07/06/2026
नेपाल एसियन क्वालिफायरको फाइनलमा प्रवेश गरेको छ ।
आईतवार विहान भएको सेमिफाइनल खेलमा ओमानलाई ८ विकेटले हराउँदै नेपाल फाइनलमा प्रवेश गरेको हो ।
सिंगापुरमा भएको खेलमा टस जितेर पहिला ब्याटिङमा आएको ओमानलाई नेपालले १९.४ ओभरमा अलआउट गर्दै ९४ रनमा रोक्यो ।
ओमानलाई सस्तैमा अलआउट गर्न नेपालका लागि करण केसीले ३ विकेट लिँदा सोमपाल कामी र सन्दिप लामिछानेले २-२ तथा कप्तान दीपेन्द्र सिंह ऐरी, कुशल मल्ल र शाहब आलमले १-१ विकेट लिए ।
९५ रनको सामान्य विजयी लक्ष्य पछ्याएको नेपालले ९.२ ओभरमा २ विकेट गुमाउँदै पूरा गर्यो ।
नेपाललाई जिताउन लोकेश बमले अविजित ४४ रन जोड्दा रोहित पौडेलले २१ रन जोड्दै अविजित रहे ।
त्यस्तै ओपनरद्वय कुशल भुर्तेल र आसिफ शेखले क्रमश: २० र १ रनको योगदान गरे ।
| |
