Horizon Khabar

31/05/2026

इन्टरपोलको सहयोगमा टिकटकर तुलसा अधिकारी थाइल्यान्डबाट पक्राउ !

31/05/2026

'नेपालले पनि भारतको जमिन मिचेको छ' प्रधानमन्त्री बालेन शाह !

31/05/2026

नृसिंह धाममा भक्तजनको उल्लेखनीय भीड, महामहोत्सव बन्यो श्रद्धाको केन्द्र !
#नृसिंह_धाम_महामहोत्सव_२०८३_धादिङ

31/05/2026

https://horizonkhabar.com/2026/05/23199/

काठमाडौं । सामाजिक सञ्जाल टिकटकमार्फत परिचित टिकटकर तुलसा अधिकारी पक्राउ परेकी छन्। उनीलाई इन्टरपोलको समन्वयम....

31/05/2026

सगरमाथामा सुतिरहेकी एक सुन्दरी (Sleeping Beauty of Mount Everest)
काठमाडौ । सन् १९९८ देखि २००७ नौ वर्षसम्म आरोहीहरुले सगरमाथाको करिब ८००० मिटरको उचाइमा वैजनी रङ्गको डाउन ज्याकेट लगाएकी एक सुन्दरी सुतिरहेकी दृश्य देखे । त्यसलाई उनीहरुले 'Sleeping Beauty of Mount Everest' भनेर नाम दिए ।

२००७ मै ‘द ताओ अफ एभरेष्ट’ नामक एक आरोहण अभियानमा सहभागी बेलायती आरोही आयन उडल नेतृत्वको टोलीले शेर्पाहरूको सहयोगमा उक्त शवलाई सो स्थानबाट केही नदेखिने स्थानमा लगेर व्यवस्थापन गरे ।

आखिर को थिइन् ति सुन्दरी ?

उनी थिइन् ४० वर्षीया अमेरिकन आरोही फ्रान्सिज आर्सेन्टिभ । उनले उनका रसियन पति सर्जेइ आर्सेन्टिभसँगै २२ मे १९९८ का दिन साँझ हुने बेलामा करिब ३ देखि ५ बजेतिर बिना अक्सिजन सगरमाथा आरोहण गरेकी थिइन् । आरोहणका लागि त्यो समय एकदमै ढिला र अनुपयुक्त थियो ।

ढिला आरोहण गरेको र त्यो उचाइमा अक्सिजनको अभावसँगै चिसोको कारण हुनसक्छ फर्किने क्रममा श्रीमान र श्रीमती एक्लाएक्लै भए । सर्जेइ अघिअघि आए भने फ्रान्सिज माथितिरै छुटिन् । फ्रान्सिज हिँड्न सकिनन् र बाटैमा अलपत्र परिन् ।

फ्रान्सिजलाई २३ तारिखको राती नै आरोहणका लागि गएका उज्बेक एक्सपीडिशनका समूहले शिखरदेखि केही तलमात्र भेटेका थिए । उनी त्यतिबेला अक्सिजनको कमी, थकान र फ्रस्टबाइटले ग्रस्त थिइन् । उनलाई सो समूहले अक्सिजन दिएर केही तल झार्ने प्रयत्न पनि गरे तर सकेनन् ।

आरोहणपश्चात फर्किने क्रममा पनि उनले सो आरोहण दलका सदस्य र शेर्पाहरूसँग आफूलाई बचाउन इशारामा अनुरोध गरिरहेकी थिइन् । तर आफैँलाई जोखिममा राखेर उनलाई बचाउने अवस्था थिएन् । चौथो शिविरमा आइसकेका उनका श्रीमान सर्जेइले जब श्रीमती फ्रान्सिज छुटेकी थाहा पाए । उनले अक्सिजन बोकेर उकालो लागे, तर उनी आफै बेपत्ता भए ।

त्यसको एकवर्षपछि सर्जेइको शव चीनतर्फ जेक नर्टनले फेला पारे । नर्टन त्यही व्यक्ति हुन् जसले जर्ज मेलोरीको शव फेला पार्ने मध्येका एक थिए । यसरी बिना अक्सिजन सगरमाथा आरोहण गर्ने पहिलो महिला बनेपनि फ्रान्सिज आर्सेन्टिभ जिवितै फर्किन सकिनन् । दुःखद त दम्पत्तिकै सगरमाथामा ज्यान गयो ।

तरपनि अझै पुराना आरोहीहरूले सगरमाथामा सुतिरहेकी ति सुन्दरीको शव बिर्सिएका भने छैनन् ।

Source: Balika Rai Rai Kumbha

31/05/2026

विश्व सुर्तीजन्य पदार्थविरुद्ध दिवसः विश्वमा अझै १ अर्ब बढीले सुर्तीजन्य पदार्थ प्रयोग गर्छन !
काठमाडौं । विश्व सुर्तीजन्य पदार्थविरुद्ध दिवसका अवसरमा विश्व स्वास्थ्य संगठन (डब्लुएचओ) ले सुर्ती तथा निकोटिनजन्य उत्पादनको बढ्दो प्रयोगप्रति गम्भीर चिन्ता व्यक्त गरेको छ। संगठनले विशेषगरी बालबालिका र युवालाई यस्ता पदार्थको लतबाट जोगाउन विश्वभरका सरकारलाई प्रभावकारी कदम चाल्न आग्रह गरेको छ।

