Sanju Update

27/06/2026

विषय: साडेपानी २, थुम्की गाउँको खानेपानी र विद्युतको समस्या तथा नेतृत्वको मौनताबारे।
​सम्बन्धित सरोकारवाला निकाय र गाउँका अगुवा/नेतृत्व वर्गमा,

​साडेपानी २, थुम्कि गाउँ आज गम्भीर समस्याको चपेटामा छ। विगत १०–१५ दिनदेखि खानेपानीको आपूर्ति पूर्ण रूपमा ठप्प छ। एकातर्फ पिउने पानीको हाहाकार छ भने अर्कातर्फ प्रयोग नै गर्न नपाएको पानीको बिल तिर्नुपर्ने बाध्यताले हामीलाई थप पीडा थपेको छ।

विद्युतको समस्या त झन् कहालीलाग्दो र असुरक्षित बनेको छ। ट्रान्सफर्मरको MCB बारम्बार ट्रिप हुनुको कारण के हो?
यो ओभरलोड हो कि MCB मै प्राविधिक खराबी छ? के यो सामान्य जाँच गर्ने फुर्सद पनि सम्बन्धित प्राविधिकहरूलाई छैन?
१०–१५ मिनेटको अन्तरालमा MCB उठाउन दौडिनुपर्ने सास्तीले गर्दा न त हामी मोटर चलायर पानी नै पिउन पाएका छौँ, न त गर्मीमा सहज रूपमा बस्न नै।

​अझ डरलाग्दो त यहाँको विद्युत संरचनाको अवस्था छ:
गाउँका बिजुलीका पोलहरू ढल्ने अवस्थामा पुगिसकेका छन्। पोल ढल्दा तारहरू एक-आपसमा ठोक्किएर बारम्बार सर्ट सर्किट भइरहेको छ। यस्तो चरम असुरक्षित अवस्थामा के कुनै ठूलो दुर्घटना कुरेर बसेको हो?
भोलि बिहान कुनै घरमा आगलागी भयो वा कसैलाई करेन्ट लागेर मानवीय क्षति भयो भने, त्यसको सम्पूर्ण जिम्मेवारी कसले लिन्छ?
प्राधिकरण र सम्बन्धित जिम्मेवार निकायले यसको जवाफ दिनुपर्छ।

हाम्रो गाउँमा 'अगुवा' र 'नेतृत्व' दाबी गर्नेहरू यो गम्भीर संकटमा किन मौन हुनुहुन्छ? जनताको आधारभूत आवश्यकता पूरा नहुँदा पनि मौन बस्ने, समस्यालाई माथिल्लो निकायसम्म नपुर्‍याउने र समाधानका लागि पहल नगर्ने तपाईंहरूको कार्यशैलीले हामीलाई गम्भीर बनाएको छ।

​तपाईंहरूले अहिले देखाएको यो उदासीनता र जनताको समस्याप्रतिको बेवास्तालाई हामीले गम्भीरतापूर्वक नियालिरहेका छौँ। जनताले आफ्नो गाउँका अगुवाहरूको भूमिकाको एक-एक गर्दै लेखाजोखा राखिरहेका छन्।

भोलि बिहान भोट माग्नका लागि आउँदा जनताले कुन आधारमा तपाईंहरूलाई भरोसा गर्ने र कसरी हेर्ने भन्ने कुराको मूल्याङ्कन अहिलेको तपाईंहरूको व्यवहारबाटै भइरहेको छ।

​संकटको समयमा जनताको साथमा उभिन नसक्ने, समस्या समाधानका लागि पहल नगर्ने र केवल पदको मात्रै कुरा गर्ने नेतृत्वको औचित्य अब गाउँमा समाप्त भइसकेको छ। समय छँदै जिम्मेवार बन्नुहोस् र तत्काल यो समस्याको पहल गर्नुहोस्। जनताको धैर्यताको परीक्षा नलिइयोस्।
धन्यवाद 🙏

24/06/2026

Ronaldo vs Messi Rap Battle Songs

09/06/2026

मेला को रमाइलो

08/06/2026

डेउडा खेल

05/06/2026