Great Tv

10/08/2025

"घुमौं खैरहनी" अभियान अन्तर्गत पहिलो पटक वृहत् देवघाट साइकल यात्रा साउनको अन्तिम सोमबार खैरहनीबाट हुँदै ।
✒️अस्मिता रिजाल
२५ गते आइतबार । चितवन , खैरहनी

साईकल सिटी खैरहनी चितवनको आयोजनामा "घुमौं खैरहनी" अभियान अन्तर्गत पहिलो पटक वृहत् देवघाट साइकल यात्रा साउनको अन्तिम सोमबार यहि साउन २६ गते सोमबार खैरहनीबाट सुरु हुने भएको छ ।

"मेरो गन्तव्य मात्र दूरी होइन, अनुभव हो" नारा बोकेर प्रथम देवघाट वृहत् साईकल यात्रा आगामी सोमबार बिहान आयोजना गर्न लागिएको हो । प्रमुख अतिथि उद्योग वाणिज्य संघ खैरहनीका अध्यक्ष कुमार खनालको हातबाट चौविसकोठी पर्सामा बिहान ४:४५ बजे औपचारिक कार्यक्रमको उद्घाटन गरिनेछ ।

यस यात्रामा सम्पूर्ण साइकल प्रेमी साथीहरूलाई समयमै जम्मा हुन (बिहान ४:३० बजे) र यात्रामा उत्साहपूर्वक सहभागी भई "घुमौं खैरहनी" अभियानलाई सफल पार्न आयोजकले हार्दिक आह्वान गरेका समेत गरेका छन् ।
#ग्रेट_टिभी

09/08/2025

जनै पूर्णिमा तथा रक्षा बन्धनको पावन अवसरमा सम्पूर्णमा शुभकामना व्यक्त गर्दछु।धर्म,संस्कार र सम्बन्ध जोड्ने यो अनुपम पर्वले सबैको जीवनमा सुख, शान्ति, र समृद्धि ल्याउन सकोस् हार्दिक शुभकामना !

08/08/2025

पर्सा खैरहनी जुनियर जेसिजद्वारा खरखुट्टे आधारभूत विद्यालयमा स्टेशनरी सामग्री वितरण
✒️अस्मिता रिजाल
चितवन, खैरहनी । शुक्रबार
पर्सा खैरहनी जुनियर जेसिजको आयोजनामा खरखुट्टे आधारभूत विद्यालयमा विद्यार्थीहरूलाई स्टेशनरी सामग्री वितरण गरिएको छ ।

वर्ष २०२५ का अध्यक्ष जु. जेसि स्पर्स नहर्कीको सभापतित्वमा सम्पन्न कार्यक्रममा, पर्सा खैरहनी जेसिजका पूर्व अध्यक्ष जेसि गुणराज श्रेष्ठ प्रमुख अतिथि र पूर्व अध्यक्ष जेसि रमेश पराजुली विशिष्ट अतिथि रहनुभएको थियो ।

सो अवसरमा विद्यालयका विभिन्न पदाधिकारी तथा प्रधानाध्यापक कमला देवकोटासहित शिक्षक–कर्मचारीहरूको उपस्थितिमा विद्यार्थीसम्म आवश्यक स्टेशनरी सामग्री हस्तान्तरण गरिएको थियो ।

कार्यक्रमले विद्यार्थीहरूमा अध्ययनप्रतिको उत्साह अभिवृद्धि गर्ने र स्थानीय समुदायमा शिक्षा–सहयोगको सन्देश फैलाउने विश्वास व्यक्त गरिएको छ ।
#ग्रेट_टिभी

08/08/2025

माडीमा गैंडा मृत प्रकरण | किसानको गिरफ्तारी विरुद्ध प्रदर्शन, प्रहरी–स्थानीय झडप !
#ग्रेट_टिभी

ितवन — माडी–२ भैरवपुरका कृषक हरिभक्त श...

