Jugal Digital

08/01/2025

Nepali Songs

29/07/2024

२०८१-०४-१४
पोखरा

पोखरा महानगरपालिका वडा नम्बर २१ मट्टीखान जाने बाटोमा ग १ प ६२१९ नम्बरको स्कुल बस दुर्घटना हुँदा एक जनाको मृत्यु भएको छ।
दुर्घटनामा चालक र २० जना विद्यार्थी घाइते भएका छन्।
बसका सहचालक आरती विकको मृत्यु भएको पोखरा महानगर २१ का वडाध्यक्ष दीपक सुवेदीले बताए।
उनकाअनुसार बसमा चालक, सहचालक र विद्यार्थी गरी २२ जना सवार थिए।
बसमा रहेका विद्यार्थी र चालक पनि घाइते भएको सुवेदीले बताए।
उनीहरुको पोखरा स्वास्थ्य विज्ञान प्रतिष्ठान, गण्डकी मेडिकल कलेज र मणिपाल शिक्षण अस्पतालमा उपचार भइरहेको छ।
वडाध्यक्ष सुवेदीका अनुसार घाइते भएका विद्यार्थीको अवस्था सामान्य छ।

श्रोत : सेतोपाटी

20/07/2024

२०८१-०४-०५ शनिबार,

दोलखाको भिमेश्वर मन्दिरको सिलामा दिउसो ०१:४७ बजेबाट पसिना आएको छ । सुरूवाती २ घण्टा सिलाको बाँयातिरबाट आएर राेकिएकाे पसिना पुन: अपरान्ह ०४:०५ बजेबाट शिरबाट पसिना आउन सुरू भएको छ । स्थानीयको घुइँचो लागेको छ । भिमेश्वर मन्दिरमा पसिना आउँदा देशमा अनिष्ट हुने जनविश्वास छ ।

15/07/2024

२०८१-०३-३१,सिन्धुपाल्चोक

सिन्धुपाल्चोक अरनिको राजमार्ग अन्तर्गत बारबिसे नगरपालिका वडा नं ३-५ जोड्ने खाग्दल खोलाको पुल गएराति को बर्षाको कारण बगाएको छ साथै खाग्दल बस्तिमा क्षति पुगेको छ ।

15/07/2024

२०८१-०३-३१
सिन्धुपाल्चोक

पाँचपोखरी थाङपाल गाउँपालिका सिन्धुपाल्चोक लार्के खोलामा गए राती आएको भीषण बाढीले मेलम्ची भोताङ सडक, वडा नं १ र २ जोड्ने झोलुङ्गो पुलहरू र तटिय क्षेत्रको खेती योग्य जमिन बगाएको छ । अहिलेसम्म मानविय क्षति भने भएको छैन तर पनि विपत न्युन भईसकेको अवस्था छैन । चिनियापुल,माझीरुम्टी, तीपेनी, खस्रेबालुवा र खाल्डेखोला,तीपेनीको ड्याम र हस्पिटल,याङरी बस्ती,सुनचौर र मइखर्कमा बस्ने सबै जोखिममा रहेको छ । उच्च सतर्कता अपनाऔं ।

स्रोत: चिरन तामाङ

12/07/2024

२०८१-०३-२८
दुखद खबर :
नारायणगढ–मुग्लिन सडकको सिमलतालमा लेदोसहितको पहिरो बगाउँदा दुईवटा बस त्रिशूली नदीमा बेपत्ता भएका छन् । ती बसमा चालकसहित ६५ यात्रु रहेकाे बताइएको छ ।

घटनास्थलमा पुगेका चितवनका प्रमुख जिल्ला अधिकारी इन्द्रदेव यादवका अनुसार आज बिहान ३:३० बजे दुई बस त्रिशूलीमा खसेका हुन् । उनका अनुसार काठमाडौँबाट रौतहटको गौर जाँदै गरेको गणपति डिलक्स र वीरगञ्जबाट काठमाडौँ जाँदै गरेको एञ्जल बस त्रिशूलीमा खसेका हुन् ।

प्रजिअ यादवका अनुसार गौर जाँदै गरेको बसमा ४१ र काठमाडौँ जाँदै गरेको बसमा २४ जना यात्रु रहेका थिए । उनले भने, 'हामी घटनास्थलमा छौँ । पानी परिरहेकाले छ । उद्धारको काम थालिएको छ । पहिरो पन्छाउन सुरु गरिएको छ
सतर्क रहौं, सुरक्षित यात्रा गरौं, ईमर्जेन्सी बाहेक यात्रा नगरौं ।

