DDTV HD

DDTV HD धादिङ जिल्लाबाट प्रशारित एकमात्र टेलिभिजन
(1)

04/06/2026

नेत्रावती डबजोङ गाउँपालिकाको न्यायिक शाखाको आयोजनामा न्यायिक समितिका पदाधिकारी, जनप्रतिनिधि तथा महिला समूहका सदस्यहरूबीच लैङ्गिक हिंसा सम्बन्धी सचेतना कार्यक्रम भिडियो सामग्री

04/06/2026

जातीय भेदभाव तथा छुवाछूत उन्मूलन राष्ट्रिय दिवस–२०८३ को अवसरमा धादिङबेसीमा आयोजित “स्थानीय सरकारमा सामाजिक न्याय : दलित जनप्रतिनिधिसँग नीति संवाद” कार्यक्रम मा प्रदर्शित हामी बिश्वकर्मा बोल गीतको नृत्य

जातीय भेदभाव तथा छुवाछूत उन्मूलन राष्ट्रिय दिवस–२०८३ को अवसरमा धादिङबेसीमा “स्थानीय सरकारमा सामाजिक न्याय : दलित जनप्रति...
04/06/2026

जातीय भेदभाव तथा छुवाछूत उन्मूलन राष्ट्रिय दिवस–२०८३ को अवसरमा धादिङबेसीमा “स्थानीय सरकारमा सामाजिक न्याय : दलित जनप्रतिनिधिसँग नीति संवाद” कार्यक्रम हुदै ।

धादिङमा दलित समुदायका लागि कानुनी सहायता हेल्प डेस्क उद्घाटनwww.edivyadarshantv.comधादिङ, — बागमती प्रदेश सरकारका आन्तरि...
04/06/2026

धादिङमा दलित समुदायका लागि कानुनी सहायता हेल्प डेस्क उद्घाटन
www.edivyadarshantv.com
धादिङ, — बागमती प्रदेश सरकारका आन्तरिक मामिला तथा कानुन मन्त्री शिवराज आचार्य ले धादिङको नीलकण्ठ नगरपालिका–३ जिल्ला प्रशासन कार्यालय धादिङ्को अगाडि दलित समुदायका लागि स्थापना गरिएको कानुनी सहायता हेल्प डेस्क (Dalit Help Desk) को उद्घाटन गर्नुभएको छ।

दलित समुदायलाई सहज रूपमा कानुनी परामर्श, न्यायमा पहुँच तथा कानुनी सचेतना प्रदान गर्ने उद्देश्यले स्थापना गरिएको उक्त हेल्प डेस्कको उद्घाटन गर्दै मन्त्री आचार्यले संविधानले प्रत्याभूत गरेका अधिकारको प्रभावकारी कार्यान्वयनका लागि यस्ता कार्यक्रम महत्वपूर्ण रहेको बताउनुभयो।

उहाँले समाजमा अझै पनि विद्यमान जातीय विभेद, छुवाछूत तथा अन्य सामाजिक अन्यायको अन्त्य गर्न कानुनी सहायता र सचेतनाको भूमिका महत्वपूर्ण हुने उल्लेख गर्नुभयो। दलित समुदायका नागरिकले भोगिरहेका समस्या तथा अन्यायका घटनामा कानुनी सहयोग उपलब्ध गराउन हेल्प डेस्क प्रभावकारी माध्यम बन्ने विश्वास व्यक्त गर्नुभयो।

कार्यक्रममा स्थानीय जनप्रतिनिधि, सरोकारवाला निकायका प्रतिनिधि, सामाजिक अभियन्ता तथा स्थानीयवासीहरूको सहभागिता रहेको थियो। हेल्प डेस्कमार्फत दलित समुदायका नागरिकले कानुनी परामर्श, उजुरी दर्ता तथा आवश्यक सहजीकरण सेवा प्राप्त गर्न सक्ने जनाइएको छ।

यस पहलले दलित समुदायको न्यायमा पहुँच विस्तार गर्न तथा अधिकार सुनिश्चित गर्न महत्वपूर्ण योगदान पुग्ने अपेक्षा गरिएको छ।