डब्लुएचओका अनुसार विश्वभर अझै पनि एक अर्बभन्दा बढी मानिसले कुनै न कुनै प्रकारका सुर्तीजन्य पदार्थ प्रयोग गरिरहेका छन्। यद्यपि पछिल्ला वर्षहरूमा यसको प्रयोग केही घटेको देखिए पनि लाखौं मानिसको स्वास्थ्यमा यसको असर कायम रहेको बताइएको छ।

संगठनका तथ्यांकअनुसार सुर्तीजन्य पदार्थका कारण प्रत्येक वर्ष ८० लाखभन्दा बढी मानिसको मृत्यु हुने गरेको छ। त्यसमध्ये ठूलो संख्या निष्क्रिय धूमपानबाट प्रभावित हुनेहरू रहेको उल्लेख गरिएको छ।

डब्लुएचओले स्वादयुक्त ई–सिगरेट, निकोटिन पाउच तथा अन्य नयाँ निकोटिनजन्य उत्पादनहरू किशोर र युवालाई लक्षित गरी बजारमा प्रवर्द्धन भइरहेको जनाएको छ। आकर्षक प्याकेजिङ, विभिन्न स्वाद र सामाजिक सञ्जालमार्फत गरिने प्रचारका कारण युवा पुस्ता यस्ता उत्पादनतर्फ आकर्षित भइरहेको संगठनको भनाइ छ।

विशेषज्ञहरूले निकोटिन अत्यधिक लत लाग्ने पदार्थ भएकाले बालबालिका तथा किशोरावस्थामा यसको प्रयोगले मस्तिष्क विकास र स्वास्थ्यमा दीर्घकालीन असर पार्न सक्ने चेतावनी दिएका छन्।

डब्लुएचओले सुर्ती तथा निकोटिनजन्य उत्पादनको विज्ञापन नियन्त्रण, स्वादयुक्त उत्पादनमा प्रतिबन्ध, सार्वजनिक स्थानलाई धूमपानमुक्त क्षेत्र घोषणा तथा कानुनी कार्यान्वयनलाई थप प्रभावकारी बनाउन सरकारहरूलाई सुझाव दिएको छ।

संगठनले भावी पुस्ताको स्वास्थ्य सुरक्षा गर्न सबै सरोकारवालाको संयुक्त प्रयास आवश्यक रहेकोमा जोड दिएको छ।

30/05/2026

https://horizonkhabar.com/2026/05/23196/

काठमाडौं । देशभरको मौसममा बदली रहने र विभिन्न स्थानमा वर्षा हुने सम्भावना रहेको छ। मौसमविद्हरूका अनुसार पश्चिम.....

30/05/2026

स्थानीय चुनाव लक्षित गर्दै एमालेको ‘पार्टी जागरण अभियान’ सुरु !
काठमाडौ । आसन्न स्थानीय तथा प्रदेश निर्वाचनलाई ध्यानमा राख्दै नेकपा एमालेले देशभर ‘पार्टी जागरण अभियान’ सञ्चालन गर्ने तयारी गरेको छ। पार्टीले केन्द्रीय सदस्यहरूलाई आफूले प्रतिनिधित्व गर्ने जिल्लाका विभिन्न पालिकामा खटाएर संगठन सुदृढीकरण र जनसम्पर्क विस्तारमा जोड दिएको जनाएको छ।

अभियानअन्तर्गत जिल्लाका इन्चार्ज, केन्द्रीय निकायका सदस्य तथा अगुवा कार्यकर्तालाई समेत विभिन्न पालिकाको जिम्मेवारी दिइएको छ। पार्टीका अनुसार स्थानीय तहसम्म संगठनलाई सक्रिय र प्रभावकारी बनाउन अभियान सञ्चालन गर्न लागिएको हो।

कार्यविभाजनअनुसार पार्टी अध्यक्षले समग्र अभियानको नेतृत्व गर्नेछन् भने महासचिवले संगठनात्मक गतिविधिको समन्वय गर्ने जिम्मेवारी पाएका छन्। विभिन्न उपाध्यक्ष, उपमहासचिव तथा सचिवहरूलाई विभाग, प्रदेश र विशेष क्षेत्रको जिम्मेवारी तोकिएको छ।
एमालेले अभियानमार्फत पार्टी संगठनलाई स्थानीय तहसम्म थप सशक्त बनाउने र आगामी निर्वाचनका लागि कार्यकर्तालाई सक्रिय बनाउने लक्ष्य लिएको जनाएको छ।

30/05/2026

गन्धक खानी, रुवी क्रिस्टल खानी, फलाम र तामा खानी अनि जडिबुटीले भरिपुर्ण रुवीभ्याली, धादिङ !

29/05/2026

सरकारले ल्यायो २१ खर्ब २४ अर्ब ३४ करोड रुपैयाँको बजेट ! (पूर्णपाठ सहित)