Khulapress, Dhading bensi, Dhading (2026)

20/08/2026

साउन महिनामा मात्रै ७० हजारभन्दा बढी नेपालीले #वैदेशिक रोजगारीका लागि श्रम स्वीकृति लिएको श्रम, रोजगार तथा वैदेशिक रोजगार विभागले जनाएको छ। ठूलो संख्यामा युवाहरू रोजगारीका लागि विदेशिने क्रम जारी रहँदा सरकारले भने विदेशमा रहेका नेपाली युवालाई स्वदेश फर्काउने नीति तथा योजना अघि सारेको बताउँदै आएको छ।
सत्तापक्षका सभापति रवि #लामिछानेले यसअघि १०० दिनभित्र विदेशका गल्ली–गल्लीमा रहेका नेपालीलाई स्वदेश फर्काउने वातावरण बनाउने आश्वासन दिएको भए पनि वैदेशिक रोजगारीमा जाने युवाको संख्या घट्न नसकेको भन्दै नागरिकस्तरबाट सरकारप्रति प्रश्न उठ्न थालेको छ।
सरकारले युवालाई स्वदेशमै रोजगारी उपलब्ध गराउने र विदेशिएका नेपालीलाई फर्काउने नीति अघि सारेको दाबी गरिरहँदा अर्कोतर्फ वैदेशिक रोजगारीका लागि श्रम स्वीकृति लिनेको संख्या उच्च रहनुले सरकारी नीति र कार्यान्वयनबीचको अन्तरलाई उजागर गरेको देखिन्छ।
युवालाई स्वदेशमै टिकाउन पर्याप्त रोजगारी सिर्जना गर्न नसक्दा बाध्य भएर विदेशिनुपर्ने अवस्था कायमै रहेको भन्दै नागरिकहरूले सरकारको रोजगारी नीति र प्रतिबद्धताको प्रभावकारितामाथि प्रश्न उठाएका छन्।

19/08/2026

अमरेश सिंहको कडा चेतावनी
सत्तारुढ राष्ट्रिय स्वतन्त्र पार्टी (रास्वपा)का सांसद अमरेश सिंहले छठपछि मधेशमा रास्वपाका सांसदले पिटाइ खानुपर्ने अवस्था आउन सक्ने चेतावनी दिएका छन्।
रास्वपा सभापति रवि लामिछानेले बोलाएको मन्त्री तथा सांसदहरूको बैठकमा सिंहले सरकारका कमजोरीबारे आफूले एक साताभित्रै धेरै प्रश्न उठाउन सक्ने बताएका थिए।
उनले भनेका थिए, ‘मलाई एक हप्ता दिनुहोस्, म सरकारका १ सय गल्ती निकालिदिन्छु। मधेशमा छठपछि रास्वपाका सांसदले पिटाइ खाने दिन आउँदैछ।’
सिंह पछिल्लो समय पार्टी नेतृत्व र सरकारका कामकारबाहीप्रति असन्तुष्ट देखिँदै आएका छन्।

19/08/2026

प्रतिपक्षको आवाजप्रति सत्तापक्षको व्यवहारले सरकार कमजोर बन्दै गएको आरोप

19/08/2026

देउवालाई प्रचण्डको कडा चेतावनी : ‘धर्मनिरपेक्षता छाडेर हिन्दू एजेन्डा नबोक्नुहोस् ! पूरा समाचार 👇️👇️👇️
https://www.khulapress.com/2026/08/19/21830/

19/08/2026

मनिष झा र अम्रेश कुमार पार्टीभित्रै असन्तुष्ट

सत्तापक्षमा रहेका सांसद मनिष झा र अम्रेश कुमारले पछिल्लो समय आफ्नै पार्टीभित्र सुधारको आवश्यकता औँल्याउँदै असन्तुष्टि जनाउन थालेका छन्। विशेषगरी तराई क्षेत्रबाट निर्वाचित सांसदहरूले गृह क्षेत्रका समस्या बेवास्ता गरिएको र संसदमा नियमविपरीत गतिविधि बढेको भन्दै नेतृत्वप्रति असन्तुष्टि व्यक्त गरेका छन्।

