साझा प्रकाशन, पुस्तक प्रदर्शनी तथा बिक्री कक्ष, बिराटनगर।

01/06/2025

वरिष्ठ संगितकार तथा गायक एवं सर्जक गणेश रसिक रहनु भएन भन्ने दुःखद खबरले सम्पूर्ण नेपाली मन गह्रौँ बनाएको छ।
साँच्चै भन्नुपर्दा, एउटा हार्मोनियम अब सधैँका लागि मौन भयो।
उहाँको संगीत, आवाज, र आत्मीयताको मिठास सधैँ हाम्रो स्मृतिमा जीवित रहनेछ।
शान्तिको कामना गर्दै श्री गणेश रसिकप्रति हार्दिक श्रद्धाञ्जली अर्पण गर्दछौँ। शोकसन्तप्त परिवारजनमा गहिरो समवेदना!

30/05/2025

वरिष्ठ साहित्यकार विजय चालिसेज्यूको असामयिक निधनले साहित्यिक जगत् स्तब्ध भएको छ। वहाँप्रति हार्दिक श्रद्धाञ्जली अर्पण गर्दछौँ। दिवंगत आत्माको चिरशान्तिको कामना गर्दै शोकसन्तप्त परिवारजनमा गहिरो समवेदना व्यक्त गर्दछौँ।

27/04/2025

07/04/2025

हार्दिक श्रद्धाञ्जली!!!!!
वरिष्ठ पत्रकार, साहित्यकार तथा नेपाली पत्रकारिताका जीवित इतिहास भैरव रिसालज्यूको दुःखद निधनले हामी गहिरो शोकमा छौं। उहाँको कलमले बोलेका सत्य, देशप्रेम र जनताका पक्षमा लेखिएका हर अक्षर सदैव प्रेरणादायी रहनेछन्।
उहाँको दीर्घ योगदान प्रति श्रद्धा प्रकट गर्दै,
साझा प्रकाशन विराटनगर परिवारको तर्फबाट
उहाँप्रति भावपूर्ण श्रद्धाञ्जली अर्पण गर्दछौं।
शोकसन्तप्त परिवारजनप्रति गहिरो समवेदना!

14/03/2025

हार्दिक श्रद्धाञ्जली

प्रख्यात साहित्यकार लील बहादुर क्षेत्रीको दुःखद निधनले नेपाली साहित्यमा अपूरणीय क्षति पुगेको छ। 'बसाइँ' उपन्यास मार्फत नेपाली समाजको यथार्थ चित्रण गर्ने उहाँका अन्य कृतिहरू पनि उत्तिकै सशक्त छन्। कथा, निबन्ध, नाटक आदि विधामा उहाँको योगदान अविस्मरणीय रहनेछ।

भारतको असममा रहेर नेपाली भाषा र साहित्यको सेवामा समर्पित क्षेत्री सम्मानित स्रष्टा हुनुहुन्थ्यो। उहाँलाई पद्मश्री, साहित्य अकादेमी पुरस्कार, तथा जगदम्बा श्री जस्ता प्रतिष्ठित सम्मानहरूले विभूषित गरिएको थियो।

उहाँको अमूल्य योगदान सदा स्मरणीय रहनेछ। भावपूर्ण श्रद्धाञ्जली!

24/02/2025

नेपाली भाषा र शिक्षाका उज्यालो दीप, महान भाषाविद्, व्याकरणविद् तथा कोशकार चूडामणि गौतमको निधनको समाचारले सम्पूर्ण नेपाली साहित्य र शिक्षा जगतलाई अपूरणीय क्षति पुगेको छ।नेपाली भाषा, शिक्षा र ज्ञानको क्षेत्रमा वहाँले देखाएको बाटो हाम्रा लागि सधैं प्रेरणादायी रहनेछ। वहाँप्रति भावपूर्ण श्रद्धाञ्जली!

03/02/2025

वसन्त पञ्चमीको हार्दिक मङ्गलमय शुभकामना!