08/08/2025

चितवन — माडी–२ भैरवपुरका कृषक हरिभक्त श्रेष्ठको गिरफ्तारीविरुद्ध माडी–१ बरुवा बजार बुद्धचोकमा विरोध कार्यक्रम चलिरहेका बेला प्रहरी र स्थानीयबीच झडप भएको छ।

धानखेतमा गैंडा मृत्यु प्रकरणमा श्रेष्ठलाई बिना प्रमाण पक्राउ गरिएको भन्दै स्थानीयले विरोध प्रदर्शन सुरु गरेका थिए। प्रहरीको हस्तक्षेपपछि स्थिति तनावग्रस्त बनेको र दुबै पक्षबीच धक्का–मुक्की तथा झडप भएको थियो ।

प्रदर्शनकारीहरूले श्रेष्ठको तत्काल रिहाइको माग गर्दै रिहाइ नभएसम्म आन्दोलन जारी राख्ने चेतावनी दिएका छन्। झडपका क्रममा केही व्यक्ति र प्रहरी घाइते भएको प्रारम्भिक जानकारी छ। बुधबार बिहान माडी–२ भैरवपुरस्थित धानखेतमा गैंडा मृत भेटिएपछि निकुञ्ज प्रशासनले कृषक श्रेष्ठलाई अनुसन्धानका लागि नियन्त्रणमा लिएको थियो । भिडियो स्रोत : स्वदेश एफएम
#ग्रेट_टिभी

08/08/2025

कंकाली सामुदायिक वनमा ‘मोहर’को मोहक दृश्य, नायक पल शाह र नायिका नीति शाहको उपस्थितिले पर्यटक र दर्शक मोहित ।
✒️अस्मिता रिजाल
२३ गते साउन । शुक्रबार
चितवन, खैरहनी — खैरहनी नगरपालिका–चैनपुरस्थित अत्यन्तै सुन्दर र प्राकृतिक सौन्दर्यले भरिपूर्ण कंकाली सामुदायिक वन आज साँच्चिकै चलचित्र प्रेमी र पर्यटकका लागि आकर्षणको केन्द्र बनेको छ । बहुप्रतिक्षित नेपाली चलचित्र ‘मोहर’को मनमोहक दृश्य यहाँ खिचिएको छ, जसमा सर्वाधिक लोकप्रिय नायक पल शाह र चर्चित नायिका नीति शाहको दमदार अभिनय देख्न पाइन्छ ।

हरियाली वन, शान्त वातावरण र सुन्दर प्राकृतिक पृष्ठभूमिमा खिचिएको यो दृश्यले चलचित्रलाई अझै जीवन्त बनाएको छ। ‘मोहर’को निर्माण पक्षले पनि यसलाई पर्यटन प्रवर्द्धन र कला–संस्कृतिको अद्वितीय मेलको रूपमा प्रस्तुत गर्न खोजेको देखिन्छ ।

स्थानीय बासिन्दा र वन घुम्न आएका पर्यटकहरूले पनि कलाकारहरूको उपस्थिति र खिचिएका दृश्यको प्रशंसा गर्दै, यस किसिमका कामहरूले खैरहनीलाई राष्ट्रिय तथा अन्तर्राष्ट्रिय स्तरमा चिनाउने विश्वास व्यक्त समेत गरेका छन् ।
#ग्रेट_टिभी

08/08/2025

महिला लघुवित्त वित्तीय संस्था, टाँडी शाखाद्वारा स्व. सन्जु कुमारी चौधरीको परिवारलाई मृत्यु दाबी बीमा रकम हस्तान्तरण
#ग्रेट_टिभी

08/08/2025

खैरहनी नगरपालिका, चितवन शिक्षा शाखाले दिएको जानकारी अनुसार खैरहनी भित्र रहेका संस्थागत तथा सामुदायिक विद्यालयहरुको शैक्षिक सत्र २०८१ को कक्षा १२ को नतिजा ।
#ग्रेट_टिभी

08/08/2025

कुमरोज मध्यवर्ती सामुदायिक वन उपभोक्ता समूह खैरहनी नगरपालिका, चितवन मा रहेको जङ्गल भित्रको काठे मचान टावरमा बस्दाको अनुभव यसरी साट्नुहुन्छ; अभिनेता पल शाह ।
#आज शुक्रबार देखि सर्वाधिक लोकप्रीय अभिनेता Paul Shah को अभिनय रहेको बहुप्रतिक्षित चलचित्र मोहरको पूर्ण सफलताको शुभकामना । #ग्रेट_टिभी

07/08/2025

भरतपुर । यसवर्षको कक्षा १२ को नतिजाअनुसार देशभर कसैको पनि चार जिपिए आएन । राष्ट्रिय परीक्षा बोर्डले दिएको जानकार...

