Pradesh1tv (2025)

12/08/2025

फिलिपिन्सका डुङ्गा पछ्याउँदा चिनियाँ पानीजहाजहरू आपसमा ठोक्किए

04/08/2025

दुर्गा प्रसाईंलाई स्वागत गर्न डिल्लीबजार कारागारमै पुगे कांग्रेस सांसद डा. सुनील शर्मा

काठमाडौं, साउन १९ — बैंकिङ कसुर र राजावादी आन्दोलनसम्बन्धी मुद्दामा अदालतबाट धरौटीमा रिहा भएका दुर्गा प्रसाईंलाई स्वागत गर्न नेपाली कांग्रेसका सांसद डा. सुनील शर्मा डिल्लीबजार कारागार परिसरमै पुगेका छन्।

उच्च अदालत पाटनले सोमबार प्रसाईंलाई कूल २८ लाख रुपैयाँ धरौटीमा रिहा गर्न आदेश दिएको थियो। आदेश जारी भएलगत्तै डिल्लीबजार कारागार परिसरमा राजनीतिक समर्थकहरूको भीड जम्मा हुन थालेको थियो, जहाँ सांसद शर्माको उपस्थिति विशेष रूपमा चर्चाको विषय बन्यो।

डा. शर्मा, जो नेपाली कांग्रेसभित्रका चर्चित चिकित्सक र विवादास्पद अभिव्यक्तिहरूका लागि चिनिन्छन्, प्रसाईंलाई समर्थन गर्दै खुलेर स्वागत गर्न पुगेका हुन्। उनी प्रसाईंसँग आत्मीय रूपमा भेटघाट गर्दै कारागार परिसरमै केही समय बसेका थिए।

दुर्गा प्रसाईं, जो पछिल्लो समय राजावादी आन्दोलनका एक प्रमुख अनुयायी र खुलेआम वामपन्थी र सत्ता समीकरणका विरोधीका रूपमा देखिँदै आएका छन्, उनलाई सरकारविरुद्ध आक्रामक अभिव्यक्तिका साथै बैंकिङ कसुरका मुद्दाले पछ्याउँदै आएको थियो।

उच्च अदालतको आदेशपछि कारागार बाहिर समर्थकहरूले "राजा आउ देश बचाउ" नारासमेत लगाएका थिए।

यस घटनाले राजनीतिक तहमा नयाँ बहस सिर्जना गरेको छ। एकातर्फ कांग्रेसका सांसदको यस्तो भूमिकाले पार्टीभित्रै प्रश्न उठाएको छ भने अर्कोतर्फ प्रसाईंका पक्षधरहरू यो घटनालाई "न्यायको जित" भन्दै प्रचार गरिरहेका छन्।

02/08/2025

कहिले पुग्छ सहकारी पीडितको आवाज सरकारको कानसम्म।

01/08/2025

पूर्व प्रधानमन्त्री तथा अध्यक्ष, माधवकुमार नेपाल, नेपाल कम्युनिस्ट पार्टी (एकीकृत समाजवादी) । पार्टीगत भेटघाटको क्रममा कोशी प्रदेशमा, विराटनगरको एयरपोर्टमा पत्रकारहरूसँग भेटघाट गर्दै, "आफूले त्यस्तो कुनै त्रुटि नगरेको विधिवत रुपमा नै सो कार्य भएको हो" भन्ने जानकारी गराउनुभएको थियो ।

01/08/2025

‘टेक एन्ड पे’ प्रावधानमा संशोधन र छलछामको आरोप

१. ‘टेक एन्ड पे’ प्रावधानको करारमा विरोधपछि हट्याउने निर्णय

विवादास्पद ‘टेक एन्ड पे’ प्रावधानलाई दबाब र विरोधका आधारमा सरकारले अन्ततः हटाएको छ। यसले ऊर्जा उत्पादक उद्योगमा आक्रोश उत्पन्न गरेको थियो ।
प्रधानमन्त्री ओलीले संसदमा यसबारे जवाफ दिँदै भने:
शुभ इच्छा लिएर आएको प्रावधानले सम्भावित नोक्सान देखिएपछि हामीले यसलाई हटाएका हौँ।

उनीसँगै अर्थमन्त्री विष्णु प्रसाद पौडेलले पनि सरकारको ऊर्जा रणनीतिमा समेटिएका कारण र जोखिम विश्लेषण बारे ब्याख्या गरे

२. विरोधका कारण र आर्थिक प्रभाव

टेक एन्ड पे’ मोडेलले तत्काल खरीदको प्रतिश्रुति नदिएकोले निजी र वित्तीय क्षेत्रका लगानीकर्ताहरूले असन्तुष्टि जनाएका थिए। यसले रु ६६ अर्बभन्दा बढी लगानी जोखिममा पर्ने, र ऊर्जा विकास लक्ष्यमा असर पर्ने चेतावनी पनि दिएका थिए ।
उद्योगीहरू र निजी कम्पनीहरूले यसको हटावको माग गर्दा संसद्लाई समेत देखिने दबाब पुगेको थियो।

