20/02/2026
३०/३५ बर्षका बालेन साह निर्वाचनमा पहिलो पटक मेयर बनेका थिए । औपचारिक रुपमा भर्खरै रास्वपा पार्टी राजनीतिक दलमा आवद्ध भएर राजनीति शुरु गरेका हुन् । उनी काठमाडौ बाहिर निस्किदा उनीप्रतिको क्रेज देखेर बालेन देश दौडाहामा निकै घुमे । अहिले ‘ट्राभल विक्नेस भएको समाचार आएको छ । उहाँलाई स्वास्थ्य लाभको कामना ! बालेन भन्दा दोब्बर बढी उमेरका ७१ बर्षीय वृद्ध पुष्पकमल दाहाल ‘प्रचण्ड’ १० बर्ष सशस्त्र जनयुद्धमा भूमिगत भई बम, बारुद सहित शाही सेनासँग जुध्दै शान्ति प्रकृयामा आएरपनि खुला राजनीतिक दलहरुसँग समेत लडेर अहिलेसम्म थाकेका छैनन् । ठुङठुङती मर्निङवाक पनि हिडेका छन् । उनी तराई झर्दा काठमाडौंमा दुर्गा प्रसाँई लगायतका राजावादीको आन्दोलनले धावा बोली रहँदा केपी ओली नेतृत्वको एमाले कांग्रेसको सरकार मुकदर्शक बन्यो । प्रचण्ड नै अभियान छोडेर काठमाडौं फर्किएपछि आन्दोलनलाई चुनौती दिए । जेनजी आन्दोलनले सत्ता साझेदार दल नेपाली कांग्रेसका निवर्तमान सभापति शेरबहादुर देउवा दम्पत्ति कुटिए । देशको कार्यकारी प्रमुख प्रधानमन्त्री हेलीकप्टर चढेर भाग्नुपर्ने अवस्था आयो । व्यावस्था नै संकटमा पर्ने अवस्था आएपछि त्यसलाई बचाउन अग्रपंक्तिमा रहेर सरोकारवालाहरुसँग छलफल परामर्श र पहलकदमी पनि प्रचण्डले नै गरेका छन् । उनी मधेस, पहाड, हिमालसम्म पुगेका छन् । उनै प्रचण्डको नेतृत्व र सक्रियतामा आएको गणतन्त्र, अभिव्यक्ति स्वतन्त्रता, नागरिक स्वतन्त्रताको अधिकार लगायतका अधिकारहरुको प्रयोग गरेर उनैलाई ‘पूराना नेता’ ‘डेड एक्सपाएर’ अनि माओवादी र कम्युनिष्ट आन्दोलन खराब भन्नेहरुको भीड देखाउछन् ।
