08/03/2026
मिति २०८२/११/२३
नाम पदम सिङ्ह कार्कि (गैर्याल जि)
महाकाली १ मलेरा
हाल मलेसिया राजधानी क्वालालम्पुर
शीर्षक =ऐलको मतगणना माहोल
१ सकियो चुनावको फेरो,,आइग्यो गन्डि बेला
ऐलसम्म बाजि मार्द्या,,रा स्वो पा को मेला।।
२ मेरित भबिस्यबाणी रा स्व पा मा आइथी।
रुख तारा सुर्य भण्ड्या,, सिछितमा नाइथी।।
३ नेपालमा नौलि पाटी,,रा स्व पा कि जित।
जित्तु पड्ड्या येइहो पाटि,,जनताकी हित।।
४ का गया सुर्यका किरण,,काग्या कुया रुख।
एकफेरा हेरन्या मन् छ,,मुइ तनरो मुख।।
५ नेता जि हाजार आउन्ना ,,जाण्डु पड्या हम्ले।
युवाकी अब्बल शक्ति,,योइ हो धेक्या तम्ले।।
६ माओवादी रुकुम मा छायो,,ऐल सम्म आगा।
त्या जन्ता बाकारा हुन कि,भैसा हुन्की रागा।।
७ झापा जसि घाम लागन्या,,सेलो पडिगयो।
चौतारी पिपली बोट,,पेलो पडिगयो।।
८ अन्त त पटक्कै नाइथी,,माओवादीको चारो।
रोल्पा र रुकुम तिर आइछ आगा तारो।।
९ थोक्काइ धेक्काइ मुइले कठै,,बर्दियाका जन्ता।
और त तसोइहो कठै,दिमागका मन्ता।।
१० बर्दिया एमाले आगा,,दुइमा धेक्या रुख।
रा स्वो पा हाजार आगा,,हेर्द आया मुख।।
११ कोइ भण्ड्या सुर्य र तारो,,चुनाव चिन्ह घन्टी।।
केपि र प्रचण्ड पड्या,,जेपालाका खन्टी।
१२ रास्ट्रमा रा स्व पा आउँछ,,पक्का लेखिराख।
गणना बाकी छन अजै,,धक्का धेकिराख।।
१३ मेराइ धेक्दा दार्चुलामाइ,,काङ्ग्रेसकि लाइन।
क्या सुक्या रुखका जडा,,कठ दिक दाइन।।
१४ मेराइ धेक्दा एमालेका,,ओर्लि आउथ्या भोट।
जनता ऐल छ बुज्या,,राजनितिका चोट।।
१५ एक घुट्टु रक्सिमा भोट,,हाइ तमरी निच।
दार्चुला तिङकर सडक ,,तम्लाइ चायो पिच।।
१६ न गाउमा घोराठा बाटा,,नैत पानी धारा।
मूर्ख त दार्चुल्या रैछन,,चौकिनारी सारा।।
१७ भरिया बाजार नाली,, निकास गर्द्या होइन।
छन आगा पुराना पाटी,,बिकास गर्द्या कोइन।।
१८ सुक्याका जङ्गल रुख,,एमालेका जुङा।
रास्वोपा बोकेर आयो,,भोटरका रुङा।।
१९ झापामा बालेन साह,,नाइथी आगा ओलि।
दार्चुला पुग्याको छैन,,रा स्वो पा को बोली।।
२० उइछन पाटि उइछन मान्सु,,उइछन हम्रा तेता।
माओवादी एमाले काङ्ग्रेस ,,उइछन हम्रा देता।।
२१ छुट्टिझानु कालापानी,,कन्जेइ आया मिल्ला।
दार्चुला पुरानोइ रन्छ,,बिकटको किल्ला।।