३. प्रावधानको कानुनी र प्रक्रिया पक्ष

यस प्रावधानको रद्दसँगै सरकारले “टेक अोर पे” (Take or Pay) मोडेल कायम राख्ने योजना सार्वजनिक गरेको छ, जसले उत्पादकलाई उत्पादन गरे बापत खरीद सुनिश्चित गर्ने व्यवस्था बनाउँछ

31/07/2025

विराटनगरमा रहनुभएका विद्वान अधिवक्ता र पत्रकार ज्यूहरूसँगको केही संवाद ।

31/07/2025

काठमाडौं संवाददाता।
एक दलको कलहमा अर्को दल सहभागी
बागमती प्रदेशमा सरकारकाे नेतृत्व गरिरहेकाे दल नेपाली कांग्रेसमा देखिएकाे कलह भित्र अर्काे सत्ता साझेदार नेकपा एमाले पनि प्रवेश गरेकाे छ । यी दुइ दलबीच भएकाे छलफलमा मुख्यमन्त्री परिवर्तनको विषय बालुवाटारसम्म पुगेको छ । यही विषयमा छलफल गर्न बिहीबार बालुवाटारमा प्रधानमन्त्री केपी शर्मा ओलीसहित सत्ता सहयात्री कांग्रेस र एमालेका शीर्ष नेताले घनिभूत छलफल गरेका छन् । छलफलमा मुख्यमन्त्री बहादुरसिंह लामालाई राजीनामा दिन लगाउनेसम्मका चर्चा भएको छ । बैठकमा एमाले अध्यक्षसमेत रहेका ओली, कांग्रेस सभापति एवं पूर्वप्रधानमन्त्री शेरबहादुर देउवा, कांग्रेस उपसभापति पूर्णबहादुर खड्का, एमाले उपाध्यक्ष तथा उपप्रधानमन्त्री एवं अर्थमन्त्री विष्णुप्रसाद पौडेल, गृहमन्त्री एवं कांग्रेस नेता रमेश लेखक, प्रधानमन्त्रीका मुख्य सल्लाहकार एवं एमालेका उपमहासचिव विष्णुप्रसाद रिमाललगायत सहभागी थिए । बैठकमा सहभागी एक नेताका अनुसार कांग्रेस सभापति देउवाले मुख्यमन्त्री लामालाई आजै काठमाडौं बोलाएका छन् । लामा पनि देउवालाई भेट्न आउँदै गरेको ती नेताले बताए । देउवाले लामालाई राजीनामा दिएर मार्गप्रशस्त गर्न आग्रह गर्नेसमेत बैठकमा छलफल भएको छ । मुख्यमन्त्री लामाले पनि आफू काठमाडौं आउँदै गरेको बताए । उनले भने, 'म काठमाडौं आउँदै छु । टिमसँग छलफल गरेर मात्र राजीनामा दिने/नदिनेबारे निर्णय लिनेछु ।' एमालेले पनि पहिला कांग्रेसले नै आन्तरिक किचलो मिलाओस् भन्ने धारणा बैठकमा राखेको थियो । यदि देउवाको आग्रह पनि नमाने लामालाई दिएको समर्थन फिर्ता लिँदै एमालेले सरकार छाड्नेसम्मको विकल्पमा दुई दलबीचको कुराकानी भएको छ । पार्टी प्रदेश संसदीय दलको नेताको हैसियत गुमाए पनि बागमती प्रदेशका मुख्यमन्त्रीबाट लामाले राजीनामा दिएका छैनन् । कांग्रेसको प्रदेश संसदीय दलको बुधबार सम्पन्न निर्वाचनबाट लामाको स्थानमा सांसद इन्द्रबहादुर बानियाँ दलको नेता चयन भएका छन् । प्रदेशसभामा कांग्रेसका ३७ सांसदमा बानियाँको पक्षमा २२ र लामाको पक्षमा १४ मत परेको थियो । एक मत बदर भएको थियो । दलको नेता गुमेपछि लामामाथि नैतिक र राजनीतिक प्रश्न एकैसाथ उब्जिए पनि उनी राजीनामा दिने सोचमा छैनन् । यस्तोमा उनलाई तत्काल हटाउनका लागि एमालेले औपचारिक रूपमा सरकारबाट बाहिरिने निर्णय गर्नुपर्छ । त्यसो हुँदा गठबन्धनको पार्टनर एमाले सरकारबाट बाहिरिएपछि लामाले ३० दिनभित्र विश्वासको मत लिनुपर्ने बाध्यात्मक स्थिति हुन्छ । ८ साउन २०८१ मा मुख्यमन्त्री नियुक्ति भएका लामाविरुद्ध दुई वर्षसम्म अविश्वासको प्रस्ताव राख्न नपाइने भएकाले त्यो व्यवस्था अहिले उनको हकमा आकर्षित हुन्न । संघको हकमा संविधानको धारा ७६(२) र प्रदेशको हकमा धारा १६८ (२) ले संयुक्त सरकारको नेतृत्वका लागि दलको नेता हुनुपर्ने संवैधानिक बाध्यता राखेको छैन । ‘कुनै पनि दलको स्पष्ट बहुमत नरहेको अवस्थामा प्रदेशसभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्न सक्ने प्रदेशसभाको सदस्यलाई प्रदेश प्रमुखले मुख्यमन्त्री नियुक्ति गर्नेछ’ भन्ने व्यवस्था संविधानको धारा १६८ (२) मा रहेको छ।