03/06/2026

नेपाल पत्रकार महासंघ धादिङको बार्षिक साधारण सभामा माननीय बोधनारायण श्रेष्ठको मन्तब्य,पत्रकारिताबारे गम्भिर प्रश्न

लैङ्गिक हिंसा न्यूनीकरणका लागि ७ बुँदे प्रतिबद्धता, नेत्रावती डबजोङमा सचेतना कार्यक्रम सम्पन्नwww.edivyadarshantv.comधाद...
03/06/2026

लैङ्गिक हिंसा न्यूनीकरणका लागि ७ बुँदे प्रतिबद्धता, नेत्रावती डबजोङमा सचेतना कार्यक्रम सम्पन्न
www.edivyadarshantv.com
धादिङ, जेठ २०— नेत्रावती डबजोङ गाउँपालिकाको न्यायिक शाखाको आयोजनामा न्यायिक समितिका पदाधिकारी, जनप्रतिनिधि तथा महिला समूहका प्रतिनिधिहरूबीच लैङ्गिक हिंसा र सचेतना कार्यक्रम सम्पन्न भएको छ।

गाउँपालिकाको सभाहलमा आयोजित कार्यक्रममा लैङ्गिक हिंसा रोकथाम, पीडितको अधिकार संरक्षण, न्यायमा पहुँच तथा समुदायस्तरमा सचेतना अभिवृद्धिका विषयमा विस्तृत छलफल गरिएको थियो। कार्यक्रममा लैङ्गिक हिंसा अन्त्यका लागि स्थानीय तह, समुदाय र सरोकारवाला निकायहरूबीच समन्वय र सहकार्य आवश्यक रहेकोमा जोड दिएका थिए।

कार्यक्रमलाई सम्बोधन गर्दै नेत्रावती डबजोङ गाउँपालिकाकी उपाध्यक्ष तथा न्यायिक समिति संयोजक सीता माया चोदेनले लैङ्गिक हिंसा समाजको गम्भीर चुनौती भएको उल्लेख गर्दै यसको अन्त्यका लागि सबै पक्ष जिम्मेवार बन्नुपर्ने बताउनुभयो। उहाँले हिंसामुक्त, सुरक्षित र न्यायपूर्ण समाज निर्माणका लागि जनचेतना अभिवृद्धि, कानुनी जानकारी र सामुदायिक सहभागिता अपरिहार्य रहेको धारणा राख्नुभयो।

उहाँले महिलामाथि हुने कुनै पनि प्रकारका हिंसा, विभेद र अन्यायविरुद्ध सबैले आवाज उठाउनुपर्ने बताउँदै पीडितलाई न्याय दिलाउन स्थानीय तह सदैव प्रतिबद्ध रहेको स्पष्ट पार्नुभयो।

कार्यक्रममा सहभागी जनप्रतिनिधि, महिला समूह तथा सरोकारवालाहरूले लैङ्गिक हिंसा विरुद्ध शून्य सहनशीलताको नीति अवलम्बन गर्ने, पीडितलाई सहज न्यायमा पहुँच सुनिश्चित गर्ने, सचेतनामूलक कार्यक्रमलाई निरन्तरता दिने, संरक्षण तथा परामर्श सेवाको विस्तार गर्ने, कानुनी व्यवस्थाको प्रभावकारी कार्यान्वयन गर्ने, स्थानीय तहमा समन्वय र जवाफदेहिता अभिवृद्धि गर्ने तथा सकारात्मक सामाजिक सोचको विकास गर्ने लगायत ७ बुँदे प्रतिबद्धता व्यक्त गरेका छन्।

कार्यक्रमले समुदायमा न्याय, मेलमिलाप र सहअस्तित्वको भावना विकास गर्नुका साथै लैङ्गिक हिंसामुक्त समाज निर्माणतर्फ सकारात्मक सन्देश प्रवाह गरेको आयोजकले जनाएको छ।

