28/03/2025
Vi har kome til episode 10. av HELT LOKAL! :)
Arve og Tomma har fått ein ny gjest i studio.
Musikkentusiast, samlar og musikar- og ikkje minst ein særdeles hyggeleg kar, Sindre Bøe frå Bølandet.
Når vi no då har kome til episode 10, kva er ikkje betre då enn å få inn ein som verkeleg har peiling på lokal musikk og lokale band frå området vårt.
Sindre Bøe har samla på lokal musikk, satt det i system, støvsugd bruktbutikkane etter gamle lokale LP/CD og kassettar, sidan han gjekk på ungdomskulen. I tillegg til å spelt i lokale band, og har ei eiga evne til å ikkje berre samle på musikk som han likar sjølv men alt i frå dei lokale rockebanda til bedehuskassettar - til den svartaste metallen du kan tenke deg. Sindre Bøe har sannsynligvis den største samlinga av lokal musikk på heile Ytre Søre.
Dette blir det podcaststoff av!
Sindre fortel varmt om dei lokale banda i området, og utroper LØK frå Hareid som ein god favoritt av dei dei lokale banda i nyare tid, men kor mange LØK-konsertar har han vore på? Det får du svaret på viss du høyrer på podcasten.
Visste du forresten at Fosnavåg på eit tidspunkt hadde eit veldig kreativt og unikt metal-miljø som hadde forgreiningar til svært kjende musikarar i frå verdenskjende band frå USA? Dette har skapt ei rekke album og plater, som blir seld over heile verda.
Ytre Søre har også fostra ein heil del kristne band og musikarar som har spelt inn utallige plater og kassettar - dette rett nok for den lokale marknaden. Desse fortener også plass i samlinga til Sindre, og er kanskje det som er sjeldent.
Vår gjest får også velge dagens låt, som er frå ei anna gruppe frå Hareid, som også framprovoserar eit solid samtalemne og ikkje minst ei spesiell historie rundt hans forhold til dette bandet....og mykje meir sjølvsagt!
Høyr på episode 10. av HELT LOKAL. ..Tvilar på du kjem til å angre.