06/08/2025

प्रहरी चौकी जुटपानी अनुगमन, प्रहरी निरिक्षक (ईन्सपेक्टर) आउँदै |

रत्ननगर, साउन २१ । कालिका नगरपालिकाका नगर प्रमुख विनोद रेग्मी र जिल्ला प्रहरी कार्यालय चितवनका प्रमुख प्रहरी उपरिक्षक (एसपी) गोविन्द पुरीले प्रहरी चौकी जुटपानीको अनुगमन गरेकाछन् ।
अनुगमनका क्रममा कालिका ७ मा रहेको प्रहरी चौकी जुटपानीमा प्रहरी निरिक्षक दरबन्दी, प्रहरीको दैनिक गतिविधि, समस्या, स्थानीयसंग प्रहरीको समन्वय लगायतका बिषयमा जिल्ला प्रहरी कार्यालय चितवनका प्रमुख प्रहरी उपरिक्षक (एसपी) पुरीसंग नगर प्रमुख रेग्मीले छलफल गर्नुभएको थियो ।

प्रतिक्रिया स्वरूप प्रहरी उपरिक्षक (एसपी) पुरीले कालिका नगरपालिकामा छिट्टै प्रहरी निरिक्षक आउने कुरा बताएका छन् । नेपाल प्रहरीको इतिहास गर्व गर्न लायक रहेको उल्लेख गर्दै सीमित साधन स्रोतका बाबजूद पनि शान्ति सुरक्षा कायम गर्न, अपराध अनुसन्धान एवम् विपद्को समयमा उद्दार गर्न, जोखिमबाट बचाउन नेपाल प्रहरीले निर्वाह गरेको भूमिका महत्वपूर्ण रहेको उनले बताए ।

कालिका नगरपालिकामा शान्ति सुरक्षाको सुदृढीकरणका लागि लामो समयदेखि स्थानीय जनप्रतिनिधिहरूले यस्तो माग राख्दै आएका थिए ।

सोही क्रममा बोल्दै नगर प्रमुख रेग्मीले एक हप्ता वा दश दिन भित्र प्रहरी चौकी जुटपानीमा प्रहरी निरिक्षक आउने जानकारी दिए ।
उनले भने, “प्रहरी अधिकृत आउँदा न्यूनतम पूर्वाधार निर्माण, गाडी मर्मत, अन्य अफिसमा आवश्यक पर्ने सामग्रीहरू नगरपालिकाले सहयोग गर्नेछ । ”

धेरै वर्षको प्रयासपछि सफल हुने चरणमा पुगेकोमा नगर प्रमुख रेग्मीले खुसी व्यक्त गरे ।

गत साउन १४ गते नेपाल प्रहरीका महानिरीक्षक (आईजीपी) दिपक थापा र कालिका नगरपालिकाका मेयर विनोद रेग्मीबिच भरतपुरमा एक महत्त्वपूर्ण भेटवार्ता भएको थियो । भेटका क्रममा मेयर रेग्मीले कालिका नगरपालिकामा ईन्पेक्टरको दरबन्दीसहितको प्रहरी चौकी स्थापनाको विषयमा चासो राखेका थिए ।

प्रहरी चौकी अनुगमनका क्रममा उपप्रमुख विमला तामाङ, नगरका प्रवक्ता तथा कालिका २ का वडा अध्यक्ष लक्ष्मण पौडेल, कालिकाका शाखा अधिकृत प्रकाश चन्द्र पौडेल, ईलाका प्रहरी कार्यालय रत्ननगर टाँडीका कार्यालय प्रमुख प्रहरी नायव उपरीक्षक (डिएसपी) रञ्जन अवा, प्रहरी चौकी जुटपानी, खोलेसिमल प्रहरी बिट, प्रहरी चौकी पदमपुरका प्रहरी प्रमुख र प्रहरीहरुको सहभागिता रहेको थियो ।
#ग्रेट_टिभी