21/10/2025
गाजा युद्धमा हमासले बन्धक बनाएको अवस्थामा ज्यान गुमाएका कञ्चनपुरका विपिन जोशीको महाकाली नदीको तटमा दाहसंस्कार भएको छ।
विपिन जोशीलाई पार्थिव अवशेषलाई बुवा महानन्द जोशी र ठूलोबुवाका छोरा किशोर जोशीले दागबत्ती दिएका थिए। त्यसअघि सशस्त्र प्रहरीको एउटा टुकडीले सलामी अर्पण गरेको थियो।
कञ्चनपुरका प्रमुख जिल्ला अधिकारी लक्ष्मण ढकालले नेपालको राष्ट्रिय झण्डा ओढाएर विपिन जोशीप्रति सम्मान व्यक्त गरेका थिए।
त्यसअघि नेपालका लागि इजरेलका दूतावासका प्रतिनिधि इजरेलको झण्डा विपिनको शवमा ओढाउँदै इजरेली राष्ट्रपतिको शोक सन्देश वाचन गरेर सुनाएका थिए।
तस्बिर : हिक्मत रावल
