MJK Media

03/11/2022

Folkestad sitt A-lag vart kretsmeister i 7-ar fotball denne sesongen. MJK Media gratulerer så mykje. Dette var rett og slett imponerande, der fleire kvinner også har spelt på laget. Kjekt å sjå laget i aksjon i Myrane, og håper laget stiller på nytt neste sesong. Laget har spelt på lag med VTI Fotball, og har såleis hatt namnet Folkestad/Volda 3. Kjekt med slikt godt samspel mellom klubbane. Resultat, bilder og gode historier frå jubelsesongen kjem naturlegvis med i boka om Seniorfotballen på Folkestad.

For dei som lurer på når boka kjem ut så er dette eit prosjekt for underteikna som er tidlaust. Eg jobbar med boka når eg har overskot til det. I tillegg har eg teke fatt på ein dokumentar i tilknytning til boka, så ambisjonsnivået er stort :)

01/08/2021

Dommaren kom i fokus på Høddvoll !

Dommar Harald Røvig Sletner (Rustad IL) kom i fokus på Høddvoll søndag ettermiddag. Han dømte to straffespark til tippeligalaget Molde i 2. runde i NM. Det siste på overtid.
Romsdalingane skåra på begge straffesparka.
Hødd-innbyttar Bendik Rise utlikna til 1-1 for Hødd etter 69 minutt, etter at Magnus Retsius Grødum hadde gitt Molde leiinga frå straffemerket etter 35 minutt i første omgang. Grødum skåra også frå krittmerket på overtid.
Dommatrioen vart bua i garderoba av tilskodarane både til pause og etter kampslutt.
Etter kampen ville ikkje dommaren stille til intervju med pressa.

29/07/2021

18/04/2021

Fantastisk flott solnedgang sett frå Midøya 🤩

Ein passasjerbåt la seg til utanfor Midøya søndag kveld. Der fekk eit ukjent tal passasjerar og mannskap med seg ein fantastisk vakker solnedgang.

15/01/2021

Hege Helland, leiar i Folkestad IL, er naturlegvis blitt intervjua til både bok og dokumentar om seniorfotballen i Folkestad IL.
Her viser ho fram vimpelen som fortel at Folkestad IL vart stifta 25. august 1947.
Folkestad kom med i den organiserte seniorfotballen midt på 70-talet, men før det vart det spelt mange kampar mellom bygdelaga i Volda kommune.
Hege har sjølv spelt fotball for Folkestad IL!

15/01/2021

MJK Media inngår samarbeid med Exlevel AS om
DIGITAL ANNONSERING.

Arena: Sunnmørsbadet Fosnavåg

MJK Media tilbyr i samarbeid med Exlevel AS digital annonsering på eigne skjermar inne på SUNNMØRSBADET.

Sunnmørsbadet har sentral lokasjon i Fosnavåg og er Sunnmøre sitt største badeland.

Dette er ein arena som trekk besøkande frå heile regionen, samt turistar frå fjernt og nær.

Annonsering på våre skjermar gir svært god eksponering!

Våre skjermar har den beste plassering i kafeområdet, og besøkande blir eksponert for reklame både ved ankomst, opphald i kafèen og ved avreise.

Dette er i tillegg ein svært gunstig profileringsarena i samband med reklame for aktørar innan reiseliv og turisme.

Det er høve til å framvise reklame både i form av video og bildefiler.
---------------------------------------------------------------------------------------------------------
Pris:
12 mnd: Kr. 18 000,- totalt (kr. 1 500,- pr. mnd.)
8 mnd: Kr. 13 200,- totalt (kr. 1 650,- pr. mnd.)
4 mnd: Kr. 7 200,- totalt (kr. 1 800,- pr. mnd.)

Pris er oppgitt eks. mva. Fakturerast samla og ved oppstart, så lenge ikkje noko anna er avtalt.

I prisen er det inkludert 40 sekund reklamesekvens, fordelt på 3 stk. skjermar!
PS: Inkludert i prisen er utarbeiding av reklamen, dersom det er eit behov. Dette gjeld også utarbeiding av tekst.

Denne reklamen står du fritt til å bruke i fleire kanalar, som eksempelvis sosiale medier og aviser.
• 20 sek. Synkronisert bildevisning - Monitor 1 og 2.
• 20 sek. Bilde eller video - Monitor 3.
• Tilbyr 2 timars gratis produksjon av bildereklamen.
• Gratis endring av reklamen ved behov.
• Reklamen i «Sosiale medie-format» (for å poste reklamen på eks. Facebook og LinkedIn)

Kampanjer på 12 mnd. abonnement!
Sommarkampanje - Gjeld for juni, juli og august 2021
12 mnd – 25% RABATT: Kr. 13 500,- totalt. (Før pris: kr. 18 000,-)

Førjulskampanje - Gjeld for november og desember 2021
12 mnd – 25% RABATT: Kr. 13 500,- totalt. (Før pris: kr. 18 000,-)

Spørsmål knytt til Digital annonsering ved Sunnmørsbadet,
ta kontakt med Magne i MJK Media.
E-post: [email protected]
Mobil: 45497116

01/01/2021

Godt nyttår til alle følgjarar av MJK Media 🤩.

22/12/2020

I kveld, tysdag 22. desember, er eg programleiar for ei kveld/nattsending i Bygderadio Vest frå studio i Volda.
Det er direktesending, og vi er så heldige å få besøk av Sivert Heltne Nilsen. Voldingen tok seriesølv i fotball med Elfsborg i Sverige denne sesongen.
Ellers blir det julemusikk, konkurranser med flotte premiar og god julestemning 🎅🏻🤩🎅🏻.
Bli med, lytt og ring gjerne inn med gode svar på spørsmåla vi stiller frå studio 😉👍.
Sendinga tek til klokka 23.00 til om lag 00.30 😀

10/11/2020

Få oppdrag for MJK Media

Det har vore eit spesielt år med få oppdrag for MJK Media. Årsaka er naturlegvis koronapandemien, som har avlyst mange av dei faste arrangementa der MJK Media har delteke.

Difor var det ekstra kjekt å bli engasjert som speaker for ein superkveld med to fotballkampar på Myrane stadion for ei tid tilbake.

MJK Media har lydanlegg sjølv, som lagar god nok lyd til ei 7-ar bana som på Folkestad. Det vart ein stemningsfull og magisk aften for fotball i den mørke haustkvelden.

Eg legg ved eit bilete av tre solide folkestadbygdingar, som gjesta standen til MJK Media på grendahuset i bygda då det var lov å møtast på tilstellingar. Jon Arild Kvamme Solid (t.v.), Odd A. Folkestad og Per Folkestad slår alltid av ein god prat når vi møtes. 😀⚽️👍

10/11/2020

Bokprosjektet går sin gang gjennom MJK Media. Mest truleg kjem både bok og dokumentar om Seniorfotballen på Folkestad ut til neste sommar!
Det står likevel att ein del intervju og innsamling av bilder og materiell.
Sit du på noko ekstra spennande om seniorfotballen på Folkestad, så ikkje nøl med å ta kontakt med underteikna!
Det er naturlegvis ikkje berre karane, men også det unge junior/damelaget som var i sving på 80- og 90-talet som skal presenterast i bok og dokumentar 🤩⚽️👍