18/07/2025
अन्ततः एलिना चौहानका पूर्वपति विष्णु सापकोटाले मौनता तोडे, डिभोर्सपछि पहिलो पटक मुख खोलेका छन् । पछिल्लो समय सामाजिक सञ्जालमा आफूलाई लिएर भइरहेका टिप्पणीहरूप्रति प्रतिक्रिया दिँदै विष्णु सापकोटाले सार्वजनिक रूपमा आफ्नो धारणा स्पष्ट गरेका हुन् ।
सामाजिक सञ्जालमार्फत सार्वजनिक रूपमा वक्तव्य जारी गर्दै सापकोटाले लेखेका छन्,
"केही समयदेखि विशेषगरी TikTok लगायतका प्लेटफर्महरूमा मेरो व्यक्तिगत जीवनसँग जोडिएका विभिन्न टिकाटिप्पणी र भिडियोहरूले मेरो ध्यान तान्यो। त्यसैले केही कुरा स्पष्ट गर्नु आवश्यक ठानेको छु।"
उनले उल्लेख गरेअनुसार, आफू र एलिना चौहान अलग भएपछि आपसी समझदारीका आधारमा व्यक्तिगत कुरा सार्वजनिक नगर्ने र शान्तिको लागि मौन बस्ने निर्णय भएको थियो। "म मौन बसेको छु भन्ने कमजोरी होइन, न त मलाई बोल्ने ठाउँ छैन। सम्बन्ध टुंगिएपछि बदला लिने, गिज्याउने वा नकारात्मक ऊर्जा खर्च गर्ने मेरो स्वभाव नै होइन," सापकोटाले भने।
उनले जोड दिए, "माया गरेर, परिवारको उपस्थितिमा, सम्मानपूर्वक घर भित्र्याइएको व्यक्तिको सम्मानका कारण पनि म सार्वजनिक रूपमा त्यस्तो सम्बन्धबारे बोल्न उचित ठान्दिनँ। अदालतले दुबै पक्षको समझदारीमा निर्णय गरिसकेको विषयमा पुनः बोलेर हिंड्नु न्यायिक प्रणालीको अपमान ठहर्छ।"
सापकोटाले आफैंलाई 'self-healing' गर्न समय लागेको उल्लेख गर्दै भने, "बल्ल बल्ल म यो अवस्थाबाट अगाडि बढ्न सकेको थिएँ। तर अझै पनि केही व्यक्तिहरूले पुराना कुराहरू ल्याएर मेरो व्यक्तिगत, पारिवारिक र व्यावसायिक जीवनमा नकारात्मक असर पार्न थालेका छन्।"
उनले गम्भीर मानसिक पीडा भोगिरहेको भन्दै उल्लेख गरे, “धम्कीपूर्ण सन्देशहरू, कठोर शब्द र चरित्र हत्या गर्ने प्रयासहरूले मलाई गम्भीर मानसिक तनावमा पारेका छन्। यस्तो संवेदनशील विषयमा सामाजिक सञ्जालमा बहस गर्नु न नैतिक, न मानवीय, न कानुनी रूपमा उचित हो।”
सापकोटाले अहिले अष्ट्रेलिया र नेपाल दुवै स्थानमा कानुनी प्रक्रिया अघि बढाइसकेको जानकारी समेत दिएका छन्। "मेरा व्यक्तिगत अधिकार, प्रतिष्ठा र आत्म-सम्मानको संरक्षणका लागि म अष्ट्रेलियामा मानहानी र व्यावसायिक क्षतिको क्षतिपूर्तिका लागि कानुनी प्रक्रिया अगाडि बढाइसकेको छु," उनले भने।
अन्त्यमा उनले शुभचिन्तकप्रति आभार प्रकट गर्दै सबैलाई अर्को पक्षप्रति गा'ली, तिर'स्कार वा अम'र्यादित व्यवहार नगर्न पनि आग्रह गरेका छन्।💔