सुनसरी घटनामा सरकारले समयमै ध्यान नदिँदा जनधनको क्षति भएको भन्दै उनीहरू थप रुष्ट बनेका छन्। सांसदहरूले जनताको समस्या र क्षेत्रीय मुद्दालाई प्राथमिकतामा राख्न पार्टी नेतृत्वसँग आग्रह गरेका छन्।

18/08/2026

बालेन सरकार ५ वर्ष नटिक्ने मुकुन्द ढकालको दाबी

काठमाडौं — सामाजिक तथा राजनीतिक विषयमा आफ्नो धारणा राख्दै आएका मुकुन्द ढकालले बालेन नेतृत्वको सरकार लामो समय टिक्न नसक्ने दाबी गरेका छन्।

ढकालले “बालेन सरकार ५ वर्ष टिक्दैन” भन्दै संघर्षबिना प्राप्त गरेको उपलब्धिको महत्व नहुने टिप्पणी गरेका छन्। उनले राजनीतिक नेतृत्वले जनताको विश्वास र संघर्षबाट प्राप्त उपलब्धिलाई दीर्घकालीन रूपमा कायम राख्नुपर्ने संकेत गरेका छन्।

ढकालको यो भनाइले बालेन नेतृत्वको राजनीतिक यात्रामाथि प्रश्न उठाएको देखिन्छ। यद्यपि, उनले सरकार पाँच वर्ष नटिक्ने दाबीको आधार भने सार्वजनिक रूपमा स्पष्ट गरेका छैनन्।

उनको अभिव्यक्ति सार्वजनिक भएसँगै सामाजिक सञ्जालमा समेत यस विषयमा विभिन्न प्रतिक्रिया आउन थालेका छन्। बालेन नेतृत्वको सरकारको स्थायित्व र आगामी राजनीतिक यात्राबारे भने समयक्रममा थप स्पष्ट हुने देखिन्छ।

18/08/2026

धादिङमा बीपी पार्कको मूर्तिको हात भाँचिएको अवस्थामा
धादिङको नीलकण्ठ नगरपालिका–३ स्थित बीपी पार्कमा राखिएको मूर्तिको हात भाँचिएको अवस्थामा देखिएको छ। मूर्ति कसरी भाँचियो भन्ने विषयमा भने स्पष्ट जानकारी सार्वजनिक भएको छैन। स्थानीयले घटनाको छानबिन गरी दोषी पहिचान गर्न माग गरेका छन्।
यस घटनालाई लिएर सामाजिक सञ्जालमा विभिन्न प्रश्न उठिरहेका छन् भने कतिपयले यसलाई विपक्षीहरूको काम हुन सक्ने आशंका व्यक्त गरेका छन्। यद्यपि, दोषीबारे आधिकारिक पुष्टि हुन बाँकी छ।

18/08/2026

सुदूरपश्चिममा जनता सिटामोलको अभावमा, मन्त्रीलाई सामान्य ज्वरो आउँदा सेनाको हेलिकप्टर! राज्यको ढुकुटीमाथि दोहन कहिलेसम्म?

सुदूरपश्चिमको बैतडी भ्रमणमा गएका मन्त्रीलाई सामान्य ज्वरो आउँदा उपचारका लागि सेनाको हेलिकप्टरबाट काठमाडौं ल्याइएको भन्दै प्रश्न उठेको छ। एकातिर मन्त्रीलाई सामान्य स्वास्थ्य समस्या हुँदा राज्यको स्रोतसाधन तत्काल उपलब्ध हुन्छ, अर्कोतिर सुदूरपश्चिम र कर्णालीका दुर्गम क्षेत्रमा अझै पनि थुप्रै नागरिक सिटामोलजस्तो सामान्य औषधिसमेत नपाएर पीडित भइरहेका छन्।

जनताका लागि औषधि छैन, मन्त्रीका लागि हेलिकप्टर छ—यही हो राज्यको समान व्यवहार?

दुर्गमका नागरिकको जीवनभन्दा पद र पहुँच ठूलो हुने यस्तो प्रवृत्तिमाथि गम्भीर प्रश्न उठेको छ। जनताले तिरेको करबाट बनेको राज्यको ढुकुटीको यसरी मनपरी दोहन कहिलेसम्म चल्ने?

