbeidsplassar lokalt, som samtidig vidareførar delar av vår historie og kulturarv, pakka inn på nye måtar. Dette er Motved eit godt døme på.

Det er ikkje utan grunn at listekandidatane ville attende hit for å høyre og prate meir seinare.
Takk for besøket Even, Steinar og Njål. Vi kjem gjerne att!

Foto: Tord Kristian Skancke.

12/08/2025

For ein strålande dag! Vi har farta rundt med Stortingskandidatane for Oppland - Rune Støstad, Linnea Lie Holen og Monica Eide - i både Dovre og Lesja.
Hjerleid skole- og håndverkssenter, Avdem Gardsysteri, Lesja Helseheim, Bokhandelen og Dovrefjell Lodge, før stand i Dombås sentrum.
Politikk er moro på dagar som dette, med så mange fine folk, engasjement og vilje :)
Vi postar meir om dette i dagane som kjem!

Alle foto: Tord Kristian Skancke

12/08/2025

Forhåndsstemminga er i gang, og vi ropar høgt: Hugs å stemme!
Vi håpar sjølvsagt du vil stemme på Arbeiderpartiet 😇🌹
Men det viktigaste er at du faktisk stemmer. Hugs at om du ikkje stemmer, kan det reknast som ei stemme til dei du er mest uenig med. Så no må vi alle gjera vår borgarplikt 💪🏼

Klart største parti! 🤩 Husk at du kan stemme på Arbeiderpartiet allerede nå! Godt valg 🌹

Bli med på laget du også? SMS AP til 2077 eller på nett:
https://www.arbeiderpartiet.no/blimed

10/08/2025

I går var vi på regional valgkampopning på Otta med resten av Norddalen og Kommunalministeren Kjersti Stenseng! 😄🌹

Tysdag får vi besøk av listetoppane Rune Støstad og Linnea Lie Holen. Vi skal fyrst reise rundt i Dovre og Lesja, før vi avsluttar med stand på sentralplassen rundt 1500.
Vi håpar å treffe mange på stand! Vi blir glade for spørsmål eller innspel til oss eller stortingskandidatane våre - vi håpar å sjå så mange medlemmar der!
Og vil du vera med på stand? Du er sjølvsagt velkommen til å bli med - det er vi berre glade for! ☺️

16/06/2025

Tida går, politikken består 😄🌹
Den siste veka har vore ein siste innspurt før politikken tek ferie. Her kjem ei lita oppsummering :)
🤝 Førre veke var det både formannskap og regionråd på Otta. På formannskapet diskuterte gjekk vi gjennom økonomirapportering (det går godt med Dovre kommune! 🥳), og saman med Lesja diskuterte vi vidare prosess for mogleg kommunesamanslåing. Der vart vi enige om å sette i gang forprosjektet for å definere rammer for vidare arbeid. Uansett sluttresultat, er det enormt viktig at denne prosessen blir god, og at vi har tunga rett i munnen, utan å konkludere før vi har alt på bordet.

👮 På representantskapet for Nord-Gudbrandsdalen IPR (Regionrådet) fekk vi mellom anna orienteringar frå Husbanken og politiet. Der såg vi at Dovre er ein aktiv brukar av Husbanken sine tilbod, som er veldig bra! Politiet står overfor store oppgåver, med mange utfordringar, i ein geografisk stor region med få ressursar. Men dei gjer ein god jobb, og det går stort sett veldig godt med både unge og gamle i Norddalen 🫶🏻

💃 Fredag kveld var det tid for Sommarfest for ungdom i Dovre! 🥳 Har hadde det ferske Ungdomsrådet arrangert ein strålande fest med grilling, leik, quiz og store premiar. Takk for at vi fekk vera med på moroa, i strålande sol!

💰 I kveld avslutta vi med vårens siste kommunestyremøte. Her behandla vi regnskap for 2024 og revidert budsjett for 2025. Vi fekk óg ei orientering om boligprosjektet i Dovre kommune. Her skjer det mykje bra, som forhåpentlegvis resulterar i fleire eigna boligar for både unge og gamle i Dovre!
🚕 I tillegg diskuterte vi vidareføring av SFO-skyss. Her vart det fleirtal for å vidareføre SFO-skyssen! Vi meiner at sjølv om 200.000,- er mykje pengar på tre born, er dette eit særs viktig tilbod for dei familiane det gjeld. Oppvekstsektoren har tatt store innsparingar allereie, og kommunen går fortsatt veldig godt økonomisk. Vi ønskjer derfor å vidareføre dette tilbodet, for å forenkle kvardagen til travle småbarnsfamiliar sør i Dovre.

⛷️ I tillegg løyva vi 300.000 til løypelaget for å kjøpe ny tråkkemasking til løypepreparering på Dombås. Dette er eit steg på vegen for å lyfte løypekøyringa på Dovrefjell att, og vi har skikkeleg trua på resultatet!

