09/08/2026
बाढीपछि नेपालमा अस्ट्रेलियाका ५० विज्ञ तथा सुरक्षाकर्मी परिचालित
वि पद्पछि नेपालमा खोज, उद्धार र राहत कार्यका लागि अस्ट्रेलियन सरकारले झन्डै ५० जना विज्ञ तथा सुरक्षाकर्मीलाई परिचालन गरेको छ । जसमा १५ सदस्यीय ‘आपत्कालीन सहायता प्रतिक्रिया टोली’ समावेश छ । त्यस्तै, न्यु साउथ वेल्स र क्विन्सल्यान्डका अग्नि नियन्त्रक विभागबाट आएका ड्रोन अपरेटरहरूले कठिन भूभागमा छिटो नक्सांकन र खोजबिनका लागि आधुनिक प्रविधि प्रयोग गरिरहेका छन् । साथै, अस्ट्रेलियन संघीय प्रहरीका वि पद् पीडित पहिचान विशेषज्ञहरू पनि परिचालन भएका छन् । विदेश मामिला तथा व्यापार विभागका अधिकारी तथा सर्भिसेज अस्ट्रेलियाका सामाजिक कार्यकर्ताहरू काठमाडौं आइपुगेका छन् । भोटेकोशी बाढीमा परी ३६ जना अस्ट्रेलियन नागरिक सम्पर्कविहीन भएका छन् । सोमबार अस्ट्रेलियाको सिनेटलाई सम्बोधन गर्दै अस्ट्रेलिया सरकारका प्रतिनिधिले नेपाल, चीन र भारतका अधिकारीसँगको उच्च समन्वयमा सम्पर्कविहीन नागरिकहरूको खोजी तीव्र पारिएको जानकारी दिएका छन् । बाढीले बस्ती, सडक तथा पुलहरूमा पुर्याएको क्षति अत्यन्तै गम्भीर रहेको र यसले बेपत्ता परिवारमा गहिरो चिन्ता थपेको सरकारको भनाइ छ ।
