02/03/2026
आदरणीय मोरङ ६ निवासी आमाबुवा दाजुभाइ तथा दिदीबहिनीहरू
घरदैलो अभियानका क्रममा तपाईंहरूको आँगनमा पुग्दा मैले जुन न्यानो आत्मीयता र भरोसा पाएँ त्यसले मलाई थप जिम्मेवार बनाएको छ। यस यात्राले मलाई मोरङ६ को वास्तविक अवस्था नागरिकका अपेक्षा र आधारभूत चुनौतीहरूलाई वस्तुगत रूपमा बुझ्ने अवसर दिएको छ।
बस्तीहरूमा पुग्दा कतै पूर्वाधारको आवश्यकता, कतै कृषिमा देखिएका समस्या त कतै अवसरको पर्खाइमा रहेका युवाहरूको आवाज मैले सुनेको छु। जनस्तरका यी गुनासाहरू केवल टिपोटका विषय मात्र होइनन् मेरो आगामी कार्ययोजनाका मार्गदर्शक हुन्।
हाम्रो साझा समृद्धिका लागि वैदिक सनातन धर्म र संस्कृतिको संरक्षण सँगै कृषि क्षेत्रको आधुनिकीकरण मेरो प्राथमिकता रहनेछ। साथै युवाहरूलाई स्वदेशमै उद्यमशीलता र रोजगारीका अवसर सिर्जना गर्न तथा सरकारी सेवालाई पारदर्शी भ्रष्टाचारमुक्त र डिजिटल बनाउन म पूर्ण प्रतिबद्ध छु।
समय र भौगोलिक प्रतिकूलताका कारण यदि कसैको घरदैलोमा म व्यक्तिगत रूपमा उपस्थित हुन सकिनँ भने यसै माध्यमबाट क्षमायाचना व्यक्त गर्दछु। मोरङ–६ को सन्तुलित विकास र स्थायित्वका लागि तपाईंहरूको अमूल्य सुझाव, साथ र अटुट विश्वासको अपेक्षा गर्दछु।
धन्यवाद।
सविन निरौला
मोरङ क्षेत्र नम्बर ६ बाट प्रत्यक्ष तर्फ उम्मेदवार
राष्ट्रिय प्रजातन्त्र पार्टी