“समुदायमा न्याय, मेलमिलाप र सहअस्तित्व सभ्य समाजको आधार” भन्ने मूल सन्देशका साथ सम्पन्न कार्यक्रमले लैङ्गिक समानता, महिला सशक्तीकरण र सामाजिक रूपान्तरणमा महत्वपूर्ण योगदान पुग्ने अपेक्षा गरिएको छ।

03/06/2026

नृसिंह धाम दर्शन गरेर फर्किरहेको गाडी दुर्घटना हुँदा सातजना घाइते,
धादिङ हस्पिटलमा प्रारम्भिक उपचार पछि थप उपचारका लागि काठमाडौंका विभिन्न अस्पतालहरूमा रिफर

काठमाडौँ विश्वविद्यालयको उपकुलपति नियुक्तिका लागि सिफारिस समिति गठनwww.edivyadarshantv.comकाठमाडौँ विश्वविद्यालयको १०१ औ...
03/06/2026

काठमाडौँ विश्वविद्यालयको उपकुलपति नियुक्तिका लागि सिफारिस समिति गठन
www.edivyadarshantv.com
काठमाडौँ विश्वविद्यालयको १०१ औँ सभा (सिनेट) बैठकले नयाँ उपकुलपति नियुक्तिका लागि सिफारिस समिति गठन गरेको छ ।

शिक्षा तथा खेलकुद मन्त्री तथा विश्वविद्यालयका सहकुलपति सस्मित पोखरेलको अध्यक्षतामा मङ्गलवार सम्पन्न बैठकले उपकुलपति नियुक्ति प्रक्रियालाई अघि बढाउने उद्देश्यले तीन सदस्यीय सिफारिस समिति गठन गर्ने निर्णय गरेको हो ।

गठित समितिको संयोजकमा सहकुलपति मन्त्री पोखरेल रहनुभएको छ । समितिको सदस्यमा रेशु अर्याल ढुंगाना र प्रा डा सुरेशराज शर्मा रहनुभएको छ । ढुंगाना राष्ट्रिय योजना आयोगको सदस्य हुनुहुन्छ भने शर्मा काठमाडौँ विश्वविद्यालय संरक्षण समितिका अध्यक्ष तथा विश्वविद्यालयका संस्थापक उपकुलपति हुनुहुन्छ ।

समितिले उपकुलपति पदका लागि योग्य उम्मेदवारहरूको छनोट गरी सिफारिस गर्नेछ । यससँगै विश्वविद्यालयमा नयाँ नेतृत्व चयन प्रक्रिया औपचारिक रूपमा अगाडि बढेको छ ।

काठमाडौँ विश्वविद्यालयले शैक्षिक गुणस्तर, अनुसन्धान तथा नवप्रवर्तनका क्षेत्रमा महत्त्वपूर्ण योगदान दिँदै आएको छ । नयाँ उपकुलपति नियुक्तिसँगै विश्वविद्यालयको भावी शैक्षिक तथा संस्थागत विकासको दिशाबारे थप अपेक्षा गरिएको छ ।

नेत्रावती डबजोङ गाउँपालिकाको न्यायिक शाखाको आयोजनामा न्यायिक समितिका पदाधिकारी, जनप्रतिनिधि तथा महिला समूहका सदस्यहरूबीच...
03/06/2026

नेत्रावती डबजोङ गाउँपालिकाको न्यायिक शाखाको आयोजनामा न्यायिक समितिका पदाधिकारी, जनप्रतिनिधि तथा महिला समूहका सदस्यहरूबीच लैङ्गिक हिंसा सम्बन्धी सचेतना कार्यक्रम सञ्चालन हुदै छ। कार्यक्रमको उद्देश्य लैङ्गिक हिंसा न्यूनीकरण गर्दै सुरक्षित, समावेशी र न्यायपूर्ण समाज निर्माणमा टेवा पुर्‍याउनु रहेको छ।

Address

Dhading
Dhading
45100

Telephone

+97710521260

Website

Alerts

Be the first to know and let us send you an email when DDTV HD posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DDTV HD:

Shortcuts

Share

Category