10/07/2024

२०८१-०३-२६
धुलिखेल खावा सडकको ताजा अवस्था,
यात्रा गर्दै हुनुहुन्छ भने बैकल्पिक बाटो प्रयोग गर्नुहुन सम्पुर्णमा अनुरोध 🚌

07/07/2024

काठमाडौ - २०८१-०३-२३

शिक्षामा सुधार आवश्यक

06/07/2024

सिन्धुपाल्चोक - २०८१-०३-२२

सिन्धुपाल्चोकको भोटेकोशी गाउँपालिका-४ हिन्दीमा निर्माणाधीन भोटेकोशी-१ जलविद्युत् आयोजनाको ढलान खसेर बेपत्ता भएका दुई मजदुरको १३ घण्टापछि शव फेला परेको छ ।

शुक्रबार करिब साँढे १ बजे घटना भएलगत्तै उद्धारकार्य थालिए पनि बिहान चार बजे मात्रै मृत अवस्थामा उनीहरुलाई भेट्टाइएको हो । आयोजनाको डिसेन्डर कभर स्ल्याबमा च्यापिएर ज्यान गुमाउनेमा बर्दिया नगरपालिका रामजिन थारु र सुमन थारु छन् । उनीहरुको शव पोस्टमार्टमका लागि काभ्रेस्थित धुलिखेल अस्पताल पठाइएको जोशीले जानकारी दिए । ढलानको संरचनाभन्दा तल्लो भागमा उनीहरू फसेकाले निकाल्न अप्ठ्यारो भएको थियो ।

दुर्घटनामा ११ जना घाइते भएका छन् । गत बर्षको साउन महिनाबाट निर्माण सुरु गरिएको भोटेकोशी-१ जलविद्युत्को सुरुङभन्दा माथि शुक्रबार मजदुर काम गरिरहेको समयमा एक्कासी स्ल्याब भत्किएको थियो । जिल्ला प्रहरी नायव उपरीक्षक निरञ्जन भट्टराईले १३ जना फसेकामध्ये ११ जनाको उद्धार गरिएको बताए । उनले अधिकाशंको टाउको ,पेट र हातपाउमा चोट लागेको बताए ।

‘घाइतेमध्ये एकको अवस्था गम्भीर छ, केहीको बाह्रबिसेस्थित किस्टोन र बाह्रबिसे नगर अस्पतालमा उपचार भइरहेको छ भने केहीलाई धुलिखेल रेफर गरिएको छ,’ डीएसपी भट्टराईले भने । उनका अनुसार घाइते हुनेमा दोलखाका बढी छन् । दोलखाका रामचन्द्र रिमाल, साइला थामी, गोपाल थामी, पदम थामी, विजय थामी, विशाल थामी, बर्दियाका दुर्गा थारु, रोल्पाका साशन थापा, इलामका शाकबहादुर श्रेष्ठ छन् । बर्दियाका लाहनु थारुको अवस्था गम्भीर भएको स्वास्थ्यकर्मीले बताएका छन् ।

भोटेकोशी १ आयोजनाले चीनसँग सीमा जोडिएको भोटेकोशी गापा १, ३, ४ र ५ वडाको करिब ४ दशमलव २५ हेक्टर जमिन प्रयोग गर्ने अनुमति पाएको थियो । आयोजना इलेक्ट्रिको पावर कम्पनी लिमिटेडले करिब ८ अर्बको लागतमा निर्माण गर्न लागेको हो ।

- khullapana.com

05/07/2024

२०८१-०३-२१
सिन्धुपाल्चोकको भोटेकोशी गाउँपालिका ४ मा रहेको इलेक्ट्रिक हाइड्रो पावरको ढलान भत्किँदा १० मजदुर घाइते भएका छन् । सिन्धुपाल्चोक प्रहरीका अनुसार अहिलेसम्म फसेका १० जनाको उद्धार गरिएको छ । बाँकी २ जना बेपत्ता रहेको र खोजी संगै उद्धारको प्रयास भइरहेको छ ।
मजदुरहरुले ढलान गर्दागर्दै भत्किएको हो । उद्धार गरिएकाहरूलाई अहिले उपचारका लागि बाह्रबिसे अस्पताल पुर्‍याइएको छ । ४० मेगावाट क्षमताको उक्त जलविद्युत आयोजना गत साउन देखि निर्माणा सुरु भएको हो ।
-Routine of Sindhupalchok

04/07/2024