30/07/2025

शेखर कोइरालाले अख्तियार प्रमुखको खुलेआम आलोचना: "सरकार र अख्तियारबीच साटासाटको मिलेमतो छ"

विराटनगर, २०८२ साउन १४

नेपाली कांग्रेसका प्रभावशाली नेता तथा पूर्व महामन्त्री डा. शेखर कोइरालाले अख्तियार दुरुपयोग अनुसन्धान आयोग (CIAA) प्रमुखको कामप्रति कडा असन्तुष्टि व्यक्त गरेका छन्। आज विराटनगर आइपुग्दा उनले पत्रकारहरूसँगको छोटो कुराकानीमा सरकार र अख्तियारबीचको ‘मिलेमतो’ ले भ्रष्टाचार नियन्त्रणको आशा चकनाचुर बनाएको बताए।

कोइरालाले विशेष रूपमा ललितानिवास जग्गा हिनामिनाको प्रकरणमा सरकार र अख्तियारले मिलेर दोषीलाई जोगाउने र निर्दोषमाथि कारबाही गर्ने नीति लिएको दाबी गरे। "यो राजनीतिक साटासाट हो, न्यायको होइन।

उनले भने—

"न्याय दिनुपर्ने संस्थाले अन्याय गर्न थाल्यो भने त्यो संस्था गम्भीर प्रश्नको घेरामा आउँछ।"

30/07/2025

काठमाडौँ
संसदमा छलफलमा रहेको मिडिया काउन्सिल विधेयक सरकार नियन्त्रित हुनेगरी अघि बढाइएको भन्दै नेकपा (एकीकृत समाजवादी) निकट समाजवादी प्रेस संगठनले आपत्ति जनाएको छ । सङ्गठनमा महासचिव रोहित दाहालले बुधवार विज्ञप्ति जारी गर्दै प्रतिनिधिसभाको शिक्षा, स्वास्थ्य तथा सूचना प्रविधि समितिमा रहेको विधेयक बिना संशोधन अघि बढाए मान्य नहुने बताएका छन्।

29/07/2025

प्रधानमन्त्री केपी शर्मा ओलीले रास्वपा सभापति रवि लामिछानेलाई प्रतिशोध राखेको भन्दै रास्वपाले चलाएको हस्ताक्षर अभियानप्रति कटाक्ष गरेका छन् ।
उनले भने - "विभिन्न प्रकारका अ'पराध गर्यो, अनि सरकारलाई गाली । सरकार अदालत होइन, अदालतले थुन्छ कि छाड्छ सरकारको हातमा हुँदैन । ठ'गी गरेपछि अदालतले थुन्छ त हामी के गर्ने ? नचाहिने काम गर्ने बेलामा आँखा नदेख्ने अनि के को प्रतिशोध ? रवि लामिछानेलाई आफूले राजनीतिमा ल्याएको उपप्रधानमन्त्री, गृहमन्त्री बनाएको बताउँदै भने - "तथाकथित हस्ताक्षर क्याम्पेन, मलाई डर लागेको छ, तीन करोडभन्दा माथि हस्ताक्षर क्याम्पेन भयो भने, सचेत हुनुस् है, तीन करोडभन्दा माथि नपुर्‍याउनुस् ।"

29/07/2025

लम्कीचुहा–१ मा प्रधानमन्त्री ओलीको गाडी पछ्याउँदै आएका सुदूरपश्चिमका मन्त्री सुरेन्द्र पाल र हिरासिंह सार्की चढेका गाडी आपसमा ठोक्किएका छन्।

29/07/2025

कहिले सम्म पाउने कृषक ले सास्ति ? मल खाद र पानी को चपेटा मा पश्चिम र पुर्व का किशान हरु। पस्छछिम मा पानी नपरेर खडेरि लाग्या छ भने पुर्व मा मल खाद पर्याप्त नभएर बालिनालि फस्टाउन सकेको छैन।

Pradesh1tv

12/08/2025

04/08/2025

02/08/2025

01/08/2025

01/08/2025

31/07/2025

31/07/2025

30/07/2025

30/07/2025

29/07/2025

29/07/2025

29/07/2025

Address

Website

Alerts

Contact The Business

Shortcuts

Share