22/09/2025
रबिन्द्र मिश्रको मिडियामाथि प्रश्न : "नोटका डङ्गुर जलेको भिडियोमा किन मौन?"
नेता तथा पत्रकार रबिन्द्र मिश्रले प्रमुख मिडियामाथि गम्भीर प्रश्न उठाएका छन्। उनले नेताको घरमा नोटका डङ्गुर जलेको भिडियो सार्वजनिक हुँदा मिडियाले समाचार सम्प्रेषण नगरेको भन्दै आक्रोश पोखेका छन्।
मिश्रले आफ्नो फेसबुक स्टाटसमा भनेका छन्,
“जुन दिन नेताको घरमा कोठा भरीभरी नोटका खात जलेको भनिएको भिडियो सार्वजनिक भयो, प्रमुख मिडियाले त्यसको समाचार सम्प्रेषण गर्नुपर्थ्यो कि पर्थेन? आम सर्वसाधारण मूलत: युट्युबरहरूमा भर पर्नु पर्यो।
ती जलेका नोटका डङ्गुरहरू पत्रकारिताको दृष्टिकोणबाट ‘ब्यानर हेडलाइन’ को सामग्री होइन र? कतिवटा प्रमुख अनलाइन, न-अनलाइन मिडियाले त्यसलाई महत्वका साथ छापे? कसैले याद गरेको छ?
एक-दुईजनाले प्रमाणबिना भनेको भरमा ‘राजाले गैँडा बेचेर खाए’ भन्ने मिडियाहरू स्पष्टरूपमा देखिएको त्यति ठूलो समाचारबारे किन मौन बसे?
मेरो निष्कर्ष: देश बरु पतन भए होस्, तर गणतन्त्र जोगाउनैपर्छ, तर लोकतन्त्र र प्रजातन्त्र समेत हराउने अवस्थामा पुग्न दिनु हुँदैन।”
मिश्रले विगत २० वर्षमा देश र समाजले भोगेको क्षतिलाई पनि स्मरण गर्दै गणतन्त्र जोगाउन सबले सचेत हुनुपर्नेमा जोड दिएका छन्।
