17/07/2025
न्युरो टिप्न गएका सौराहाका युवामाथि सेनाको कुटपिट — चितवन राष्ट्रिय निकुञ्जमा आर्मीको ज्यादती?
✒️अस्मिता रिजाल
१ गते असार । बिहीबार
चितवन — चितवन राष्ट्रिय निकुञ्जभित्र न्युरो टिप्न गएका सौराहाका केही स्थानीय युवाहरूलाई नेपाली सेनाले मरणासन्न हुनेगरी कुटपिट गरेको भन्दै पीडित पक्षले गुनासो गरेका छन् ।
घटनामा घाइते भएका युवाहरूलाई तत्काल सौराहाबाट भरतपुरस्थित चितवन मेडिकल कलेज ( CMC ) अस्पतालको आकस्मिक कक्षमा भर्ना गरी उपचार भइरहेको छ।
स्थानीयवासीका अनुसार न्युरो टिप्न निकुञ्जभित्र छिरेका युवाहरूलाई नियन्त्रणमा लिने क्रममा नेपाली सेनाका जवानहरूले अनावश्यक रूपमा निर्घात कुटपिट गरेका हुन् । पीडितहरूका परिवार र स्थानीयहरूले सुरक्षाकर्मीको ज्यादती भएको भन्दै तत्काल निष्पक्ष छानबिन र दोषीमाथि कारबाहीको माग गरेका छन् ।
यता निकुञ्ज प्रशासन र सेनातर्फबाट यस विषयमा औपचारिक प्रतिक्रिया आउन बाँकी छ । पीडित पक्षले भने न्यायका लागि स्थानीय प्रशासनसँग समेत गुहार माग्ने तयारी गरिरहेका छन्।
#ग्रेट_टिभी