🏅 Og så må vi berre si: Hurra for Hjerleidutstillinga i helga, og HURRA for Helle som fekk HM Kongens fortenestemedalje for sin innsats for Hjerleid og norsk tradisjonshandverk! Ho har lagt ned ein formidabel innsats for skulen og den kompetansen som sitt der, og har klart å lyfte aktiviteten, omfanget og ikkje minst synlegheita. Dette er vel fortent, og vi sluttar oss til applausen 🥳

04/06/2025

🦌Måndag var kommunestyret samla for å behandle Dovre kommunes høyringssvar på tiltaksplanen for villrein i Snøhetta og Rondane.

Det er mange meiningar om kvart enkelt tiltak i tiltaksplanen. Ei tverrpolitisk arbeidsgruppe har jobba grundig med innspela i forkant. Deira arbeid vart i stor grad vedteke på møtet, med nokre endringar.

🤔Dette er eit krevjande arbeid. Villreinen er utsett i begge områda, og tiltak må gjerast. Der skal sjølvsagt alle, både lokale og tilreisande, gjera sitt.

Men vi er skuffa over at dei foreslåtte tiltaka ligg på eit så lavt nivå, utan at dei foreslår større, strukturelle grep som kan gjera noko med sjølve årsaka til problemet. Vi trur denne planen er ei kortsiktig løysing.

🎯 Vi argumenterte for at om dette skal lukkast, MÅ tiltaka treffe dei viktigaste problema. Når tellingar på Hjerkinnplatået viser at det er opp mot 70. - 80.000 personar som går inn i fjellet frå Kongsvold, Grønbakken og rundt Viewpoint, er det liten tvil om kvar det store trykket kjem frå. Da er det dette vi må prøve å regulere, ikkje den lokale bruken som alltid har vore her, og som alltid har levd i takt med villreinen.
Sjølvsagt skal vi unngå auka lokalt trykk frå t.d. hyttebygging, motorisert ferdsel eller anna, men det er vi allereie.

🌹 Vi foreslo derfor å legge til eit nytt tiltak, med eit pilotprosjekt som testar ut nye måtar å regulere ferdsel for dei tilreisande på. Kanskje skal det vera begrensa adgang til fjellet i nokre område, i nokre periodar av året? Samtidig som at dei lokale har eit større forvaltningsansvar, og med det større rettigheitar til å bruke det?

Dette har lykkast andre stader, og vi trur det blir nødvendig å sjå på liknande løysingar i Norge framover. Som både sikrar ein skånsom bruk og lokalt eigarskap og forankring.

Vi er glade for at resten av kommunestyret var med på dette! 🙌

– Hvis økonomien ikke er på plass er det sannsynlig at tiltaket ikke blir gjennomført, er av budskapet som blir sendt videre til departementet fra kommunestyret i Dovre.

12/05/2025

I kveld naut vi godvêret på kommunestyremøte inne på Båtsto 😎
Vi hadde fleire store sakar oppe:

🥳 Dovre kommunes nye samfunnsplan vart endeleg vedteke! Dette er eit resultat av godt tverrpolitisk samarbeid saman med administrasjon, gode innspel frå innbyggarar, unge og gamle, lag og foreningar frå nord til sør. No gler vi oss til å ta planen i bruk! 🤸‍♀️

🏫 Vi behandla innstilling til søknaden om Dovre Friskule. Vi slo saman dei to barneskulene på grunn av dei økonomiske utfordringane vi går i møte framover. Og vi meiner det er synd om den offentlege barneskulen blir råka av etableringa av ei privat skule. Dette er eit grunnleggande prinsipp for Arbeiderpartiet. Vi stemte difor rådmannen si innstilling, om å ikkje støtte etableringa av Dovre Friskule AS.

🗺️ Framtidig kommunestruktur - vi behandla det å gå etablere eit kort forprosjekt for å greie ut grunnlaget for ei kommunesamanslåing. Dette skal kartlegge moglegheitene, og vurdere om det er aktuelt å gå vidare til eit hovudprosjekt. Vi stemte ja til dette (med unntak av ein), fordi vi meiner vi må veta meir, før vi kan seie ja eller nei til å gå vidare.

🏡 Vi bevilga pengar til å gå vidare med anbud på utføringsentreprise for Dovre tettstadsprosjekt - no skal det brukast nesten 13,5 millionar kronar for å lyfte Dovre sentrum. Det er meir enn vi sette av til prosjektet, men når det no er i gang, er det viktig å gjera det skikkeleg. Dette trur vi blir bra!

🔫 Landsskytterstevnet 2026 fekk 1 million kroner i støtte. Vi gler oss til fest i august neste år!

🚨 Overordna beredskapsplan vart vedteke, etter at vi fekk sendt den attende tidlegare i vår. Det er bra!