जनता सिटामोल खोज्दैछन्, मन्त्री हेलिकप्टर चढ्दैछन्—सुदूरपश्चिमका जनताको पीडा कसले बुझ्ने?

17/08/2026

किशोर श्रेष्ठ रिहाइपछि : ‘मेरो आवाज दबाउने प्रयास भयो, पत्रकारहरूको साथले बल मिल्यो’

काठमाडौँ — हिरासतबाट रिहाइपछि किशोर श्रेष्ठले आफूलाई हिरासतमा राखेर आफ्नो आवाज दबाउने प्रयास गरिएको दाबी गरेका छन्। रिहाइपछि प्रतिक्रिया दिँदै श्रेष्ठले पत्रकारहरूको साथ र समर्थनले आफूलाई थप बल मिलेको बताएका छन्।

श्रेष्ठले विगतको राजनीतिक प्रसंगसमेत स्मरण गर्दै आफू कक्षा ९ मा अध्ययनरत रहँदा पनि पञ्चायतकालीन अवस्थामा आफूलाई यसैगरी जेल चलान गरिएको दाबी गरे। उनले सत्य र न्यायको पक्षमा आफू निरन्तर उभिइरहने बताएका छन्।

उनले भने, “आवाजलाई दबाउने कोशिश गरेको थियो। मलाई पत्रकारहरूको आवाजले साथ मिल्यो। हिजो ९ कक्षा पढ्ने बेलामा पनि पञ्चेहरूले मलाई यसरी नै जेल चलान गरेको थियो। म सत्यको पक्षमा उभिइरहन्छु।”

श्रेष्ठले जनआस्थाले प्रकाशित गरेको समाचार सही र सत्य रहेको दाबीसमेत गरेका छन्। उनले आफूले सत्यको पक्षमा बोल्ने र लेख्ने क्रमलाई निरन्तरता दिने बताएका छन्।

रिहाइपछि दिएको श्रेष्ठको यो प्रतिक्रियाले उनको हिरासत प्रकरणसँगै प्रेस तथा अभिव्यक्ति स्वतन्त्रताको विषयलाई समेत बहसमा ल्याएको छ।

17/08/2026

उत्कृष्ट घोषित सई महिलासहित भकुण्डेबेशीको होटलबाट रंगेहात पक्राउ

काभ्रे — प्रहरी चौकी भकुण्डेबेशीका इन्चार्ज सई गणेश कुमार श्रेष्ठ मध्यरातमा एक होटलबाट महिलासहित पक्राउ परेको घटना सार्वजनिक भएको छ।

प्राप्त विवरणअनुसार, सई श्रेष्ठलाई स्थानीयले महिलासहित होटलमा रहेको अवस्थामा नियन्त्रणमा लिएर प्रहरीको जिम्मा लगाएका हुन्। घटना भकुण्डेबेशी क्षेत्रको एक होटलमा भएको बताइएको छ।

श्रेष्ठले २०८३ जेठ महिनामा ‘उत्कृष्ट प्रहरी’ को सम्मानसमेत पाएका थिए। उत्कृष्ट प्रहरीका रूपमा सम्मानित प्रहरी अधिकृत नै महिलासहित होटलबाट पक्राउ परेको खबर सार्वजनिक भएपछि घटनाले प्रहरी संगठनभित्र पनि चर्चा पाएको छ।

यद्यपि, घटनाको वास्तविक अवस्था, पक्राउको कारण तथा आरोपबारे सम्बन्धित प्रहरी निकायबाट आधिकारिक विवरण आउन बाँकी छ। प्रहरीले घटनाबारे अनुसन्धान गरिरहेको बताइएको छ।

सम्मानित प्रहरी अधिकृतमाथि नै यस्तो आरोप सार्वजनिक भएपछि प्रहरीको आचरण, अनुशासन र जिम्मेवारीमाथि गम्भीर प्रश्न उठेको छ।

Khulapress

20/08/2026

19/08/2026

19/08/2026

19/08/2026

19/08/2026

18/08/2026

18/08/2026

18/08/2026

17/08/2026

17/08/2026

Address

Telephone

Website

Alerts

Contact The Business

Shortcuts

Share

Category

Listing takedown request