01/05/2025

Her er tala vi heldt i dag, om viktigheita av å engasjere oss:

Kjære alle sammen – gratulerar med dagen!

‘1. mai har ei lang historie, med mange, store kampar som er kjempa:
Fem dagars veke, ferie, foreldrepermisjon, pensjonsrettigheitar.

Ting eg og du kanskje tenker er ei sjølvfølge i dag.

Men 1. mai, og alt det står for, er viktigare enn på lenge. For i tida framover må vi prioritere hardare, og vi må ikkje tenke at alt berre er her.

Vi har fleire som treng ein god og sterk eldreomsorg, som inneber store kostnadar for kommunane.

Og i ei verd der nabolanda våre invaderar andre land, må vi sette av meir til forsvar og beredskap.

Vi må sette av meir til klimatilpasning, og omstilling, for å beskytte lokalsafunnat mot ras og meir nedbør, som vi nyleg har kjent på kroppen. Og for å skape dei jobbane som kan vare, langt inn i framtida.

Og innimellom alt dette må vi finne pengar til å satse på dei unge.
Til å jobbe for ein god oppvekst, med like opplæringsvilkår uansett om du bur i Dovre eller i Bærum. For å skape ungdomsklubbar og møteplassar for alle som gjev tilhørigheit for eit langt liv i Dovre.

Vi må sørge for gode og trygge arbeidsplassar. Vi må drive næringsutvikling og lokalsamfunnsutvikling, vi må bygge boligar, tilpassa både unge og eldre.

Vi må kjempe, og kjempe hardt, for landbruket og matproduksjonen, sjølve ryggrada i bygda, og fundamentet for levande samfunn – ikkje berre i distrikta, men i heile landet.

Og alt dette skal få plass i ganske tronge budsjett.

Så vi må prioritere hardare framover. Ikkje berre i Dovre kommune, men i heile landet.

Og det er da, gode venner, at vi må sørge for å bli prioriterte!

Og la meg si deg ein ting: Det er enormt mange folk, rundt om i landet, som jobbar beinhardt for å få gjennomslag for sine ting.


Derfor må vi òg engasjere oss!

For meg som lokalpolitiker i ei bittelita kommune er det ikkje alltid enkelt å veta kva som er ønska og behøvd i barnehagen, på skulen, på Fredheim, av næringslivet. På Dovreskogen, Dovre, Dombås og Hjerkinn. Så da treng vi medlem som fortel oss dette, som kan gjera vår politikk betre.

Og da kan vi i alle fall ikkje forvente at politikarane i Oslo berre skal forstå og prioritere oss.

Dovre kommune står for fire promille av Noregs befolkning. Det er ikkje mykje. Oslo står for tretti prosent.

Vi kjem ikkje til å bli prioritert, med mindre vi krev å bli det. Folk vil ikkje forstå kva slags sakar som er viktige for oss, kva dei må prioritere, om vi ikkje fortel det til dei.

Så mi sterke, sterke oppfordring er:
Sjølvsagt STEM ved valget. Stem på eit parti som kan påverke, og som prioriterar fellesskapet framfor dei få og priveligerte. Stem på trygg styring i ei uroleg tid.

Med det å stemme er ikkje nok.

Så viktigast av alt: ENGASJER DEG!

Meld deg inn i det partiet du er mest enig med, sjølv om det ikkje er alt du er enig i.

Det er ikkje alt eg er enig med Arbeiderpartiet i.
Men eg hjelp ingen ved å da berre melde meg ut om eg er uenig i noko. Da forstår dei i alle fall ikkje kva eg vil. Da må eg heller jobbe for å påverke.

Du treng ikkje bli folkevald som medlem, eller sitte i styret.
Berre ved å vera medlem, støttar du ditt lokale parti.

Og ved å vera medlem får ein kanal til å meine ting, til å påverke politikken både nasjonalt og lokalt.

Dette kjem til å bli viktigare og viktigare framover.

For lenge har vi hatt det så godt at det ikkje har vore så viktig å påverke. Men no må vi jobbe for verdia våre, vi må jobbe for distrikta, og for lokalsamfunnet vårt.

Slik at dei eldre kan få den hjelpe dei treng, utan at Agnes og Solveig mistar sine møteplassar.
Slik at kulturskulen kan gje dei fenomeale tilboda sine til borna våre.
Slik at gardbrukaren i Dovre fortsatt kan produsere mat til oss.
Slik at vi som bur i Dovre har like vilkår som dei i byane, uansett om du er ung eller gamal.
Og slik at dei som kjem etter oss, har like moglegheiter som meg og deg.

La oss gjera dette saman.
For om vi ropar saman, jobbar saman, held saman – blir vi høyrde.

Verda treng verdiane våre.
Distrikta treng politikken vår.
Og framtida treng fellesskapen vår.

Gratulerar med 1. mai!